Qhia Txog Niam Txiv Cov Cai thiab Lub Luag Hauj Lwm

Peb Hlis Ntuj 2008

Leej niam thiab leej txiv puas leej muaj lub luag hauj lwm txhawb yug nkawd cov me nyuam. Txhua tus me nyuam muaj cai tau nyiaj yug ntawm niam thiab txiv tib si.


Cov Cai

Cov niam txiv uas tau thov kev pab cuam txog kev them nyiaj yug me nyuam muaj cai:

  • txais kev pab los ntawm cov koom haum saib xyuas txog phab kev txiav nyiaj them yug me nyuam ntawm lwm lub nroog los yog pab pawg neeg kom soj ntsuam yuam kom tau nyiaj them yug me nyuam (Cov niam txiv uas sib nrauj thiab sib cais lawm yuav tsum ua ntawv thov cov kev pab cuam hauv lub nroog uas muab keb sib nrauj los yog sib cais raws cai rau lawv.)

    Niamtxiv Daim Ntawv Thov Kom Them Nyiaj Yug Me Nyuam
    Lub koom haum saib xyuas txog phab kev txiav nyiaj them yug me nyuam

  • txais kev pab xyuas kom tsev hais plaub txiav txim kom them nyiaj yug me nyuam

  • hais kom lub koom haum saib xyuas txog phab kev txiav nyiaj them yug me nyuam ceeb toom rau nws yog hais tias lub koom haum yuav tau tawm tsam rau tus niam/txiv tod (Cov kev tawm tsam no muaj xws li txeeb vaj tse/av thiab tsis muab lais xee rau.) Cov niam txiv xav paub no yuav tau sau ntawv hais mus kom qhia txog tej kev ceeb toom no.

  • paub txog yog hais tias lub koom haum npaj kaw lawv cov ntaub ntawv rau rooj plaub los yog case no

  • xais kev pab cuam hauv phab kev them nyiaj yug me nyuam yam li tsis raug them nqi dab tsi li yog hais tias lawv tau kev pab cuam hauv W-2, SSI Caretaker Supplement, los yog Kinship Care (Cov tsev neeg uas tau cov kev pab cuam no yeej muab nkag mus rau phab kev saib xyuas txog kev them nyiaj yug me nyuam lawm.)

  • yog hais tias lawv tau Medicaid/BadgerCare Plus lawv yuav raug xa mus rau phab kev saib xyuas txog kev them nyiaj yug me nyuam yam tsis tau them nqi tes ua ntawv thov kev pab no. (Nyob hauv Lub Ob Hlis Ntuj 2008, yuav muab cov tsev neeg uas tau kev pab cuam Medicaid tshem los mus rau kev pab cuam tshiab hauv BadgerCare Plus. Ntau tsev neeg uas nyob hauv BadgerCare Plus yuav raug xa mus rau phab kev saib xyuas txog kev them nyiaj yug me nyuam uas lawv yuav tsis tau them tus nqi tes ua cov ntawv thov kev pab cuam no.)

  • hais rau lub koom haum saib xyuas txog phab kev txiav nyiaj them yug me nyuam kom lawv tsis txhob muab kev pab cuam lawm yog hais tias nws tsev neeg tsis tau kev pab cuam hauv W-2, Medicaid/BadgerCare Plus, SSI Caretaker Supplement, los yog Kinship Care. Cov niam txiv yuav tsum muab cov lus no sau tuaj hais qhia thiaj li tau.

  • ua ntawv foob thiab hais kom muab lawv cov ntaub ntawv rov los xyuas dua yog lawv ntseeg hais tias lub koom haum hauv nroog tsis mob siab leg cov ntaub ntawv los yog tsis tau ua dab tsi li txog ntawm lawv rooj plaub (Txhua lub koom haum saib xyuas txog phab kev txiav nyiaj them yug me nyuam yeej lo ntawv qhia kev yuav tawm tsam foob lawv cov koom haum li cas nyob rau hauv lawv cov chaw ua hauj lwm.)

Cov niam txiv uas ob leeg tau kev pab cuam tib si hauv lub koom haum saib xyuas txog phab kev txiav nyiaj them yug me nyuam puas leej muaj cai:

rov mus lawm saud


Lub Luag Hauj Lwm

Thaum tau kev pab cuam los ntawm koj lub koom haum saib xyuas txog phab kev txiav nyiaj them yug me nyuam, leej niam thiab leej txiv yuav tsum hais qhia rau lub koom haum yog hais tias nkawd:

  • tsiv, pauv hauj lwm, pauv npe, los yog lub nyiaj hli pauv (lub xeev txoj cai lij choj tswj kom qhia) Cov niam txiv mus kho tau lawv qhov chaw nyob hauv internet ntawm Child Support Online Services website (lus mis kas ) los yog hu mus rau lawv lub koom haum saib xyuas txog phab kev txiav nyiaj them yug me nyuam.
  • pauv xov tooj
  • pauv tus tau cai tau cov me nyuam los yog chaw nyob rau me nyuam
  • hais kom lub tsev hais plaub pauv txoj kev txiav txim (Lub koom haum saib xyuas txog phab kev txiav nyiaj them yug me nyuam yuav tsum muab kev pom zoo rau niam thiab txiv kev txaus siab raws txoj cai los pauv tus nqi them yug me nyuam. Cov niam txiv yuav tsum xa tsab ntawv txaus siab mus rau nkawv lub koom haum siab xyuas txog phab kev txiav nyiaj them yug me nyuam ua ntej nkawd muab tsab ntawv no xa mus rau tsev hais plaub ceev cia.)
  • pauv ntawv kho mob
  • tsis tau txais los yog tsis them nyiaj yug me nyuam hauv lub hli ntawd
  • teem caij mus nrog tsev hais plaub sib hais txog nws kev them nyiaj yug me nyuam

Cov niam txiv kuj yuav tsum hais qhia rau lub koom haum saib xyuas txog phab kev txiav nyiaj them yug me nyuam yog hais tias:

  • leej niam/txiv tod los yog tus me nyuam tau tas sim neej
  • leej niam/txiv uas raug them nyiaj yug yuav tau txais ib pob nyiaj loj (xws li kev sib foob tau nyiaj los ntawm kev pov hwm, tau tej kauv tes kauv taw ntawm ib tug neeg muaj nyiaj, los yog tau ib teg nyiaj Social Security them tuaj) yog hais tias tseem tshuav nqi them yug me nyuam uas them tsis tas

Cov niam txiv uas tau los yog xav tau cov nyiaj them yug yuav tsum hais qhia rau lawv lub koom haum saib xyuas txog phab kev txiav nyiaj them yug me nyuam:

  • txog tej yam lawv paub los yog yuav pab nrog nrhiav tau tus niam/txiv tod
  • txog tej yam lawv paub los yog yuav pab nrog nrhiav tau leej txiv ntawm tus me nyuam (leej txiv raws cai)
  • txog tej yam lawv paub los yog yuav pab nrog nrhiav tau los tsim kom tau kev them nyiaj yug me nyuam

rov mus lawm saud


Cov Niam Txiv Yuav Pab Tau Li Cas

  • Leej niam thiab leej txiv yuas tsum koom tes nrog nkawd lub koom hauv siab xyuas txov phab kev txiav nyiaj them yug me nyuam cov neeg ua hauj lwm ua cov ntaub ntawv kom tiav tiav thiab tuaj cuag lawv raws cov sij hawm teem rau nkawd.
  • Cov niam txiv uas thov kev pab cuam hauv phab kev them yug me nyuam yuav tsum muab cov ntaub ntawv txiav txim hauv tsev hais plaub txog kev them nyiaj yug los yog txog leej txiv raws cai (txiv yug) luam ua qauv rau lub koom haum saib xyuas txog phab kev txiav nyiaj them yug me nyuam. Cov niam txiv kuj yuav tsum luam lawv cov ntaub ntawv sib nrauj thiab tej kev txiav txim ntawm lawv txoj kev txij nkawm.
  • Cov niam txiv uas thov kev pab cuam txog kev them nyiaj yug me nyuam yuav tsum qhia txog tej yam lawv paub txog ntawm tus niam/txiv tod, xws li lub npe kom meej, qhov chaw yug, qhov chaw nyob ziag no, chaw ua hauj lwm los yog lwm txoj kev tau nyiaj, thiab tus Social Security los yog tus Tax Identification nab npawb.

rov mus lawm saud


Kev Sawv Cev Raws Cai

  • Nws yog ib qho tseem ceeb heev uas cov niam txiv yuav tsum to taub hais tias cov kws lij choj hauv phab kev saib txog kev them nyiaj yug me nyuam uas tuaj mus sib hais hauv tsev hais plaub ntawm lawv rooj plaub yog sawv cev rau lub xeev State of Wisconsin. Cov kws lij choj saib txog phab kev them nyiaj yug me nyuam tsis sawv cev rau tus niam los tus txiv li.
  • Yuav tsis muaj kev phooj ywg dab tsi tau ntawm cov niam txiv thiab cov kws lij choj saib xyuas txog phab kev them nyiaj yug me nyuam.
  • Tus kws lij choj saib xyuas txog phab kev them nyiaj yug me nyuam yuav leg txog tej hauj lwm hauv txoj cai los nrhiav thiab tsim kom tau nyiaj them yug me nyuam. Cov niam txiv xav ntiav kws lij choj sawv cev rau lawv los tau. Cov niam txiv uas thov kev pab cuam yuav tsum hais qhia rau lawv lub koom haum saib xyuas txog phab kev txiav nyiaj them yug me nyuam yog hais tias lawv yuav ntiav lawv ib tug kws lij choj.
  • Cov kws lij choj hauv phab kev them nyiaj yug me nyuam tsis leg tej hauj lwm txog kev tau cai tau me nyuam thiab saib xyuas me nyuam.

rov mus lawm saud


Cov Cai Pej Xeem Rau Cov Niam Txiv

Cov cai pej xeem hauv qab no muab kev tiv thaiv rau cov niam txiv ntawm kev ntxuj ntxaug hauv keb pab cuam txog phab kev saib xyuas them nyiaj yug me nyuam:

  • Title VI of the Civil Rights Act of 1964
  • Section 504 of the Rehabilitation Act of 1973
  • Age Discrimination Act of 1975
  • Americans with Disabilities Act of 1990

Kev pab cuam Wisconsin Child Support muab tsis tau kev ntxub ntxaug txuam rau thaum muab kev pab cuam los yog txais neeg ua hauj lwm los ntawm tus neeg ntawd lub hnub nyoog, hais neeg, cev nqaij daim tawv, poj niam los txiv neej, keeb kwm hais neeg, txheej laus poj yawm txws koob, kev txij nkawm, txoj kev ntseeg, kev ua plees ua yig, muaj ntaub ntawv raug ntev/txim, siv tej yam tsis raug cai, ua tub rog, xiam hoob qhab, los yog koom tes hauv kas mees.

Cov niam txiv muaj cai tau kev txhais lus pub dawb. Cov niam txiv uas xav tau cov ntaub ntawv txhais ua lwm hom lus, lwm hom kev qhia, los yog xav tau kev pab qhia siv cov kev pab cuam txog phab kev them nyiaj yug me nyuam, yuav tsum nug mus rau:

Yog cov niam txiv muaj lus nug txog kev ntxub ntxaug thiab kev raug ua phem, lawv muaj cai:

  • nrog tus neeg ua hauj lwm tuav lawv cov ntaub ntawv tus nai tham los yog tus saib xyuas txog kev ncaj ncees kom nrog kho cov teeb meem
  • hu mus rau Wisconsin Child Support ntawm: (608) 266-9909 los yog (800) 947-3529 TTY (hu dawb)

Yuav tsum ua ntawv foob tsis pub dhau 180 hnub ntawm hnub raug kev ntxub ntxaug.

rov mus lawm saud


Kev tsis pub lwm tus nrog paub

Tej rooj plaub hais txog kev them nyiaj yug me nyuam yuav muab qhia tsis tau rau lwm tus dhau ntawm leej niam thiab leej txiv, nkawv ob tug kws lij choj, los yog tus kws lij choj uas raug taw sawv cev rau tus me nyuam yog hais tias lawv tsis tso cai. Tej lus paub txog tsuas muab tau los lis tej ntaub ntawv hauv cov kev pab cuam txog kev them nyiaj yug me nyuam xwb. Tej co kev pab cuam kuj yog xws li Medicaid/BadgerCare Plus, Kinship Care, SSI Caretaker Supplement, thiab W-2.

Yog hais tias kev qhia ib tug niam txiv twg qhov chaw nyob, tus xov tooj, chaw ua hauj lwm, los yog lwm yam kev qhia hais tias nyob rau qhov twg yuav ua tau muaj xwm txheej tsis zoo rau tus niam/txiv ntawd los yog cov me nyuam, tus niam/txiv ntawd yuav tau nrog tus neeg ua hauj lwm leg nws cov ntaub ntawv tham txog kev tiv thaiv tej no.

Tej yam yuav tiv thaiv tsis tau yog:

  • Child Support Lien Docket - Tej kev qhia nov muaj nyob hauv internet pub rau sawv daws tshawb xyuas tau.

  • Tej ntaub ntawv uas muaj ceev cia rau hauv cov tsev hais plaub
    • Cov neeg ua hauj lwm (clerks) hauv tsev hais plaub yog cov tswj kev qhia cov ntaub ntawv raws txoj cai Wis. Stats. ss.19.33 thiab ss.19.35. (lus mis kas)

  • Tsev hais plaub kev txiav txim raug kaw/txim thiab raug nplua

rov mus lawm saud
Rov mus rau: Lus Qhia rau Cov Niam Txiv

Qhia ntxiv txog nyiaj them yug me nyuam

rov mus lawm saud
Rov mus rau: Lus Qhia rau Cov Niam Txiv


Updated October 25, 2011

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.