Pauv Kev Raug thiab thiab Xaus Kev Them Nyiaj Yug Me Nyuam

Kho Dua Tshiab 10 Hli Ntuj 2009

Pauv Kev Raug Them Nyiaj Yug Me Nyuam

Puas yuav pauv tau tus nqi them nyiaj yug me nyuam?
Tau. Yog hais tias leej niam/txiv lub nyiaj hli los yog kev nyob ntawm tus me nyuam pauv lawm, cov nyiaj them yug me nyuam kuj yuav pauv tau. Tus nqi raug them ntawd kuj yuav muab txo los yog muab nce. Ua ntej yuav muab pauv tau, lub koom haum saib xyuas txog phab kev txiav nyiaj yug me nyuam thiab/los yog lub tsev hais plaub yauv tau muab rov xyuas dua. Leej niam thiab leej txiv puav leej yuav tau muab tej ntaub ntawv txog nkawv tej nyiaj txiag los qhia rau qhov kev ntsuam xyuas no. Tsab ntawv ceeb toom txog qhov kev ntsuam xyuas pom yuav muab xa tuaj rau ob leeg tib si.

  • Peb xyoos twg, lub Bureau of Child Support yuav xa ntawv ceeb toom tuaj rau leej niam thiab leej txiv kom nco hais tias nkawd muaj cai rov mus hais txog cov nyiaj them yug me nyuam.
  • Peb xyoos twg cov niam txiv thiab cov muaj cai saib xyuas me nyuam uas tau kev pab cuam nyiaj ntsuab ntawm W-2, SSI Caretaker Supplement, thiab Kinship Care yuav txais kev rov muab cov lus txiav txim hauv tsev hais plaub coj los xyuas dua.

rov mus lawm saud

Rov Muab Qhov Kev Txiav Txim Los Ntsuam Xyuas Dua

Qhov muab rov los ntsuam xyuas dua yog ib txoj kev los xyuas seb tus nqi them yug me nyuam puas yuav tsum tau muab kho dua.

Qhov muab rov los ntsuam xyuas dua no yuav tau muaj rau thaum:

  • Leej niam/txiv tau kev pab cuam nyiaj ntsuab rau cov me nyuam, tiam sis tau peb lub xyoos los lawm uas tsis tau muab tus nqi them yug me nyuam rov los ntsuam xyuas dua; los yog
  • Leej niam/txiv hais kom rov muab los ntsuam xyuas dua, thiab tau peb xyoos los lawm tsis tau muab tus nqi them yug me nyuam rov los ntsuam xyuas; los yog
  • Lub tsev hais plaub hais kom rov muab los ntsuam xyuas dua.

Tej zaum kev rov muab ntsuam xyuas dua yuav muaj yog hais tias:

  • Leej niam/txiv hais kom rov muab los ntsuam xyuas dua, thiab tus nqi them yug me nyuam twb tau rov muab ntsuam xyuas dua nyob rau hauv peb lub xyoos. Tej zaum Lub Koom Haum Saib Xyuas Txog Phab Kev Txiav Nyiaj Yug Me Nyuam yuav kom muaj kev rov ntsuam xyuas ntau zaus dua nyob hauv peb lub xyoos twg yog hais tias muaj ntau yam pauv loj, thiab yog hais tias muaj ntawv sau thuaj thov kom lub koom haum muab kev ntsuam xyuas dua.
  • Leej niam/txiv ntiav kws lij choj sawv cev hais kom lub tsev hais plaub rov muab kev ntsuam xyuas dua.
  • Leej niam/txiv yuav siv daim ntawv “koj mam ua koj” (pro se) hais mus lub tsev hais plaub rov muab kev ntsuam xyuas dua. Cov niam txiv yuav nug tau tuaj mus rau tus tu plaub (commissioner) hauv lub tsev hais plaub rau tsev neeg seb lawv yuav mus muab tau cov ntaub ntawv pro se qhov twg, los yog mus tshawb tau hauv internet. (lus As Kiv)

rov mus lawm saud

Tej yam pauv loj xws li:

  • Tsev hais plaub pauv qhov chaw rau tus me nyuam nyob. Ziag no tus me nyuam mus nrog tus niam/txiv uas raug them nyiaj yug me nyuam nyob lawm.
  • Tus niam los tus txiv uas raug them nyiaj yug me nyuam uas tau nyiaj nce tom hauj lwm nws tus nqi them kuj yuav nce siab tshaj 15% thiab qhov tsawg kawg yog $50 txhua lub hlis.
  • Tus niam/txiv uas tau txais nyiaj them yug me nyuam mus thov tau kev pab cuam ntawm tseem fwv lawm, thiab qhov kev txiav txim ntawv qub lawm, los yog tsis raug them nyiaj yug me nyuam.
  • Hais ntxiv txog tej yam pauv loj

Yuav tsis rov muab ntsuam xyuas dua yog hais tias:

  • Tus niam los tus txiv kuj tsis muaj lub luag hauj lwm yuav tsum muab pov thawj txog kev them nyiaj yug me nyuam. Piv txwv li, tsis tau them nyiaj yug tas nrho cov me nyuam ntxiv lawm, los yog tus niam los tus txiv uas raug them nyiaj yug me nyuam cov cai raug txiav lawm.
  • Pom tau hais tias "Muaj Cai Txaus" (Good Cause) los yog leej niam/txiv tseem tos seb puas tau W-2. (Txawm li cas los, tus niam/txiv uas Muaj Cai Txaus yuav hais tau kom rov muab coj los ntsuam xyuas dua.)
  • Txoj kev txiav txim yog tuaj lwm lub xeev tuaj, thiab lub xeev ntawd muaj cai khoo txoj kev txiav txim.
  • Tsis paub hais tias leej niam/txiv nyob rau qhov twg lawm
  • Tus niam/txiv uas raug them nyiaj yug me nyuam txiav txim txo nws cov nyiaj hli lawm.

Cov koom haum saib xyuas txog phab kev txiav nyiaj yug me nyuam muaj ntau txoj kev los ntsuam xyuas tsev hais plaub cov kev txiav txim. Ib co koom haum hais kom lawv cov neeg ua hauj lwm muab cov kev txiav txim rov los ntsuam xyuas dua. Lwm cov koom haum yuav pab qhia tau cov niam txiv ua cov ntaub ntawv mus hais kom lub tsev hais plaub rov muab txoj kev txiav txim los hais dua. Txoj kev twg los, qhov yuav muab cov lus txiam txim rov los hais dua yuav xyuas txog peb qho:

  1. Tus nqi them yug me nyuam puas siv raws li tus txheej txheem feem puas ntawm lub nyiaj hli hu ua Percentage of Income guidelines? (Thov mus saib Tus Txheej Txheem Qhia Txog Kev Teev Tus Nqi Them Yug Me Nyuam)?

  2. Ua li kev raug them yug me nyuam puas hais kom pab them kev kho mob? Tej zaum ib tug los yog ob leej niam txiv yuav tsum muaj ntawv kho mob tib si. Kev kho mob kuj muaj xws li:

    • zwm tus me nyuam rau ib qho kev pab cuam kho mob uas tus niam/txiv qhov chaw ua hauj lwm muaj
    • them tus nqi rau kev kho mob rau tus me nyuam mus rau tom tus niam/txiv tod qhov chaw ua hauj lwm
    • them cov nqi kho mob uas twb mus kho los lawm thiab cov nqi kho nhiav
  3. Puas muaj tej yam pauv loj heev txij kev txiav txim zaum kawg?

Tom qab rov ntsuam xyuas tas lawm, mam li xa ntawv ceeb toom tuaj qhia rau leej niam thiab leej txiv.

rov mus lawm saud

Pauv Qhov Kev Txiav Txim

"Pauv" los yog "muab kho" yog kev kho raws cai rau ntawm kev txiav txim txog kev them nyiaj yug me nyuam.

Yog muaj kev pauv, tej zaum tus nqi them yug yuav nce, yuav nqis, los yog nyob li qub. Yog hais tias tus nqi them yug nyob li qub, tej zaum tsev hais plaub yuav txiav txim kom ntxiv nqi ntawv kho mob.

Yuav tsis muaj pauv dab tsi yog hais tias kev ntsuam xyuas dua pom tau hais tias:

  • Txoj kev txiav txim yog ua raws li tus txheej txheem qhia them nyiaj yug me nyuam thiab kom muaj pab rau kev kho mob. Thov mus saib Kev Qhia Koj Txog Kev Teev Tus Nqi Them Nyiaj Yug Me Nyuam kom paub ntxiv txog tus txheej txheem.
  • Tus nqi pauv ntawm cov nyiaj them yug me nyuam yuav nqis dua 15% ntawm tus nqi tab tom them, thiab/los yog qhov seem ntawd yuav nqi dua $50 hauv txhua lub hlis.

Yog hais tias tus neeg ua hauj lwm hauv lub koom haum saib xyuas txog phab kev txiav nyiaj yug me nyuam rov muab tus nqi them yug me nyuam los ntsuam xyuas dua es pom hais tias yuav tau muab kho dua, tej zaum lawv yuav ua daim ntawv pom zoo raws cai thiab yuav hais kom leej niam thiab leej txiv kos npe rau. Lub tsev hais plaub yuav tsum txais qhov kev pom zoo. Yog hais tias ib leeg niam/txiv tsis pom zoo li hais hauv daim ntawv ua raws cai, tej zaum lub koom haum yuav hais kom lub tsev hais plaub muab qhov kev txiav txim pauv. Yog hais tias lub tsev hais plaub rov muab qhov kev txiav txim los ntsuam xyuas dua, lub tsev hais plaub mam xyuas seb yuav pauv los tsis pauv.

Tus niam/txiv tod thiab kuv pom zoo pauv tus nqi them nyiaj yug. Nws puas muaj ib txoj kev yooj yim rau wb taug?
Muaj. Lub Office of State Courts muaj cov ntaub ntawv hauv internet xws li, FA-604 - Stipulation and Order to Amend Judgment for Support/ Maintenance/ Custody/ Placement (lus As Kiv), uas cov niam txiv muab los kos npe thiab muab xa mus rau tsev hais plaub kom muab kev txiav txim pom zoo.

Yog hais tias koj tau kev pab los ntawm lub koom haum saib xyuas txog phab kev txiav nyiaj yug me nyuam ntawm koj nyob, lub koom haum ntawd yuav tsum muaj kev pom zoo txog cov lus teev hauv daim ntawv ua raws cai ua ntej koj xa cov ntaub ntawv mus rau tsev hais plaub. Koj kuj yuav tsum hais qhia rau lub koom haum ntawd paub yog hais tias lub tsev hais plaub nrog pom zoo thiab.

rov mus lawm saud

Ib Co Ntsiab Lus Tseem Ceeb

Tsuas yog lub tsev hais plaub thiaj yuav pauv tau kev txiav txim xwb
Lub koom haum saib xyuas txog phab kev txiav nyiaj yug me nyuam pauv tsis tau tsev hais plaub kev txiav txim. Tej zaum lub koom haum ntawd tsuas pab sau tau tsab ntawv rau tus niam thiab tus txiv kos npe rau xwb, tiam sis lub tsev hais plaub yuav tsum txiav txim rau daim ntawv pom zoo. Cov kev pauv no yuav tsis tau pib mus txog rau thaum lub tsev hais plaub kos npe rau daim ntawv txiav txim.

Cov Ntawv Ceeb Toom yuav muab xa tawm
Cov kev ceeb toom txog kev rov ntsuam xyuas dua yuav yog xa ua ntawv tuaj mus rau qhov chaw nyob uas muaj nyob rau hauv lub koom haum saib xyuas txog phab kev txiav nyiaj yug me nyuam. Cov niam txiv mus pauv tau chaw nyob ntawm lub koom haum saib xyuas txog phab kev txiav nyiaj yug me nyuam los yog mus pauv hauv Child Support Online Services (lus As Kiv).

Cov Kws Lij Choj Hauv Phab Kev Them Nyiaj Yug Me Nyuam
Cov kws lij choj hauv phab kev them nyiaj yug me nyuam sawv cev rau lub xeev. Lawv tsis sawv cev rau leej niam los leej txiv. Cov kws lij choj hauv phab kev them nyiaj yug me nyuam yuav tuaj mus mloog cov rooj hais plaub uas rov ntsuam xyuas cov kev txiav txim dua rau cov niam txiv uas tau kev pab cuam nyiaj ntsuab.

Cov Nqi
Cov kev pauv no yuav tsis tau pib mus txog rau thaum lub tsev hais plaub kos npe rau daim ntawv txiav txim.

Cov koom haum saib xyuas txog phab kev txiav nyiaj them yug me nyuam tsis yuav nqi tes rau qhov nrog saib cov lus txiav txim los yog nrog leg cov hauj lwm mus pauv cov lus txiav txim.

Cov tsev hais plaub feem ntau yuav $30 nqi tes ua ntaub ntawv mus sib hais kom rov muab los xyuas dua los yog muab cov lus txiav txim pauv. Leej niam los leej txiv uas hais kom muab tus nqi pauv yog tus yuav raug them tus nqi tes no. Yuav tsis muaj nqi tes rau tus niam los tus txiv yog hais tias nws tau nyiaj ntsuab pab cuam ntawm W-2, SSI Caretaker Supplement, thiab Kinship Care programs. Ib txhia tsev hais plaub yuav tsis yuav nqi tes ua ntaub ntawv yog hais tias muaj lus hais sib haum ntawm ob tog raws li kev cai.

Rab Peev Xwm Mus Khwv Tau
Lub tsev hais plaub yuav siv tus niam/txiv lub nyiaj hli, los yog ib lub nyiaj hli uas tus niam/txiv yuav "muaj peev xwm mus khwv tau" los txiav txim. Lub tsev hais plaub yuav xyuas txog tus niam/txiv:

  • kev khwv tau yav tas los
  • kev noj qab nyob zoo
  • keeb kwm lub luag hauj lwm tu me nyuam thiab cov sij hawm tau tus me nyuam (Piv txwv li, tus niam/txiv yog tus yuav nyob hauv tsev tu tus me nyuam es tsis mus ua hauj lwm sab nraud.)
  • kev kawm ntawv, kev kawm ua hauj lwm, thiab kev ua hauj lwm
  • muaj hauj lwm qhib hauv zej zog

Kev Txiav Txim Tus Nqi Them
Cov kev txiav txim rau cov tsev neeg uas tau txais kev pab cuam los ntawm cov koom haum saib xyuas txog phab kev txiav nyiaj yug me nyuam yuav tsum hais kom meej tus nqi daus las (xws li $300 txhua hli). Tus nqi daus las yog nyob ntawm qhov Kev Qhia Koj Txog Kev Teev Tus Nqi Them Nyiaj Yug Me Nyuam (Percentage of Income Standards).

rov mus lawm saud

Xaus Kev Them Nyiaj Yug Me Nyuam

Nyob hauv Wisconsin txoj cai lij choj, leej niam los leej txiv lub luag hauj lwm yog yug tus me nyuam mus kom txog tus me nyuam puv 18 xyoo, los yog 19 xyoos yog hais tias tus me nyuam tseem kawm ntawv nyob hauv high school los yog tseem kawm kom tau nws daim ntawv pov thawj sib luag li tiav high school (GED).

Leej niam thiab leej txiv yuav tau txais tsab ntawv ceeb toom txog txoj kev dim hu ua "Emancipation Notices" li 90 hnub ua ntej yuav paub tseeb hais tias nkawd tus me nyuam yau yau kawm ntawm tiav lawm los yog pus 18 xyoo lawm. Txoj kev them nyiaj yug me nyuam yuav tu thaum tus me nyuam puv 18 xyoo, tshwj xeeb leej niam los leej txiv muab tau ntawv pov thawj tuaj mus rau lub koom haum saib xyuas txog phab kev txiav nyiaj them yug me nyuam hais tais tus me nyuam ntawd tseem kawm high schoo los yog tseem kawm nyob rau hauv ib txoj kev pab kom nws kawm tau nws daim GED.

Yog hais tias tseem tshuav nqi them yug me nyuam, cov rooj plaub them yug me nyuam no tseem yuav yuam tau kom them. Yog hais tias qhov kev txiav txim tab tom them no tu lawm, thiab cov nqi dhau los tseem tshuav, tus niam/txiv ntawd yuav tsum mus ntsib lub koom haum saib xyuas txog phab kev txiav nyiaj yug me nyuam kom paub tseeb hais tias nws muaj kev txiav txim hauv tsev hais plaub kom nws yuav tsum them cov nqi dhau los lawm. Yuav txiav cov nyiaj them yug me nyuam mus txog rau thaum them tas cov nqi yug me nyuam uas twb dhau lawm.

Tus niam/txiv tod tshuav kuv nqi yug me nyuam. Kuv tsis xav yuav. Kuv yuav ua li cas?
Koj thiab tus niam/txiv tod yuav tau kos npe rau tsab ntawv pom zom raws cai kom muab txo los yog muab rho tawm. Lub tsev hais plaub yuav tsum nrog pom zoo rau tsab nawv pom zoo. Qhov pom zoo no yuav pauv tsis tau cov nqi uas leej niam/txiv tshuav rau lub xeev. Koj yuav tau ua tib zoo txiav txim, vim hais tias koj yuav hloov tsis tau rov qab lawm. Yog hais tias koj zam cov nqi yuav them rau koj, nws yog zam mus tas ib sim.

Kuv tseem xav tau cov nyiaj them yug me nyuam, tiam sis kuv tsis xav yuav cov kev pab cuam lawm. Yuav ua li cas kuv thiaj hais kom muab cov kev pab cuam tso tseg tau?
Yog yuav muab cov kev pab cuam tso tseg, koj sau ib tsab ntawv xa tuaj mus rau lub koom haum saib xyuas txog phab kev txiav nyiaj them yug me nyuam. Raws li lub xeev txoj cai lij choj, koj cov nyiaj them yug me nyuam tseem yuav tsum tuaj mus rau hauv Wisconsin Support Collections Trust Fund. Tiam sis, yog hais tias koj tsis tau kev pab cuam pub dawb, koj hais kom muab cov kev pab cuam no tso tseg los tau. Yog koj hloov siab es xav kom tau cov kev pab cuam no dua, koj rov ua ntawm thov los tau.

Kuv tus ntxhais tawm tsis kawm high school lawm. Ob peb hlis tom ntej no nws yuav muaj 18 xyoo. Nws tsis kawm high school los yog kawm nyob hauv ib qho pab kom tau daim GED, tiam sis nws pheej cog lus tias nws yuav rov mus kawm "sai sai no". Thaum twg kuv thiaj yuav tso tseg tau kev them nyiaj yug nws?
Koj txoj kev them nyiaj yug me nyuam yuav tu rau thaum koj tus me nyuam puv 18 xyoo, tshwj xeeb hais tias koj los yog leej niam los leej txiv muab tau ntaub ntawv pov thawj tuaj mus rau lub koom haum saib xyuas txog phab kev txiav nyiaj them yug me nyuam hais tias tus me nyuam rov mus kawm ntawv lawm los yog yeej kawm hauv kev pab kom nws tau nws daim GED.

Kuv tus me nyuam puv 18 xyoo rau lub Ob Hlis Ntuj, tiam sis tseem yuav kawm ntawv tiav high school rau thaum lub Rau Hli Ntuj. Yog li thaum twg kuv mam tsis them nyiaj yug me nyuam lawm?
Nug mus rau lub koom haum saib xyuas txog phab kev txiav nyiaj yug me nyuam seb puas tau paub hnub kawm ntawv tiav. Yog tsis tau thiab koj ho paub hnub koj tus me nyuam yuav kawm tiav, nug mus rau lub koom haum saib xyuas txog phab kev txiav nyiaj yug me nyuam. Koj lub luag hauj lwm them nyiaj yug me nyuam uas koj tseem tab tom them no xaus rau thaum koj tus me nyuam puv 18 xyoo ntawd kawm ntawv tiav.

Kuv cov me nyuam tsis nrog tus niam/txiv tod nyob lawm. Lawv mus nrog lawv pog yawg/niam tais yawm txiv nyob lawm. Kuv puas tseem tau them nyiaj yug?
Tau, koj tseem muaj lub luag hauj lwm them nyiaj yug koj cov me nyuam thiab yuav tsum them raws li kev txiav txim. Tiam sis, tej zaum koj yuav tau hais kom tsev hais plaub muab pog yawg/niam tais yawm txiv npe teev ua tus yuav txais cov nyiaj them yug me nyuam no.

Yog hais tias ib tug me nyuam muab tso nrog ib tug neeg uas tsis yog leej niam/txiv los yog mus nyob rau hauv ib lub tsev rau ib cov me nyuam nyob, leej niam thiab leej txiv puas leej tau them nyiaj yug me nyuam tib si. Tshwj hais tias kev pab cuam los ntawm tseem fwv twb them cov neeg tu koj cov me nyuam lawm, cov neeg tu cov me nyuam yuav tau ua ntawv thov kom tau cov kev pab cuam no hauv cov koom haum saib xyuas txog phab kev txiav nyiaj yug me nyuam ua ntej thiaj yuav tau cov nyiaj them yug me nyuam.

rov mus lawm saud

Qhia Ntxiv

rov mus lawm saud
Rov mus rau: Lus Qhia rau Cov Niam Txiv

Qhia ntxiv txog nyiaj them yug me nyuam

rov mus lawm saud
Rov mus rau: Lus Qhia rau Cov Niam Txiv


Updated October 25, 2011

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.