Home > Child Support > Xov Qhia Rau Cov Ua Niam Ua Txiv > Qhia Cov Nqi Tes thiab Cov Nqi hauv Kev Them Nyiaj Yug

Qhia Cov Nqi Tes thiab Cov Nqi hauv Kev Them Nyiaj Yug

Guide to Support Fees and Costs - Hmong

Peb Hlis Ntuj 2008

Cov niam txiv them cov nqi tes thiab lwm yam nqi los pab them rau tej kev pab cuam uas lawv tau txais.

  • Ntaub ntawv (Yuav muab luam tawm ua ib phau me nyuam ntawv, siv Adobe(r) Acrobat (Lus Mis Kas), muab los rau hauv koj lub computer dawb xwb)

 

Cov Nqi Tes Uas Leej Niam/Txiv los yog Ob Leeg Sib Pab Them

$30 Tus Nqi Tes Pauv Kev Txiav Txim Ntawm Kev Them Yug

  • Tsis yog txhua lub tsev hais plaub yuav yuav tus nqi tes no.
  • Leej niam/txiv uas hais kom muab kev txiav txim pauv yog tus them tus nqi tes no.
  • Tsis muaj nqi tes rau cov niam txiv thiab cov tau cai saib xyuas cov me nyuam es tau kev pab cuam nyiaj ntsuab los ntawm W-2, SSI Caretaker Supplement, thiab Kinship Care.
  • Tsis muaj nqi tes yuav them yog hais tias ob leeg tib si kos npe rau tsab ntawv pom zoo raws cai hais kom muab txoj kev txiav txim pauv.Not all courts charge this filing fee.

$25 Nqi Tes Ua Daim Ntawv Thov

  • Qhov nov yog ib-zaug nqi tes rau tus niam/txiv uas ua tsab ntawv thov (los yog rov thov dua) rau kev pab cuam.
  • Tsis muaj nqi tes rau tus niam/txiv los yog tus tau cai saib xyuas me nyuam es tau W-2, tseem fwv kev pab them nyiaj rau niam qhuav txiv qhuav nrog tu me nyuam, Kinship Care, Medicaid, thiab SSI Caretaker Supplement. Kuj muaj pab rau kev zov me nyuam hauv W-2 thiab.
    • Nyob rau Lub Ob Hlis Ntuj 2008, cov tsev neeg uas tau kev pab cuam Medicaid yuav tau zwm mus rau hauv qhov kev pab cuam tshiab hu ua BadgerCare Plus. Ntau tsev neeg nyob hauv BadgerCare Plus yuav tsis tau them cov nqi tes ua ntawv thov.
  • Tej zaum kuj yuav tshem tus nqi tes tawm yog hais tias leej niam/txiv them tsis taus.

Nqi Tes Ntawm Ib Lub Xeev Rau Ib Lub Xeev

  • Tej zaum tej lub xeev yuav yuav nqi tes pab nrog soj qab yuam huav lawv lub xeev kom yuav tsum ua raws li tau txiav txim.
  • Cov nqi tes nyias yuav txaw nyias.
  • Lwm cov xeev yuav teev lawv cov nqi tes thiab tej zaum yuav hais kom cov niam txiv them.

Cov Nqi Kuaj Seb Puas Yog Leej Txiv Tiag

  • Cov koom haum saib xyuas txog phab kev txiav nyiaj them yug me nyuam muaj kev tshuaj ntsuam seb yog leej twg me nyuam yam li tus nqi qis zog. Tus nqi kuaj no kuj sib txawv. Tus nqi siab tshaj plaws yog $60 rau txhua tus neeg tuaj kuaj yog hais tias rau hauv lub koom haum saib xyuas txog phab kev txiav nyiaj them yug me nyuam. (Kev kuaj no yog kuaj tus txiv neej, leej niam, thiab tus me nyuam)
  • Tsis muaj nqi rau tus txiv neej them thaum kuaj tau hais tias nws tsis yog leej txiv.

rov mus lawm saud


Cov Nqi Rau Tus Niam/Txiv Uas Tau Kev Pab Cuam Them

$25 Nqi tes mus rau Kev Sau Nyiaj/Soj Qab Yuam

  • Tus nqi tshiab no pib rau thaum Lub Ib Hlis Ntuj tim 1, 2008. Tus nqi no muab faib rau tseem fwv thiab nom tswv hauv lub xeev. Cov nqi nov yog coj los mus them tej nqi muab kev pab cuam.
  • Cov raug them tus nqi nov yog cov niam txiv uas tau txais kev pab cuam tswj ntaub ntawv thiab cov tsev neeg uas tau kev pab nyiaj txiag xwb. Tsis muaj nqi rau them yog hais tias tus niam/txiv no tab tom tau los yog tau txais yav dhau los lawm, cov nyiaj ntsuab hauv W-2, SSI Caretaker Supplement, los yog AFDC.
  • Tus nqi tes yuav txhua xyoo ntawm cov niam txiv uas tau $500 nyiaj ntawm kev them yug los yog ntau tshaj hauv lub xyoo. Kev them yug muaj xws li nyiaj them yug me nyuam, them yug tus poj niam/txiv, yug tsev neeg, thiab cov nqi yug uas dhau lawm tsis tau them los yog them tsis tau tas.
  • Tus nqi tes no yuav nrho tawm hauv cov nyiaj them yug tuaj ua ntej xa cov nyiaj mus rau cov niam txiv.
  • Tus nqi tes no yuav muab txo tawm tsis tau.

Tus nqi tes uas maub kev cuam tshuam cov nyiaj ua se tau los

  • Tus nqi tes no yog 10% ntawm cov nyiaj sau tau los uas txij li $10 rov saud.
  • Tus nqi tes no yuav tsis tshaj $25.
  • Tus nqi tes no yuav rho tawm hauv kev cuam tshuam cov nyiaj ua se tau los ua ntej yuav xa tawm.
  • Yuav tsis txiav ib feem tawm ntawm cov nyiaj cuam tshuam ua se tau los mus them tej nqi uas tshuav tsis tau them rau lub xeev.
  • Yuav tsis muaj nqi sau yog hais tias tsis muaj kev cuam tshuam nyiaj ua se tau los, los yog hais tias cov nyiaj ua se tau los tiam sis raug xa rov qab.
  • Tus nqi tes no yuav muab txo tawm tsis tau.

rov mus lawm saud


 

Cov Nqi Tus Niam/Txiv Uas Raug Them Nyiaj Yug Yuav Tau Them

$3 Nqi Tes Rau Kev Txiav Nyiaj Them Yug

  • Tej zaum cov chaw ua hauj lwm yuav yuav nqi tes txiav nyiaj mus them yug ntawm tus neeg ua hauj lwm cov nyiaj hauj lwm
  • Tus nqi tes yuav tsum yuav raws li tus nqi tes txiav nyiaj txij $3 xwb.
  • Cov chaw ua hauj lwm muaj cai yuav nqi tes rau txhuav zaus txiav nyiaj mus rau kev them yug.

$65 Nqi Tes Receipt and Disbursement Fee (R&D nqi tes lis cov nuj nqis)

  • Tus nqi tes no muaj sau txhua xyoo rau txhua rooj plaub.
  • Tus nqi tes no nce nqi txog $65 rau Lub Ib Hlis Ntuj tim 1, 2008.
  • Tus nqi tes no yuav pab them cov nqi lis tej kev them thiab ceev cov ntaub ntawv.
  • Cov niam txiv uas raug them yuav tau ntawv ceeb toom txog tus nqi tes R&D thiab daim coupon xa them nrog rau thaum Lub Ib Hlis Ntuj.
  • Yog hais tias them tsis tas tus nqi, tus nqi tes no yuav sau hauv kev txiav nyiaj ua hauj lwm los them.
  • Cov niam txiv muaj cai hais lawv tus nqi tes R&D. Tiam sis, tib qho yuav hais tau ces yog pom tau hais tias yuam kev lawm xwb (txawm hais tias tus nqi tes tshuav ntawd yog los tsis yog). Qhov hais kom muaj sib hais yuav tsum tsis pub dhau 10 hnub ntawm hnub xa tsab ntawv “Notice to Withhold”. Qhov nov ces yuav tsum ua daim ntawv mus rau lub tsev hais plaub uas muab kev txiav txim. Rooj sib hais no yuav tsum muab los hais tsis pub dhau 10 hnub ua hauj lwm tom qab ua tsab ntawv kom muaj kev hais lawm.

rov mus lawm saud


Lus Qhia Ntxiv

rov mus lawm saud

Rov mus rau: Xov Qhia Rau Cov Ua Niam Ua Txiv


Updated July 11, 2008