Tus Txheej Txheem Kom Tau Txais Nyiaj Them Yug Me Nyuam

1 Hlis Ntuj 2011


Peb yuav pab tau li cas

Wisconsin Child Support Program yuav pab nrog koj:

  • nrhiav leej niam/leej txiv uas ploj lawm
  • tsim tsa kom muaj leej txiv raws txoj cai
  • hais rau tsev hais plaub kom yuam them nyiaj yug me nyuam thiab muaj ntawv kho mob rau me nyuam
  • nrog tswj nyiaj them yug me nyuam thiab ntawv kho mob
  • hu mus rau tus niam/txiv uas raug them nyiaj yug qhov chaw ua hauj lwm kom txiav nyiaj them yug me nyuam
  • mus hais kom tau nyiaj ntawm leej niam/txiv uas nyob lwm lub xeev
  • pab nrog saib xyuas los yog nrog hloov qhov nyiaj them yug seb yuav nce kom siab los yog txo kom qis
  • pab nrog xyuas tej ntaub ntawv hais txog them nyiaj yug los yog mus hais kom tau koj qhov nyiaj them yug me nyuam ntawm leej niam/txiv uas raug them
  • nrog luam tej ntaub ntawv rau koj hais txog keeb kwm ntawm koj tus account
  • pab txhais ntawv thiab lus dawb rau koj cov ntaub ntawv them nyiaj yug me nyuam
  • txwv tsis pub muab koj qhov chaw nyob, xov tooj, chaw ua hauj lwm yam ntaub ntawv tawm yog yuav ua rau kom koj muaj teeb meem

Muaj ntau yam ntxiv txog:

rov mus lawm saud

Ua ntaub ntawv thov kev pab cuam

Txhua yim neeg yeej thov tau kev pab nyiaj them yug me nyuam nyob rau ntawm lawv lub koom haum saib xyuas txog phab kev txiav nyiaj them yug me nyuam uas tsis tau them nqi tes. Thov xyuas phau ntawv "Qhia Cov Nqi Tes thiab Cov Nqi hauv Kev Them Nyiaj Yug" rau lwm yam nqi uas tej zaum koj yuav raug them.

Yog koj tau txais kev pab cuam, koj yeej yuav tau txais nyiaj them yug me nyuam. Cov kev pab cuam muaj xws li W-2, SSI Caretaker Supplement, Kinship Care, WI Shares (pab zov me nyuam), thiab tsoom fwv kev pab nyiaj txiag rau kev coj me nyuam los tu (foster care). Yog tias BadgerCare Plus xa koj mus rau kev txiav nyiaj them yug me nyuam, koj yeej yuav tau kev pab cuam tam sid. Yuav tau kev pab cuam yuav yog los ntawm koj txoj kev koom tes nrog rau koom haum Child Support. Thaum koj tsis tau txais cov kev pab no lawm, kev them nyiaj yug me nyuam yuav muaj mus ntxiv.

Muaj ntau yam ntxiv txog:

rov mus lawm saud


Qhov tseem ceeb yuav tau paub

  • Tsev hais plaub yuam kom them nyiaj yug tsis txais tau tias koj lub koom haum saib xyuas txog phab kev txiav nyiaj hauv lub nroog los yog koj pab pawg neeg yuav nrog koj khiav koj cov ntaub ntawv hais txog kev them nyiaj yug me nyuam. Koj yuav tau ua ntaub ntawv thov cov kev pab yog koj tsis tau txais kev pab cuam raws li teev nyob saud.

  • Yog ziag no koj tau txais nyiaj ntsuab hauv W-2 los yog SSI Caretaker Supplement, koj yuav tau txais ib qho nyiaj them yug me nyuam xwb. Thov mus xyuas hauv Kev Qhia Koj Mus Rau Kev Pab Hauv W-2, Kev Pab Nyiaj Ntsuab, thiab Nyiaj Them Yug Me Nyuam.

Xav paub ntau ntxiv:

rov mus lawm saud


Koj yuav pab tau li cas

  • Luam cov ntaub ntawv sib nrauj thiab tej ntaub ntawv tsev hais plaub txiav txim kom them nyiaj yug los yog cov ntaub ntawv tsim tsa kom muaj leej txiv raws txoj cai thaum koj mus thov nyiaj them yug me nyuam.

  • Qhia tej yam hais txog tus niam/txiv tod, xws li nws lub npe, qhov chaw yug, chaw nyob tam sim no, chaw ua hauj lwm los yog ntaub ntawv hais txog kev khwv nyiaj txiag, thiab tus Social Security los yog tus Tax Identification nab npawb.

  • Muab kev koom tes nrog tus neeg ua hauj lwm (child support worker) ntawm koj lub koom haum saib xyuas txog phab kev txiav nyiaj them yug me nyuam. Ua cov ntaub ntawv kom tiav sai thiab nco ntsoov mus ntsib lawv raws li lub sij hawm tau teem tseg.

  • Thov ua siab ntev.Tsev hais plaub muaj ntau rooj plaub hais, thiab cov koom haum saib xyuas txog phab kev txiav nyiaj them yug me nyuam muaj hauj lwm ntau. Nco ntsoov mus ntsib koj lub koom haum saib xyuas txog phab kev txiav nyiaj them yug me nyuam. Muab lus qhia txog tus niam/txiv tod yuav pab lawv nrog koj ua cov ntaub ntawv no.

Lub koom hauv saib xyuas txog phab kev txiav nyiaj them yug me nyuam

rov mus lawm saud

Yuav Sau Nyiaj Them Yug Me Nyuam Li Cas

Thaj tsam li 75% ntawm cov nyiaj them yug me nyuam yog txiav ncaj qha los ntawm nyiaj khwv tau ntawm kev ua hauj lwm. Koom haum saib xyuas txog phab kev txiav nyiaj them yug me nyuam yuav xa ntawv ceeb toom ncaj qha mus rau leej niam/txiv uas raug them yug qhov chaw ua hauj lwm. Tej zaum nyiaj them yug me nyuam kuj txiav tau los ntawm nyiaj poob hauj lwm (unemployment insurance), worker’s compensation, nyiaj laus, thiab nyiaj Social Security Disability Insurance (SSDI). Txoj cai ntawm Consumer Credit Protection Act yuav tsis pub txiav nyiaj tshaj 50% – 65% ntawm cov nyiaj them tsis tau tag los yog cov tseem tab tom them ziag no ntawm tus neeg raug them nyiaj yug lub nyiaj hli tom qab txiav se.

Tej zaum yuav mus muab tau cov nyiaj tseem them tsis tau tas ntawm leej niam/txiv uas raug them cov nyiaj ua se tau rov los, ntawm kev yeej lottery hauv Wisconsin uas yog tshaj $1,000 los ntau dua, thiab cov nyiaj hauv saving thiab checking. Yog koj tseem tshuav es them tsis tau tas cov nyiaj yug, koj yuav raug them mus txog li ntawm 20 xyoo tom qab koj tus me nyuam yau puv 18 xyoo.

Muaj ntau yam ntxiv txog:

rov mus lawm saud

Cov nyiaj them yug

Qhov nyiaj them yug me nyuam yuav xa tuaj rau niam/txiv raws li no - tso nyiaj nca qha mus rau txhab cia nyiaj (direct deposit) los yog debit card. Yog koj tsis tau zwm npe rau direct deposit, koj yuav tau daim debit card. (Yuav xa ua tshev tuaj rau koj yuav yog ib qho tsawg kawg yog tias koj lub koom haum saib xyuas txog phab kev txiav nyiaj them yug me nyuam pom zoo.)

Koj xaiv seb qhov twg haum rau koj dua. Yog koj zwm npe rau ib qho lawm, lwm hnub koj yeej hloov tau mus rau lwm qhov. Yog koj xav tau direct deposit, koj yeej luam tau daim ntawv nyob hauv internet los yog hu mus rau Trust Fund nyob rau cov hnub ua hauj lwm, 8:00 a.m. – 5:00 p.m. ntawm:

   (800) 991-5530 xov tooj hu dawb
   (877) 209-5209 xov tooj hu dawb - TTY

Muaj ntau yam ntxiv txog:

rov mus lawm saud


Lus piav txog kev them nyiaj

Child Support Online Services (lus mis kas)

Qhov no yog ib qho kev pab cuam dawb es qhia txog kev them nyiaj thiab seb nyiaj tshuav npaum li cas, thiab yuav luam tau tej ntaub ntawb nyob (yuav tau zwm npe). Cov ntaub ntawv yeej kho txhua hmo tseg hmo Sunday xwb.

KIDS Information Line

Qhov no yog ib qho kev pab cuam dawb es qhia txog kev them nyiaj ob zaug dhau los. Cov ntaub ntawv yeej kho txhua hmo tseg hmo Sunday xwb.

   (800) 991-5530 xov tooj hu dawb
   (877) 209-5209 xov tooj hu dawb TTY

Keeb kwm (Account histories)

Cov niam txiv yeej mus muab tau cov keeb kwm txog lawm cov nyiaj them hauv Child Support Online Services (lus mis kas) (yuav tau zwm npe) thiab hu rau KIDS Information Line hauv cov hnub ua hauj lwm, 8:00 am – 5:00 pm

   (800) 991-5530 xov tooj hu dawb
   (877) 209-5209 xov tooj hu dawb TTY

Child Support Notice of Collection (Ntawv Ceeb Toom Txog Kev Sau Nyiaj Them Yug Me Nyuam)

Lub hli tom qab tau txais nyiaj lawm, tsev neeg uas tau txais nyiaj ntsuab yuav tau txais daim ntawv ceeb toom. Daim ntawv ceeb toom yuav qhia rau tsev neeg seb qhov nyiaj them yug yog pes tsawg, xa npaum li cas tuaj rau lawv, thiab npaum li cas siv los mus them rau lawv cov kev pab cuam.

Debit Card Accounts

Niam txiv yuav hu tau tus xov tooj nyob sab nraum lawv daim card sab nraud. Yog xav paub ntxiv, xyuas cov ntawv xa nrog daim card tuaj. Cov lus no muaj nyob hauv internet.

rov mus lawm saud

Ua hauj lwm nrog koj lub Child Support Agency

Raws txoj cai, koj yuav tsum qhia rau koj lub koom haum saib xyuas txog phab kev txiav nyiaj them yug me nyuam yog koj tsiv los yog hloov hauj lwm, thiab thaum koj lub nyiaj hli hloov lawm. Koj yeej hu tau rau koj lub koom haum saib xyuas txog phab kev txiav nyiaj them yug me nyuam mus hloov chaw nyob, hu mus rau KIDS Information Line cov hnub ua hauj lwm, 8:00 am – 5:00 pm, los yog hauv internet Child Support Online Services(yuav tau zwm npe).

Tseem ceeb yuav tau nco ntsoov
Yog koj muaj daim Child Support Debit Card, koj yuav tau hu rau tus xov tooj nyob sab nraum qab ntawm daim card yog koj tsiv tsev. Lub tsev xa ntawv tsis xa daim card tuaj hloov daim qub los yog xa daim tshiab tuaj.

Koom haum saib xyuas txog phab kev txiv nyiaj them yug me nyuam yuav ua tau dab tsi yog tus niam/txiv tod tsis them?
Muaj ib co txheej txheem koj lub koom haum saib xyuas txog phab kev txiav nyiaj them yug me nyuam yuav siv teev nyob rau tsab ntawv "Kev Qhia Txog Koj Cov Nqi Them Yug Me Nyuam Uas Poob Qab Lawm."

Kuv lub koom hauv saib xyuas txog phab kev txiav nyiaj them yug me nyuam puas yuav pab tau yog tus niam/txiv tod tsiv mus rau lwm lub xeev los yog lwm lub teb chaws lawm?
Pab tau. Xav paub ntau ntxiv, xyuas hauv "Them Nyiaj Yug Me Nyuam - Thaum cov niam txiv nyob rau lwm lub xeev, teb chaws, los yog nyob rau hauv tej pab pawg neeg thaj av."

Tus neeg ua hauj lwm (caseworker) yeej tsis hu kuv li. Yuav ua li cas kuv thiaj tau ib tug neeg los ua hauj lwm rau kuv?
Vim neeg coob thov kev pab, cov neeg ua hauj lwm yuav tsis muaj caij hu thiab qhia rau koj tias koj cov ntaub ntawv ua txog twg lawm. Yog tias tus neeg ua hauj lwm tsis hu rau koj, tsis txhais hais tias tus neeg ua hauj lwm tsis nrog khiav koj cov ntaub ntawv. Hu rau tus neeg ua hauj lwm rau koj es qhia tej yam koj paub ntxiv txog tus niam/txiv tod thiaj pab tau rau nws ua koj cov ntaub ntawv.

Ob peb lub lis piam dhau los tus neeg ua hauj lwm rau kuv hais tias lub koom haum yuav coj kuv rooj plaub no mus hais hauv tsev hais plaub vim tus niam/txiv tod tsis them nyiaj. Vim li cas lawv tseem tsis tau mus hais plaub?
Nws siv sij hawm los mus teem caij hais plaub. Tej zaum tsev hais plaub yuav teem tsis tau sij hawm los hais koj rooj plaub tam sid.

Kuv yuav tsum qhia tus neeg ua hauj lwm rau kuv thaum tus niam/txiv tod tsiv lawm. Vim li cas tus neeg ua hauj lwm rau kuv thiaj tsis paub?
Tej zaum koj yuav paub hais tias tus niam/txiv tod hloov chaw nyob thiab hauj lwm ua ntej lub koom haum saib xyuas txog phab kev txiav nyiaj them yug me nyuam. Koj yuav tau qhia rau tus neeg ua hauj lwm rau koj txog tej kev hloov no.

Thaum twg thiaj yuav hais rau lub kom haum nrog saib xyuas cov nyiaj them yug, thiab yuav nug li cas?
Koj hu mus rau koj lub koom haum saib xyuas txog phab kev txiav nyiaj them yug me nyuam thiab nug kom lawv nrog saib xyuas txog koj cov nyiaj them yug me nyuam yog tus niam/txiv tod tsis them nyiaj tuaj tshaj ib lub hlis lawm.

Vim li cas lub koom haum pheej xa ntawv xwb? Kuv xav kom tus niam/txiv tod mus nyob qhov taub.
Koom haum saib xyuas txog phab kev txiav nyiaj them yug me nyuam muaj ntau txoj kev los mus pab lawv saib xyuas txog kev them nyiaj yug me nyuam. Tej yam lawv siv yog tsub paj rau cov nyiaj them tsis tau tas. Yuav kom cov neeg ua hauj lwm ua tau hauj lwm zoo thiab sai, lub koom haum saib xyuas txog phab kev txiav nyiaj them yug me nyuam yuav tau xyuas seb yuav taug txoj kev zoo li cas rau thaum lub sij hawm twg. Xws li, tej zaum lawv yuav sau ib tsab ntawv ceeb toom xa mus ua ntej lawv yuav ua lawv lub luag hauj lwm. Tej yam lawv ua yuav muaj txheej txheem rau lawv taug los yog yuav tau tsev hais plaub hais kom ua. Qhov muab kaw qhov taub tsis yog qhov zoo tshaj uas koj yuav tau nyiaj them yug rau koj cov me nyuam.

Cov koom haum saib xyuas txog phab kev txiav nyiaj them yug me nyuam puas yuav ntes tau tus niam/txiv tod?
Tsis tau. Koom haum saib xyuas txog phab kev txiav nyiaj them yug me nyuam ntes tsis tau leej twg li. Tsuas yog lub tsev hais plaub thiaj ua tau daim ntawv tso cai kom mus ntes xwb. Daim ntawv tso cai pub tub ceev xwm mus ntes ib tug neeg tsis yog tso cai rau lub koom haum saib xyuas txog phab kev txiav nyiaj them yug me nyuam mus ntes neeg.

Kuv tsis tau txais kuv cov nyiaj them yug. Vim li cas?
Tej zaum koj rooj plaub no yuav nyuab heev. Txawm tias kev pab cuam ntawm Wisconsin’s Child Support yog tus thawj ntawm kev mus sau cov nyiaj them yug, tsis yog txhua yim neeg yuav tau txais nyiaj txhua hli. Qhov nyuab tshaj ces yog tsis paub tus niam/txiv tod qhov chaw nyob thiab/los yog chaw ua hauj lwm.

Kuv lub koom haum saib xyuas txog phab kev txiaj nyiaj them yug me nyuam puas pab tau kuv txog ntawm ntawv kho mob uas tsev hais plaub tau txiav txim?
Tau, thov mus xyuas nyob ntawm "Qhia Txog Cov Kev Pab Cuam" muaj nyob rau ntawm koj lub koom huam saib xyuas txog phab kev txiaj nyiaj them yug me nyuam thiab nyob hauv internet ntawm childsupport.wisconsin.gov.

11Kuv puas siv tau ib lub collection agency (qhov chaw nrog mus muab nyiaj)?
Tau. Koj yeej ntiav tau ib tug kws lij choj, ib tug private investigator, thiab/los yog ib lub chaw ua hauj lwm private collection los mus nrog hais kom tau koj cov nyiaj them yug me nyuam. Koj yuav tau qhia rau koj lub koom haum saib xyuas txog phab kev txiav nyiaj them yug me nyuam yog koj ua li ntawd lawm. Txhua co nyiaj them tuaj yeej tseem them tuaj mus rau hauv Wisconsin Support Collections Trust Fund. Koj, tsis yog leej niam/txiv tod, yog tus them cov nqi tes rau lub collection agency ua hauj lwm rau koj. Tseem fwv lub Office of Child Support Enforcement qhia tias, lub private collection agency tus nqi tes nyob li ntawm 25% mus rau 33%. Nyob ntawm seb daim ntawv cog lus hais li cas, tej zaum lub private collection agency yuav yuav nqi tes txawm lawv sau tau nyiaj ntau los tsawg, txawm tias lub xeev mus sau tau cov nyiaj los yog lub private collection agency sau tau cov nyiaj them ziag no, es tsis yog cov nyiaj poob qab tsis them.

rov mus lawm saud

Yog muaj tej tug tsis txawj hais lus As Kiv, leej twg yuav teb tau lawv cov lus nug?
Cov neeg ua hauj lwm huav Cov Koom Haum Saib Xyuas Kev Txiav Nyiaj Them Yug Me Nyuam (thiab Customer Service hauv Debit Card thiab nyob hauv Wisconsin Child Support Trust Fund) feem ntau yeej hais tau yuav luag txhua hom lus.

  • Lub Koom Haum Saib Xyuas Kev Txiav Nyiaj Them Yug Me Nyuam
  • Hu rau Chase ntawm: tus xov tooj 1-866-817-0761 (hu dawb), 24 teev/hnub (tus xov tooj no nyob sab nraum qab ntawm koj daim Visa debit card)
  • Trust Fund (KIDS Information Line) hauv cov hnub ua hauj lwm, 8:00 am – 5:00 pm
       (800) 991-5530 xov tooj hu dawb
       (877) 209-5209 xov tooj hu dawb TTY

rov mus lawm saud

Xav paub ntxiv lod?

Lub koom hauv saib xyuas txog phab kev txiav nyiaj them yug me nyuam muaj teev nyob hauv phau ntawv teev xov tooj ntawm "county government" los yog pab pawg neeg lub npe thiab hauv internet.

Qhia ntxiv txog nyiaj them yug me nyuam (Hmoob)

rov mus lawm saud
Rov mus rau: Lus Qhia rau Cov Niam Txiv


Updated October 25, 2011

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.