Home > Child Support > Xov Qhia Rau Cov Ua Niam Ua Txiv > Kev Qhia Txog Them Nyiaj Yug Me Nyuam

Kev Qhia Txog Them Nyiaj Yug Me Nyuam

Guide to Paying Support - Hmong

Peb Hlis Ntuj 2008


Wisconsin Child Support Program yuav pab koj

Wisconsin Child Support Program yuav pab koj

Wisconsin Child Support Program muaj kev pab qhia txog kev ceev nyiaj txiag rau txhua tus neeg ua raug them los yog tau cov nyiaj — them yug me nyuam, them yug tsev neeg, them ntawv kho mob, thiab them yug tus poj niam/txiv (alimony). Tej kev pab cuam no tsuas muaj rau ntawm kev txiav nyiaj, leg cov nyiaj them, thiab muab kev qhia txog cov account.

Tus niam los tus txiv ua ntawv thov kev pab lis ntaub ntawv tom lub kom haum saib xyuas txog phab kev txiav nyiaj them yug me nyuam los tau. Cov yim neeg uas tau kev pab cuam hauv W-2, SSI Caretaker Supplement, Kinship Care, thiab Medicaid/Badger Care Plus* yuav tau kev pab tuav tej ntaub ntawv, thiab yuav cov kev pab cuam no dawb.

* Feem ntau cov tsev neeg los tshiab rau hauv BadgerCare Plus yuav tau cov kev pab cuam no.

Xav paub ntau ntxiv:

Dua li ntawm them nyiaj yug, tshuav dab tsi kuv yuav tsum tau ua?
Koj yuav tau hais qhia rau tsev hais plaub thiab lub koom haum saib xyuas txog phab kev txiav nyiaj them yug me nyuam ntawm koj thaum koj tsiv, pauv hauj lwm, thiab koj cov nyiaj hli pauv. Kev cai lij choj hauv lub xeev yuav kom koj hais qhia tsis pub dhau 10 hnub ua hauj lwm txog tej kev pauv no. Yeej xa cov ntawv ceeb toom txog kev them nyiaj yug me nyuam tawm ntau heev. Kom paub tseeb hais tias koj tau txais cov ntawv ceeb toom tseem ceeb, xyuas rau tom lub koom haum saib xyuas txog phab kev txiav nyiaj them yug me nyuam tau koj qhov chaw nyob tseeb. Cov tsev hais plaub thiab cov koom haum saib xyuas txog phab kev txiav nyiaj them yug me nyuam muaj teev nyob rau hauv cov phau ntawv teev xov tooj hauv “County Government” los yog pab pawg neeg lub npe. Koj mus kho tau koj qhov chaw nyob hauv Child Support Online Services (lus mis kas) lub website.

rov mus lawm saud


Txiav Nyiaj Tshem Tawm

Koj qhov chaw ua hauj lwm txais ntawv ceeb toom txog txiav nyiaj tshem tawm mus them yug (them yug me nyuam, them yug tsev neeg, them ntawv kho mob, thiab them yug tus poj niam/txiv). Koj qhov chaw ua hauj lwm yuav txiav tus nqi them yug tawm ntawm koj daim nyiaj ua hauj lwm thiab yuav muab cov nyiaj no xa mus rau Wisconsin Support Collections Trust Fund frau lawv muab xa tawm. Tej zaum cov chaw ua hauj lwm yuav txiav thaj tsam li $3.00 ua nqi tes txhua zaus lawv txiav cov nyiaj them yug me nyuam no.

Cov nyiaj them yug me nyuam kuj yuav txiav tau tawm ntawm cov nyiaj poob hauj lwm, cov nyiaj workers’ compensation, cov nyiaj pension, thiab cov nyiaj Social Security Disability Income (SSDI).

Thov Nco Ntsoov: Yog hais tias koj tshuav nqi them yug uas dhau caij lawm, tus nqi tas nrho uas teev nyob hauv koj daim ntawv ceeb toom txiav nyiaj tej zaum yuav ntau dua qhov tsev hais plaub tau txiav txim kom koj them. Tus nqi nyob hauv koj daim ntawv ceeb toom tej zaum yuav nce – mus txog 50% ntawm tus nqi koj tab tom them nov. Piv txwv li, koj tus nqi tsev hais plaub hais kom koj them yog $250/ib lub hlis twg mus rau qhov kev them yug ziag no. Koj qhov ntawv ceeb toom kuj muaj $125 ntxiv (50% ntawm $250). Tus nqi tas nrho uas txiav yuav yog $375 ($250 rau koj cov nyiaj them ziag no, thiab ntxiv $125 rau cov nqi uas dhau lawm). Consumer Credit Protection Act kev txws kuj yuav siv rau ntawm no. (Saib kom paub ntau ntxiv txog cov kev txwv no.)

Yog vim li cas kuv thiaj sau tsis tau tshev kiag xwb?
Wisconsin txoj cai yuav kom txiav nyiaj tshem tawm tom hauj lwm. Feem ntau, tsuas yog cov niam txiv uas ua hauj lwm rov rau nws tus kheej thiaj tsis txiav nyiaj tshem tawm xwb. Cov uas rov ua hauj lwm rau nws tus kheej tej zaum yuav tau teeb kom muaj rho nyiaj ncaj qha tawm hauv lub txhab cia nyiaj mus them yug.

Kuv qhov chaw ua hauj lwm tsis zoo siab hais tias lawv yuav tau txiav nyiaj tshem tawm vim hais tais nws ua hauj lwm ntau. Kuv txhawj tsam poob hauj lwm.
Nyob hauv txoj cai, koj qhov chaw ua hauj lwm tsis muaj cai muab koj tso tawm hauj lwm los ntawm kev txiav nyiaj tshem tawm. Yog hais tias koj qhia tau hais tias kev tsiav nyiaj tshem tawm no ua tau teeb meem rau koj txog txheej yuav kho tsis tau, koj mus hais kom lub tsev hais plaub nrhiav lwm txoj kev them rau koj siv. “Irreparable harm” yog ib qho teeb meem yuav ua tau kev piam yam li yuav kho tsis tau lawm. Koj yuav tsum tau hais tuaj mus qhia tsis pub dhau 10 hnub txij hnub koj tau txais tsab ntawv ceeb toom txog kev txiav nyiaj tshem tawm.

Yuav ua li cas yog hais tias yuam kev txiav nyiaj tshem tawm ntawm cov nyiaj ua hauj lwm lawm? Ua li yog hais tais kuv qhov chaw ua hauj lwm txiav ntau tshaj tus nqi teev hauv daim ntawv ceeb toom lawm los yog tsis muab xa tuaj mus rau tom lub Trust Fund?
Yog hais tias tus nqi uas txiav tshem tawm tsis yog li tus nqi hais hauv daim ntawv ceeb toom, koj yuav tsum hais mus rau koj qhov chaw ua hauj lwm. Nws yog koj lub luag hauj lwm ntawm koj txoj kev raug tsev hais plaub yuam them nyiaj yug me nyuam, txawm hais tias koj qhov chaw ua hauj lwm tsis txiav nyiaj mus them yug me nyuam, txiav tus nqi tsis yog, los yog hais tias tsis xa cov nyiaj txiav ntawd mus rau tom lub Trust Fund. Cov chaw ua hauj lwm yuav tsum xa cov nyiaj txiav them yug mus rau lub Trust Fund tsis pub dhau tsib hnub ntawm hnub txiav nyiaj tshem tawm ntawd. Ib tug tswv ntawm chaw ua hauj lwm twg txiav nyiaj mus them yug tiam sis tsis xa cov nyiaj ntawd mus rau lub Trust Fund yuav raug kev yuam cai ntawm lub tsev hais plaub. Hu mus rau lub koom haum saib xyuas txog phab kev txiav nyiaj them yug me nyuam hauv koj zos yog hais tias koj qhov chaw ua hauj lwm tsis xa cov nyiaj txiav them yug mus rau lub Trust Fund.

Muaj peb txoj kev rau koj mus saib koj cov nyiaj them yug:

rov mus lawm saud


Yuav txiav pes tsawg tawm ntawm kuv daim nyiaj mus them yug me nyuam?
Tseem fwv Consumer Credit Protection Act txwv tus nqi tag nrho ntawm cov nyiaj uas yuav txiav tawm hauv koj daim nyiaj ua hauj lwm. Koj cov nyiaj yuav raug txiav raws li teev hauv koj daim ntawv ceeb toom uas koj qhov chaw ua hauj lwm twb yuav tsum tau txais lawm. Koj qhov chaw ua hauj lwm yuav luam ib daim qauv ntawm daim ntawv ceeb toom rau koj. Yog hais tias koj qhov chaw ua hauj lwm txiav tau npaum li tus nqi yuav tsum txiav los mus them yug, koj yuav tsum tshuav tus nqi ntawm qhov tsis tau tau txiav.

Tej zaum koj yuav tau hais kom koj qhov chaw ua hauj lwm txiav tus nqi uas yuav tau them tuaj mus, txawm hais tias ntau tshaj tus nqi uas Consumer Credit Protection Act txwv.

Consumer Credit Protection Act kev txwv muaj li no:

  • 50% ntawm koj cov nyiaj seem yog hais tias koj muaj tsev neeg thib ob
  • 55% ntawm koj cov nyiaj seem yog hais tias koj muaj tsev neeg thib ob thiab tshuav nqi them yug uas dhau 12 lub lis piam los tshaj lawm
  • 60% ntawm koj cov nyiaj seem yog hais tias koj tsis muaj tsev neeg thib ob
  • 65% ntawm koj cov nyiaj seem yog hais tias koj tsis muaj tsev neeg thib ob thiab ho tshuav nqi them yug uas dhau 12 lub lis piam los tshaj lawm

Koj cov nyiaj “disposable income” yog ib feem ntawm koj cov nyiaj khwv tau los tom qab txiav mus them se rau tseem fwv, lub xeev, thiab nom tswv hauv zos, thiab Social Security. Txiav nyiaj mus rau Individual Retirement Accounts (IRAs), cov account them kev kho mob, etc., tsis txhob txo koj cov nyiaj siv.

Kuv ua ob txoj hauj lwm. Ob qho chaw ua hauj lwm pauv yuav txiav nyiaj mus them yug me nyuam tib is?
Tej zaum nkawd yuav txiav los yog tej zaum yuav tsis txiav. Tus nqi tas nrho ntawm cov nyiaj yuav txiav them yug me nyuam rau lub hlis uas tau teev hauv tsab ntawv ceeb toom rau koj txawm hais tias ib txoj hauj lwm los ob txoj tib si yuav txiav. Txeem fwv Consumer Credit Protection Act yuav muaj kev txwv rau qhov no thiab.

Ua lis cov nyiaj txiav cia ntawd puas yog sau los them rau cov nqi tes Receipt and Disbursement (R&D)?
Kev txiav nyiaj hli rau cov nqi R&D tsuas siv tau rau thaum tus niam/txiv tsis them tus nqi txhua xyoos kom txwm nkaus los yog tseem tshuav cov nqi tes hauv R&D rau cov xyoo dhau los lawm. Yog tseem tshuav cov nqi tsis tau them, peb yuav hais kom koj qhov chaw ua hauj lwm txiav nyiaj them tus nqi tes R&D uas yog ib xyoos no peb zaug uas dhau los lawm (lub caij nplooj ntoos hlav, caij ntuj sov, thiab lub caij nplooj ntoos zeeg). Yog hais tias koj muaj ntau dua ib qho chaw ua hauj lwm, tsuas yog ib qho chaw thiaj yuav tau txais tsab ntawv ceeb toom kom txiav nyiaj them R&D xwb.

Xav paub ntau ntxiv txog tus nqi tes no, mus saib hauv Qhia Cov Nqi Tes thiab Cov Nqi hauv Kev Them Nyiaj Yug.

rov mus lawm saud


Cov Ntawv Teev Qhia Txhua Hli thiab Cov Coupons

Yuav tsis xa cov Monthly Statement thiab cov Payment Coupons tuaj rau txhua tus raug them nyiaj yug. Tsuas xa cov Monthly Statement thiab cov coupon rau koj raws li hais nram no xwb:

  1. Koj tsis nyob hauv kev txiav nyiaj ntawm lub nyiaj hli
  2. Koj poob qab ntawm kev them nyiaj
  3. Koj nyuam qhuav siv daim coupon xa nrog koj cov nyiaj them tuaj

Koj mus saib tau tej kev qhia kom meej dua txog koj cov nyiaj them tuaj hauv 60 hnub dhau los thiab tej kev qhia seb tshuav nyiaj li cas hauv tus account lawm hauv internet ntawm Child Support Online Services (lus mis kas). Kev qhia yeej kho txhua txhua hmo tseg hnub Sunday xwb. Koj kuj mus saib thiab luam cov payment coupon tau.

Kuv qhov chaw ua hauj lwm txiav nyiaj them yug tawm hauv kuv daim tshev, thiab kuv kuj them raws sij hawm. Puas yuav xa tau daim Monthly Statement tuaj rau kuv?
Tau. Yog hais tias koj xav kom xa daim Monthly Statement thiab cov Payment Coupons tuaj rau koj, hais mus rau lub koom haum saib xyuas txog phab kev txiav nyiaj them yug me nyuam. Koj mus saib tau koj tus account thiab luam cov payment coupon hauv Child Support Online Services (lus mis kas).

rov mus lawm saud


Kev Ceeb Toom Txog Cov Nqi Tes R&D thiab Cov Coupons

Txhua Lub Ib Hlis Ntuj, yuav xa ib tsab ntawv ceeb toom txog koj tus nqi tes R&D thiab ib daim coupon phib xej them rau koj qhov nqi tes R&D tuaj rau koj. Yog hais tias koj tseem tshuav cov nqi tes R&D thiab koj tsis siv qhov txiav nyiaj ntawm koj lub nyiaj hli, koj yuav txais ib tsab ntawv ceeb toom txog R&D nrog rau ib daim coupon rau thaum Lub Plaub Hlis Ntuj, Xya Hli Ntuj, thiab Lub Kaum Hli Ntuj.

rov mus lawm saud


Yog Muaj Lus Nug - Cov Ntawv Teev Qhia Txhua Hli thiab Cov Coupons

Kuv qhov chaw ua hauj lwm siv puas tau kuv cov coupon? Kuv yuav siv daim coupon twg?

  • Tsis txhob muab koj cov coupon rau koj qhov chaw ua hauj lwm siv. Cov chaw ua hauj lwm lawv muaj lawv ib caim coupon phib xej siv xa cov nyiaj txiav them nyiaj yug thiab them cov nqi tes R&D.

  • Siv koj cov Payment Coupons yog hais tias koj qhov chaw ua hauj lwm tsis txiav nyiaj them yug, yog koj tsis ua hauj lwm, los yog koj xav them cov nqi them yug uas dhau los lawm. Koj kuj siv tau koj cov Payment Coupon yog hais tias koj pauv hauj lwm, thiab koj qhov chaw ua hauj lwm tshiab yuav qeeb me ntsis txog kev txiav nyiaj them yug me nyuam.

  • Siv koj daim R&D Fee Coupon mus them koj tus nqi tes txhua xyoo thiab rau tej nqi tes uas dhau tau ntau xyoo lawm. Tus nqi tes no yeej sau txhua lub Ib Hlis Ntuj. Cov R&D Coupon yog xa tawm thaum lub Ib Hlis Ntuj uas tsis nrog tsab ntawv ceeb toom txog cov nqi tes R&D uas koj tshuav ua ke.

  • Siv daim coupon kom yog mus them koj cov nqi. Qhov txawv ntawm cov coupon yog yuav qhia rau lub Trust Fund muab koj cov nyiaj faib mus them cov nyiaj yug los yog mus them rau cov nqi tes R&D. Yog hais tias koj siv daim coupon tsis yog, koj cov nyiaj them mus yuav muab tso tsis yog kis them mus lawm. Siv daim Payment Coupon mus them cov nyiaj yug, cov nqi ua dhau lawm, thiab cov paj. Tsuas siv daim R&D Fee Coupon mus them koj cov nqi tes R&D xwb.

  • Tsis txhob siv cov coupon no mus them cov nqi uas cog ntawv tseg. Yog koj xav muab cov nqi no them kom tas, hu mus rau koj lub koom haum saib xyuas txog phab kev txiav nyiaj them yug me nyuam kom tau daim ntawv phib xej.

  • Yog hais tias koj xav them cov nqi uas koj tau cog lus tuav khoom tseg lawm, tiam sis tsis yog them cov nqi raws li kev pom zoo nrog rau koj lub koom haum saib xyuas txog phab kev txiav nyiaj them yug me nyuam, koj siv daim Payment Coupon los tau. Koj yuav tsum xaiv seb qhov nyiaj them mus yog mus them rau rooj plaub tus nab npawb li cas cov nqi uas tau cog lus tuav khoom muaj nqis tseg. Sau rooj plaub tus nab npawb rau txoj kab sau hais tias “Designated Court Case?”, thiab khij lub voj plaub ceg kaum nyob sab xis tnawm txoj kab ntawd. Yog koj tshuav nqi them yug rau lub sij hawm no rau rooj plaub koj tau xaiv, qhov nyiaj them no yuav muab mus them ua ntej rau cov nqi koj tshuav ziag no ntawm rooj plaub koj tau xaiv. Saib daim coupon.

Yog kuv muaj lus nug txog yuav siv daim coupon li cas no kuv yuav hu rau leej twg?
Yog koj muaj lus nug txog koj cov coupon, thov hu mus rau Wisconsin Support Collections Trust Fund, hnub Monday txog Friday, 8:00 a.m. - 5:00 p.m. (Central Time), ntawm:

(414) 615-2400 cheeb tsam Metro hauv Milwaukee
(800) 991-5530 cheeb tsam tawm hauv Metro Milwaukee sab nraud
(877) 209-5209 TTY

Kuv yeej them cov nqi uas dhau lawm kuv tshuav ntawm ob tsev neeg. Muaj ntau yam tshwm sim, thiab tej zaum ib tsev neeg xav tau nyiaj ntau dua qhov kuv them txhua hli. Yuav ua li cas kuv thiaj ntxiv tau nyiaj them mus rau tsev neeg ntawv xwb?
Yog koj xav ntxiv nyiaj mus pab ib tsev neeg ntawd xwb, siv koj daim Payment Coupon es teev qhov nyiaj ntawd mus rau rooj plaub ntawd kiag. Sau tsev neeg ntawd tus case nab npawb rau ntawm txoj kab sau hais tias “Designated Court Case?”, thiab khij lub voj plaub ces kaum uas nyob sab xis ntawv txoj kab. (Saib daim coupon.)

Koj siv tau koj cov Payment Coupons uas tuaj ua ke nrog koj daim ntawv qhia txhua hli uas yog daim Monthly Statement of Account. Koj mus rub koj daim payment coupon ntawm Child Support Online Services (lus mis kas).

Thov ceeb toom: Yog hais tias koj tshuav nqi rau lub sij hawm no rau ntawm koj rooj plaub koj xaiv, cov nyiaj them yuav them ua ntej rau cov nqi ziag no yuav tsum them rau rooj plaub nov.

Kuv yuav tsum them $75 nyiaj yug txhua lub lis piam thaum kuv lav nyiaj, kuv yeej them. Ua li cas pheej pom hauv kuv daim ntawv qhia txhua hli tias kuv tshuav nqi?
Thaum tsev hais plaub muab kev txiav txim rau ib tus niam/txiv twg kom them nyiaj yug txhua lub lis piam los yog ob lub lis piam twg, muaj teev “ib hnub sau nqi” tso rau hauv qhov KIDS computer system. Yog hais tias koj cov nyiaj them tuaj raws li hnub koj them, tiam sis hnub sau nqi hauv KIDS yog hnub txawv hauv lub lis piam ntawd, koj tus account yuav txawv zog mus li hli puav.

Nyob rau cov hli uas muaj cov hnub sau nqi ntau dua cov hnub them nqi, koj cov ntawv qhia yuav teev hais tias tsis muaj nyiaj. Qhov teev hais tias tsis muaj nyiaj rau cov hli ntawd yuav hu tau hais tias “timing arrears”, txhais tau hais tias lub sij hawm poob qab lawm. Yuav tsis tsub paj rau lub sij hawm poob qab nov, thiab yuav tsis muaj ua dab tsi li.

Mus li ib lub xyoos, koj yuav muaj 52 lub lis piam cov hnub them thiab 52 lub lis paim cov hnub raug sau nqi. Tus nqi sau uas yog $75 txhua 52 lub lis piam yuav poob tag nrho los rau $3,900. Tus nqi $75 them lawm hauv txhua 52 lub lis paim yuav poob tas nrho los rau ntawm $3,900.

Txoj kab ke sau nqi thiab them nyiaj yug me nyuam $75/txhua lub lis piam.
Cov hnub Friday yog KIDS cov hnub sau nqi.
Cov hnub Monday yog cov hnub niam/txiv lav nyiaj.

Lub hli Jan-08 Feb-08 Mar-08 Apr-08

Cov hnub KIDS sau nqi txhua lub lis piam hauv lub hli (Fridays)

 4

5

 4 4

Cov nqi sau tas nrho hauv lub hli

 $300 $375 $300 $300

Cov hnub lav nyiaj txhua lub lis piam hauv lub hli (Mondays)

 4 4

5

 4

Tas nrho cov nyiaj them hauv lub hli

 $300 $300 $375 $300

Tas nrho cov nyiaj sau tau txij xyoos tshiab txog tam sim nov

 $300 $675 $975 $1,275

Tas nrho cov nyiaj them txij xyoo tshiab txog tam sim nov

 $300 $600 $975 $1,275

Statement Balance (tus nqi them nrho tawm tus nqi sau los

 $0 - $75 $0 $0
Lub hli May-08 June-08 July-08 Aug-08

Cov hnub KIDS sau nqi txhua lub lis piam hauv lub hli (Fridays)

5

 4 4

5

Cov nqi sau tas nrho hauv lub hli

 $375 $300 $300 $375

Cov hnub lav nyiaj txhua lub lis piam hauv lub hli (Mondays)

 4

5

 4 4

Tas nrho cov nyiaj them hauv lub hli

 $300 $375 $300 $300

Tas nrho cov nyiaj sau tau txij xyoos tshiab txog tam sim nov

 $1,650 $1,950 $2,250 $2,625

Tas nrho cov nyiaj them txij xyoo tshiab txog tam sim nov

 $1,575 $1,950 $2,225 $2,550

Statement Balance (tus nqi them nrho tawm tus nqi sau los

 - $75 $0  $0 - $75
Lub hli Sept-08 Oct-08 Nov-08 Dec-08

Cov hnub KIDS sau nqi txhua lub lis piam hauv lub hli (Fridays)

 4

5

 4 4

Cov nqi sau tas nrho hauv lub hli

 $300 $375 $300 $300

Cov hnub lav nyiaj txhua lub lis piam hauv lub hli (Mondays)

5

 4 4

5

Tas nrho cov nyiaj them hauv lub hli

 $375 $300 $300 $375

Tas nrho cov nyiaj sau tau txij xyoos tshiab txog tam sim nov

 $2,925 $3,300 $3,600 $3,900

Tas nrho cov nyiaj them txij xyoo tshiab txog tam sim nov

 $2,925 $3,225 $3,525 $3,900

Statement Balance (tus nqi them nrho tawm tus nqi sau los

 $0 - $75 - $75 $0

Tus nqi them lawm thiab tus nqi yuav tau them rau ib lub xyoos twg (52 lub lis piam los yog 12 lub hlis) yog $3,900. Yog hais tias thawj lub hlis hauv lub xyoos twg muaj ntau hnub lav nyiaj dua cov hnub sau nyiaj, koj yuav tshuav nyiaj hauv koj tus account hauv tej lub hlis. Yog hais tias koj raug them nyiaj txhua ob lub lis piam twg los kuj yuav zoo ib yam li hais nov.

Tej thaum kuv cov ntawv teev qhia txhua lub hlis muaj ceeb toom txog “Notice of Delinquency” uas hais tias kuv cov nqi dhau sij hawm lawm. Txawm hais tias kuv twb them tshaj lawm los tseem muaj ceeb toom hauv kuv daim ntawv teev thiab. Qhov ceeb toom no txhais li cas?
Yog koj tsis them kom tas tus nqi koj raug yuam kom them los yog tsis them raws li txoj kev koj yuav tsum them, qhov lus ceeb toom “Notice of Delinquency” yeej yuav muaj teev nyob hauv koj daim Monthly Statement of Account txhua lub hlis. Yam ntawv ntaus ceeb toom hauv koj daim Monthly Statement yog los ntawm seb tas nrho cov nqi them uas dhau lawm raug pes tsawg.

Yuav muaj cov lus ceeb toom yog hais tias koj tsis them kom tas tus nqi uas teev hauv koj daim Monthly Statement hauv kis sau hais tias "Periodic Payments Due," tsis yog tus nqi sau hauv kis "Amount Owed at the end of (Month)." Cov nyiaj koj them tuaj yuav muab los sib ntxiv thiab muab piv nrog tus nqi teev hauv qhov sau hais tias "Periodic Payments Due." Thaum tsis them tus nqi (dhau ib lub hlis los tshaj lawm) mus txog ib qib, koj daim ntawv qhia txhua hli yuav teev ib nqe ntawm ob nqe lus ceeb toom raws li hauv qab. Saib daim ntawv piv txwv qhia txhua hli nyob hauv rau cov tshooj no.

  • Nqe Lus Ceeb Toom Notice 1 teev hais tias, “A portion of your account is overdue. Please submit full payment immediately or contact your local child support agency.” [“Ib feem ntawm koj tus account dhau sij hawm lawm. Thov xa kom tas tus nqi tuaj kom sai tam siv los yog hu rau koj lub koom haum saib xyuas txog phab kev txiav nyiaj them yug me nyuam.”]

    Koj yuav pom tsab ntawv ceeb toom Notice 1, yog mus li ib lub sij hawm, tus nqi tsis them nce mus txog 52% ntawm tus nqi tag nrho hauv "Periodic Payments Due." Piv txwv tias: Koj tus nqi yuav tau them rau ib lub sij hawm raug $360. Yog koj tus nqi tsis them nce mus txog li $187.20 (52% ntawm $360), tsab ntawb ceeb toom Notice 1 yuav teev nyob hauv koj daim ntawv qhia txhua hli hu ua Cov Ntawv Teev Qhia Txhua Hli (Monthly Statement of Account).

  • Nqe lus ceeb toom Notice 2 hais tias, “Your account is overdue or you have defaulted on your payment plan. Enforcement actions will be taken until these amounts are paid. Delinquent amounts may be subject to intercept of your tax refunds, enforcement of a child support lien through administrative enforcement actions, and/or court action. Please submit full payment immediately, or contact your local child support agency.” [“Koj tus account dhau caij them lawm los yog koj tsis ua raws li txoj kev them lawm. Kev soj qab taug lw yuam yuav tau muaj mus txog rau thaum them cov nqi no tas. Cov nqi poob qab tsis them tej zaum yuav raug kev cuam tshuam los ntawm cov nyiaj ua se tau los, yuav tau soj qab xyuas txog kev muab khoom muaj nqis los yuam nqi, thiab/los yog tsev hais plaub yuav tau txiav txim. Thov xa kom tas tus nqi tshuav sai tam siv, los yog hu rau koj lub koom haum saib xyuas txog phab kev txiav nyiaj them yug me nyuam.”]

    Koj yuav pom nqe lus ceeb toom Notice 2, yog mus ib lub sij hawm, tus nqi tsis them mus txog los yog dhau tus nqi teev hauv qhov "Periodic Payments Due." Piv txwv tias: Koj cov nyiaj them hauv ib lub sij hawm tas nrho raug $360. Yog koj tus nqi tsis them nce mus txog $360 los tshaj, nqe lus ceeb toom Notice 2 yuav teev hauv koj daim ntawv qhia txhua hli hu ua Cov Ntawv Teev Qhia Txhua Hli (Monthly Statement of Account).

    Kuj yuav muaj ceeb toom nqe lus Notice 2 yog hais tias koj tau pom zoo rau txoj kev them lawm tiam sis ho tsis ua raws li tau npaj. (Lwm Txoj Kev Them (Alternative Payment Plan) – Kev pab rau cov niam txiv uas tshuav nqi dhau lawm tsis them)

  • Saib daim ntawv piv txwv qhia txhua hli nyob hauv rau cov tshooj no.

Tej zaum Nqe Lus Ceeb Toom tseem yuav muaj nyob hauv koj daim Cov Ntawv Teev Qhia Txhua Hli (Monthly Statement) tom qab koj twb them tus nqi tas lawm. Ib txoj kab ke yuav pib dua, ces mus li ib lub sij hawm, yog hais tias koj yeej them tas tus nqi tag nrho lawm ces thiaj yuav tshem nqe lus ceeb toom tawm.

rov mus lawm saud


Lwm Cov kev yuav Them Tau

Pay-by-Phone (Hu xov tooj mus them)
Koj mus saib tau ntxiv txog txoj kev no thiab muab tau daim ntawv ua thov no hauv internet (lus mis kas).

Koj kuj hu tau mus rau KIDS Information kom paub ntxiv thiab kom tau daim ntawv ua thov, hnub Monday txog hnub Friday, 8:00 a.m. - 5:00 p.m. (Central Time), ntawm:

(414) 615-2400 cheeb tsam hauv Metro Milwaukee
(800) 991-5530 tawm cheeb tsam hauv Metro Milwaukee sab nraud
(877) 209-5209 TTY

Pay Online (Them hauv internet):
Muaj kev mus rau tom tej chaw pab muab kev them hauv internet nyob hauv (lus mis kas).

rov mus lawm saud


Lwm Cov Lus Nug

Leej niam/txiv tod ntiav ib lub chaw ua huaj lwm sau nyiaj mus sau nyiaj vim hais tias kuv tshuav cov nqi uas dhau lawm. Kuv yuav ua li cas?
Koj muab kev pom zoo xa koj cov nyiaj them yug me nyuam mus rau lub ua hauj lwm sau nyiaj mus sau nyiaj ntawd los tau. Tiam sis, koj yuav tsum sau daim tshev los yog daim money order ntawd them rau “Wisconsin Support Collections Trust Fund” los yog “WI SCTF.” Xa koj daim Payment Coupon nrog koj daim tshev los yog daim money order ua ke.

Tus neeg uas ntiav lub chaw ua hauj lwm sau nyiaj ntawd yuav tsum them tas nrho cov nqi tes uas lub chaw ua hauj lwm sau nyiaj ntawd yuav. Yog koj sau koj daim tshev them rau lub chaw ua hauj lwm sau nyiaj ntawd, tej zaum lub chaw ua hauj lwm sau nyiaj ntawd yuav txiav nws cov nqi tes ua ntej xa koj cov nyiaj tuaj rau lub Trust Fund. Yog muaj li no tshwm sim, koj tsuas tau credit rau tus nqi lub chaw ua hauj lwm sau nyiaj ntawd xa tuaj rau hauv lub Trust Fund xwb.

Piv Txwv Tias: Koj raug yuam them nyiaj yug me nyuam ib hlis twg $500. Koj xa koj $500 nyiaj, sau them rau lub chaw ua hauj lwm sau nyiaj ntawd lub npe, tuaj mus rau lub chaw ua hauj lwm ntawd. Yog lub chaw ua hauj lwm sau nyiaj ntawd txiav tus nqi tes $100 tawm ntawm koj cov nyiaj them lawm es tsuas xa $400 tuaj rau lub Trust Fund xwb, koj tsuas tau credit rau $400 xwb. Li no ces yuav muaj ib tug nqi $100 uas koj tseem tshuav rau lub hli ntawd. Txhua hli muaj zoo li nov, koj cov nqi uas dhau tsis them yuav nce li ntawm $100. Koj xa koj cov nyiaj them nrog koj daim Payment Coupon ncaj qha tuaj mus rau:

Wisconsin Support Collections Trust Fund
Box 74200
Milwaukee, WI, 53274-0200.

Leej niam/txiv tod tsis siv cov nyiaj them yug rau wb cov me nyuam. Yuav ua tau li cas txog qhov no?
Cov nyiaj leej niam/txiv tod siv rau hauv vaj hauv tsev, them nqi dej nqi taws, thiab zaub mov noj yog cov nyiaj siv ua ke rau cov me nyuam lawm. Yog koj ntseeg tau hais tias koj cov me nyuam tsis tau noj zoo txaus, tsis tau ris tsho hnav zoo, los yog nyob vaj tsev kom zoo, koj yuav tsum hu mus rau cov koom haum saib xyuas txog neeg ntawm koj cov me nyuam qhov chaw nyob. Lub xeev thiab tseem fwv tsis muaj cai cuam tshuam txog leej niam/txiv kev yuav siv cov nyiaj them yug me nyuam li cas li.

Yog kuv them nyiaj yug me nyuam, ua li cas kuv ho txo tsis tau se?
Internal Revenue Service yog qhov chaw tswj kev txiav se rau co neeg tseem tos lwm tus khwv rau noj. Hu mus rau IRS tus xov tooj hu dawb (800) 829-1040 los yog mus saib hauv lawv lub website ntawm www.irs.gov (lus mis kas) kom paub txog cov cai ua se. Koj kev txiav txim los ntawm koj kev sib nrauj los yog kev lees ua leej txiv tej zaum yuav muaj teev qhia hais tias tus niam/txiv twg muaj cai sau cov me nyuam mus ua se. Saib koj daim ntawv txiav txiv ntawm tsev hais plaub los seb hais li cas. Thov ceeb toom: Txeem fwv qhov Earned Income Tax Credit yuav txaw qhov txiav se rau tib tug me nyuam twg. Nyob rau ntawm qhov Earned Income Tax Credit, ib tug me nyuam twg yuav tsum nrog koj nyob tshaj rau lub hlis hauv ib lub xyoos.

Kuv kev txiav txim hauv tsev hais plaub tau teem sij hawm rau kuv nrog kuv cov me nyuam. Leej niam/txiv tod tsis pub kuv mus xyuas lawv. Kuv tseg tsis them nyiaj yug puas tau?
Tsis tau. Wisconsin txoj cai lij choj yeej hais meej meej txog qhov teeb meem ntawm qhov chaw me nyuam nyob (saib xyuas me nyuam) thiab them nyiaj yug me nyuam. Ib leej niam/txiv twg tsis muaj cai tseg tsis them nyiaj yug me nyuam uas tsev hais plaub tau txiav txim rau vim hais tias leej niam/txiv tod tsis kam ua raws li tsev hais plaub tau txiav txim muab kev saib xyuas me nyuam. Ib yam li, ib leej niam/txiv twg tsis muaj cai txwv tsis pub muaj kev saib xyuas me nyuam raws li tsev hais plaub tau txiav txim vim leej niam/txiv tod tsis them nyiaj yug me nyuam raws li tsev hais plaub tau txiav txim. yog hais tias koj raug txwv txoj cai mus saib xyuas me nyuam, hu mus rau koj tus kws txiav txim rau tsev neeg hauv tsev hais plaub (family court commissioner). Mus tshawb nrhiav cov ntaub ntawv ua rau hauv tsev hais plaub kom rov muab los xyuas dua/soj ntsuam txog kev saib xyuas me nyuam hauv internet (lus mis kas).

Wisconsin cov kev pab cuam Child Support Program thiab cov koom haum hauv nroog tsis muaj cai tsim dua tshiab, pauv, los yog yuam txog kev tau cai tau me nyuam thiab kev muab chaw rau me nyuam nyob.

rov mus lawm saud


Lus Qhia Ntxiv

Back to top

Rov mus rau: Xov Qhia Rau Cov Ua Niam Ua Txiv


Updated August 04, 2008