Home > Child Support > Xov Qhia Rau Cov Ua Niam Ua Txiv > Qhia Txog Cov Kev Pab Cuam

Qhia Txog Cov Kev Pab Cuam

Guide to Support Services - Hmong

Peb Hlis Ntuj 2008


Tseem Ceeb Yuav Tsum Paub

Muaj kev pab cuam txog kev tswj nyiaj txhiag rau txhua yim neeg uas them nyiaj yug me nyuam thiab cov tau nyiaj them yug me nyuam. Cov kev pab cuam muaj xws li nyiaj them yug me nyuam, them yug tsev neeg, thiab them yug tus poj niam/txiv. Wisconsin txoj cai lij choj yuav kom txhua cov nyiaj them yug yuav tsum them tuaj mus rau hauv Wisconsin Support Collections Trust Fund es mam muab xa tawm tuaj mus rau cov yim neeg uas tau cov nyiaj them yug no.

Tsev hais plaub kev txiav txim kom them nyiaj yug tsis tau txhais hais tias tsev neeg yuav tau txais kev pab cuam tswj cov ntaub ntawv los ntawm lawv lub nroog los yog ntawm pab pawg neeg lub koom haum saib xyuas txog phab kev txiav nyiaj them yug me nyuam. Cov yim neeg uas twb tau txais kev pab cuam yuav tau txais tej kev pab nrog tswj lawv tej ntaub ntawv. Kev pab cuam yog W-2, Medicaid/BadgerCare Plus*, SSI Caretaker Supplement, Kinship Care, thiab tseem fwv cov kev pab nyiaj txiag rau kev tu cov me nyuam tsis muaj niam muaj txiv tu. Cov kev pab feem ntau yog muaj pub dawb rau cov neeg uas tau kev pab cuam/nyiaj txhiag.

*Ntau yim neeg tshiab nyob hauv BadgerCare Plus yuav tau txais cov kev pab cuam no.

Kev pab cuam FoodShare (nyiaj muas noj) yuav tsis xa cov niam txiv mus rau phab kev pab cuam txog them nyiaj yug me nyuam lawm. Cov niam txiv nyob hauv kev pab cuam FoodShare, thiab lwm cov niam txiv thiab cov neeg muaj cai saib xyuas tu me nyuam uas lawv xav tau cov kev pab cuam tswj ntaub ntawv, yuav tau zwm npe thov nyob rau hauv lawv cov koom haum saib xyuas txog phab kev txiav nyiaj them yug me nyuam.

rov mus lawm saud


Kev Pab Tswj Ntaub Ntawv

Nyob hauv Wisconsin, cov koom haum saib xyuas txog phab kev txiav nyiaj them yug me nyuam hauv lub nroog thiab cov pab pawg neeg yuav tau kev pab tswj lawv tej ntaub ntawv.

rov mus lawm saud


Nrhiav tus niam/txiv uas khiav lawm

Cov koom haum saib xyuas txog phab kev txiav nyiaj them yug me nyuam muaj ntau txoj kev los pab lawv nrhiav cov niam txiv uas khiav lawm thiab tshawb txog lawm cov nyiaj hli. Piv txwv li:

  • KIDS, ib qho computer system uas tag nrho cov koom haum saib xyuas txog phab kev txiav nyiaj them yug me nyuam thoob lub xeev, yuav mus tshawb tau lwm cov computer system hauv Wisconsin.
  • Phab kev saib xyuas txog kev them nyiaj yug me nyuam yuav mus tshawb xyuas tau cov npe ntawm cov neeg uas nyuam qhuav tau hauj lwm tshiab nyob thoob teb chaws hauv qhov New Hire reporting program.
  • Phab kev saib xyuas txog kev them nyiaj yug me nyuam yuav siv ib co ntaub ntawv uas teev cia los ntawm cov koom haum cov neeg ua hauj lwm los pab nrog nrhiav cov niam txiv uas khiav lawm.
  • Phab kev saib xyuas txog kev them nyiaj yug me nyuam yuav hais kom lwm lub xeev pab koom tes nrhiav tus niam/txiv uas khiav lawm seb nws puas tau tsiv mus nyob rau lub xeev ntawd.

rov mus lawm saud


Leej Txiv Raws Txoj Cai (kev tsim muaj leej txiv)

Cov niam thiab cov txiv yuav hais tau kom lawv lub koom haum saib xyuas txog phab kev txiav nyiaj them yug me nyuam pab lawv tsim kom muaj leej txiv raws li txoj cai. Yog ib tus me nyuam twg tau xeeb lawm los yog yug los thaum niam txiv tseem sib yuav, tus txiv yog leej txiv raws txoj cai. Yog hais tias tus niam thiab tus txiv ntawd tsis tau sib yuav, yuav tau tsim kom muaj leej txiv raws cai ua ntej lub tsev hais plaub yuav txiav txim kom them nyiaj yug me nyuam. Txawm hais tias leej niam thiab leej txiv nyob ua ke, kev tsim kom muaj leej txiv raws txoj cai yog ib qho xyuas kom tus me nyuam muaj cai thiab kom leej niam thiab leej txiv puav leej muaj cai ib yam. Cov koom haum saib xyuas txog phab kev txiav nyiaj them yug me nyuam hauv lub nroog kuj muaj kev kuaj seb puas yog leej txiv yug tiag uas tus nqi kuj pheej yig.

rov mus lawm saud


Tsev Hais Plaub Kev Txiav Txim Kom Them Nyiaj Yug Me Nyuam

Lub koom haum saib xyuas txog phab kev txiav nyiaj them yug me nyuam yuav hais kom lub tsev hais plaub muab kev txiav txim kom them nyiaj yug me nyuam thiab muab kev pab rau ntawv kho mob. Tsuas yog lub tsev hais plaub thiaj yuav teev tau los yog pauv tau koj txoj kev them nyiaj yug me nyuam. Wisconsin cov tsev hais plaub siv cov kev tswj txog ntawm kev txiav nyiaj hauv Child Support Percentage of Income Standard los teev tus nqi them yug. Qhov siv rau sawv daws mas yog hais tias leej niam thiab leej txiv sib koom siv nkawd tej nyiaj txiag rau nkawd cov me nyuam thaum lub sij hawm tseem nyob ua ke, thiab yuav tsum ua tib yam li thaum tsis nyob ua ke lawm.

Puas yuav pauv tau tus nqi them nyiaj yug me nyuam?
Tau. Yog hais tias tus niam/txiv lub nyiaj hli los yog tus me nyuam kev nyob pauv lawm, yuav pauv tau tus nqi them nyiaj yug me nyuam. Tus nqi raug yuav them tej zaum yuav nce los yuav txo. Ua ntej ib txoj kev txiav txim yuav pauv tau, lub koom haum saib xyuas txog phab kev txiav nyiaj them yug me nyuam los yog lub tsev hais plaub yuav tsum tau nrog txheej xyuas dua. Leej niam thiab leej txiv yuav tau muab ntaub ntawv teev txog tej nyiaj txiag los txheeb saib dua. Yog hais tias lub koom haum saib xyuas txog phab kev txiav nyiaj them yug me nyuam rov txheeb saib cov ntaub ntawv, lawv mam li xa ib tsab ntawv ceeb toom txog lawv kev txiav txim rau ob leeg tib si. Cov yim neeg uas tau kev pab cuam nyiaj ntsuab (cash benefits) hauv W-2, SSI Caretaker Supplement, thiab Kinship Care tsev hais plaub yuav tau muab lawv tej ntaub ntawv rov los tshawb xyuas dua peb xyoos twg ib zaug. Thov nco, Tsuas yog lub tsev hais plaub thiaj yuav pauv tau txoj kev txiav tixm ntawm kev them nyiaj yug.

rov mus lawm saud


Kev Pab Them Ntawv Kho Mob

Kev raug them nyiaj yug me nyuam yuav tsum muaj kev them rau ntawv kho mob thiab. Pab cuam rau kev kho mob tej zaum yuav yog them rau daim ntawv kho mob thiab/los yog them tej nqi kho mob. Cov nqi kho mob muaj xws li kho nhiav thiab yuav tshuaj. Tej zau lub tsev hais plaub yuav kom leej niam los sis leej txiv los yog ob leeg tib si them kev kho mob. Tej zaum lub tsev hais plaub yuav tsis hais kom tus niam los yog tus txiv uas tau nyiaj tsawg them kev kho mob tshwj hais tias muaj cov ntawv kho mob uas tsis tau them nqi li los yog tus nqi nqis heev.

Lub tsev hais plaub yuav yuam tau leej niam los leej txiv kom muab tus me nyuam teev rau hauv nws cov ntawv kho mob yog hais tias cov ntawv ntawd raug tus nqi tsis kim heev. “Reasonable cost” txhais tau hais tias tus nqi yuav tsis tshaj 5% ntawm tus niam/txiv lub nyiaj hli los yog tus nqi uas lub tsev hais plaub tau teev.

Lub tsev hais plaub yuav yuam tau leej niam los leej txiv kom them tus nqi rau daim ntawv kho mob yog hais tias niam/txiv ntawd muaj ntawv kho mob tom nws qhov chaw ua hauj lwm. Yog hais tias lub tsev kho mob muab kev txiav txim kom leej niam los yog leej txiv them tus nqi ntawv kho mob, lub koom haum saib xyuas txog phab kev txiav nyiaj them yug me nyuam yuav tau hais kom qhov chaw ua hauj lwm txiav nyiaj them ntawv kho mob tawm ntawv tus niam/txiv daim tshev. Yog hais tias kev pab cuam ntawm daim ntawv kho mob nyob tsis deb tshaj 30 nas this los yog 30 mais ntawm cov me nyuam qhov chaw nyob, tej zaum nws yuav tsis yooj yim rau leej niam/txiv muab ntawv kho mob rau. Lub tsev hais plaub yuav tau yuam kom tus niam/txiv them nyiaj pab ib qho ntawm cov nqi kho mob. Yog hais tias ib qho ntawm cov kev pab cuam Medicaid, Healthy Start, los yog BadgerCare Plus them cov nqi thaum yug tus me nyuam mos liab lawm, lub tsev hais plaub yuav yuam kom leej/txiv rov them cov nyiaj no rov qab rau lub xeev.

Yog hais tias lub tsev hais plaub txoj kev txiam txiv yuav tsum kom leej niam/txiv muaj ntawv kho mob rau tus me nyuam, thiab tus niam/txiv ntawd muaj feem cuam tau kev kho mob rau tsev neeg, raws li txoj cai lij choj hauv lub xeev qhov chaw muag ntawv kho mob thiab cov tswv uas nws them nws ntawv kho mob yuav tsum ntxiv tus me nyuam rau hauv thiab txawm hais tias:

  • Leej niam thiab leej txiv yeej tsis tau sib yuav li.
  • Leej niam/txiv ntawd ua ntawv thov zwm rau ntawv kho mob ua dhau lub caij xwm lawm.
  • Daim ntawv ua thov zwm ntawv kho mob yog tus niam/txiv tod muab xa los yog lub koom haum saib xyuas txog phab kev txiav nyiaj them yug me nyuam ua tus xa.

Yog muaj lus dab tsi nug txog kev cai ntawv kho mob, cov niam txiv yuav tsum nug mus rau Wisconsin Office of the Commissioner of Insurance ntawm, los yog:

oci.wi.gov,(lus mis kas) los sis,
125 South Webster Street
Madison, Wisconsin 53702
(800) 236-8517 711
(TDD) (nug kom xa mus rau tus xov tooj 608-266-3586)

Tus niam/txiv tod yuav tsum them “ib nrab” ntawm wb tus me nyuam cov nqi kho mob, tiam sis tsis them li. Kuv raug them tas nrho txhua yam. Kuv puas yuav ua tau dab tsi txog qhov nov?
Cov koom haum saib xyuas txog phab kev txiav nyiaj them yug me nyuam tsis muaj lub luag hauj lwm dab tsi los yuam kom them cov nqi kho mob li tau txiav txim mus rau ib tug nqi li cas,xws li “ib nrab” cov nqi kho mob. Leej niam/txiv tod tsis them cov nqi kho mob uas tsev hais plaub tau txiav txim kom them, koj los yog koj tus kws lij choj yuav ua ntawv mus hais kom Tsev Hais Plaub rau Tsev Neeg (Family Court) los yog mus foob kom them nyiaj hauv lub tsev hais plaub Small Claims Court. Cov koom haum saib xyuas txog phab kev txiav nyiaj them yug me nyuam yuav tau taug qab txog ntawm kev tau txiav txim rau ib tus nqi lawm xws li “$50 txhua hli.”

rov mus lawm saud


Soj Qab Taug Lw Ntawv Kev Raug Them Nyiaj Yug Me Nyuam

Kev tswj ntaub ntawv muaj nrog kev soj qab taug lw kom ua raws li tsev hais plaub tau txiav txim ntawm kev them nyiaj yug me nyuam thiab them ntawv kho mob. Txoj kev uas siv heev dua thiaj ua tau hauj lwm zoo dua yog txiav nyiaj tawm ntawm cov nyiaj ua hauj lwm. Cov koom haum saib xyuas txog phab kev txiav nyiaj them yug me nyuam kuj xa ntawv ceeb toom mus rau cov tswv chaw ua hauj lwm thiab neeg li ntaub ntawv kho mob txog pab them kev kho mob.

Yog tus niam/txiv twg tsis ua raws li kev tau txiav txim thiab tsis tau them nyiaj tuaj hauv 30 hnub dhau los, lub koom haum saib xyuas txog phab kev txiav nyiaj them yug me nyuam yuav tau sawv kev tawm tsam. Tej zaum yuav tau hais qhia txog ntawm cov nyiaj them yug me nyuam uas dhau los lawm mus rau cov credit bureaus thiab tej zaum yuav tau muab kev cuam tshuam cov nyiaj ua se tau los thiab cov nyiaj twv txiaj. Tej zaum kuj yuav tau muab tus niam/txiv daim ntawv vaj tse los ntaus nqi tuav tseg. Cov neeg uas tsis them nqi yuav plam lawv cov lais xees ua siv xws li yos hav zoo thiab nuv ntses, ua hauj lwm, thiab tsav tsheb. Lub tsev hais plaub yuav txiav txim kom tus niam/txiv mus nrhiav hauj lwm los yog yuav nrhiav tus niam/txiv uas tsis them nqi es txhob txwm yuam cai ntawm tsev hais plaub. Nyob rau tej rooj plaub uas loj heev, tus kws lij choj nres hauv lub nroog yuav tsub tau lub txim raug kaw rau tej kev tsis them nyiaj yug.

rov mus lawm saud


Kev Pab Tswj Nyiaj Txiag


Txiav Nyiaj Tawm Ntawm Nyiaj Hli

Cov nyiaj them yug me nyuam feem ntau yog sau tau los ntawm kev txiav ncaj qha los ntawm cov nyiaj hli ua hauj lwm. Cov koom haum saib xyuas txog phab kev txiav nyiaj them yug me nyuam thiab Wisconsin Support Collections Trust Fund koom tes nrog cov chaw ua hauj lwm kom txiav nyiaj tawm ntawm tus niam/txiv lub nyiaj hli mus rau kev them yug.

rov mus lawm saud


Lis Kev Them Nyiaj Yug Me Nyuam

Lub Trust Fund lis txhua cov nyiaj them tuaj thiab txhua cov nyiaj yuav them tawm tsis pub dhau ob hnub ua hauj lwm. Lub Trust Fund ceev tej ntaub ntawv cia. Cov yim neeg uas tau cov nyiaj them yug tuaj yuav xaiv tau seb lawv yuav txais cov nyiaj no los ntawm kev tso ncaj qha mus cia rau tom lawv lub txhab rau nyiaj los yog siv Wisconsin Support Collections Debit Card. Ob txoj kev no los kuj nyab xeeb ib yam.

Thov Ceeb Toom: Yog hais tias ib tsev neeg uas tab tom tau cov kev pab cuam nyiaj ntsuab (cash benefits) los yog twb tau txais cov kev pab cuam nyiaj ntsuab yav tas los lawm, tej zaum tsev neeg no yuav tsis tau tas nrho cov nyuaj uas them tuaj. Ib co nyiaj them tuaj yuav coj mus them cov kev pab cuam nyiaj ntsuab uas tsev neeg tau txais ziag no los yog yav tas los rov qab.

Tus niam/txiv uas raug them nyiaj yug me nyuam rau ob tsev neeg. Leej twg yog tus tau cov nyiaj them yug me nyuam?
Tseem fwv txoj cai thiab lub xeev kev cai lij choj yuav hais tau tias cov nyiaj them yug yuav muab them tawm li cas. Txhua cov nyiaj them tuaj rau ib lub hlis twg mas yuav muab them tawm raws li no:

  1. mus rau txhua rooj plaub raug them kev yug raws li tsev hais plaub txiav txim rau lub hlis ntawd rau txhua rooj plaub lub tsev hais plaub tau txiav txim rau
  2. mus them rau tej nqi them uas dhau los lawm rau tej lub sij hawm (Cov nqi them no muaj qhia tseeb tseeb hais tias tsev hais plaub tau txiav txim kom them li cas lawm. Piv txwv li: lub tsev hais plaub tau txiav txim kom them “$50/txhua hli rau cov nqi uas dhau lawm.”)
  3. mus them rau cov nqi them yug uas dhau lawm
  4. mus them cov paj thiab cov nqi tes

Ntawm no yog ib qho piv txwv:

Leej niam/txiv uas raug yuam kom them nyiaj nyug ob tsev neeg -- $240 txhua hli rau Tsev Neeg A thiab $160 txhua hli rau Tsev Neeg B. Leej niam/txiv ntawd yuav them $100 txhua lub lis piam.

Tus nqi $100 txhua lub lis piam twg yuav muab xam prorated. Vim hais tias tshuav Tsev Neeg A 60% ntawm $400 txhua lub hlis, Tsev Neeg A yuav tau 60% ntawm $100 them tuaj txhua lub lis piam ($60). Tshuav Tsev Neeg B 40% ntawm $400 txhua lub hlis ces lawv yuav tau 40% ntawm qhov them txhua lub lis piam ($40).

Tshwj ib qho ces yog cov nyiaj cuam tshuam ntawm cov nyiaj ua se tau hauv tseem fwv rov los. Raws li txoj cai, kev cuam tshuam cov nyiaj ua se tau hauv tseem fwv los yuav tsum muab mus them ua ntej rau cov nqi uas dhau los lawm rau cov yim neeg uas tau txais kev pab cuam myiaj ntxuab ntawm W-2, SSI Caretaker Supplement, los yog AFDC.

Xav paub ntau ntxiv:

rov mus lawm saud


Qhia Txog Kev Them

Child Support Online Services (lus mis kas)(Kev Pab Cuam Hauv Internet Txog Kev Them Nyiaj Yug Me Nyuam)
Cov niam txiv uas xav zwm rau kev pab cuam pub dawb txog kev them nyiaj thiab seb tshuav li cas tau nyob rau. Cov kev qhia nov yeej muab kho txhua hmo tseg hnub Sunday xwb.

KIDS Information Line
Cov niam txiv yuav hu tau mus noog txog ob qho nyiaj them zaum kawg rau ntawm.

(414) 615-2400 cheeb tsam Metro Milwaukee
(800) 991-5530 tus xov tooj hu dawb tawm cheeb tsam Metro Milwaukee sab nraud
(877) 209-5209 tus xov tooj hu dawb TTY

Cov Ntawv Teev Qhia Txhua Lub Hlis Txog Tus Account
Cov niam tiv uas raug them yuav tau txais cov ntawv teev thiab cov coupon yuav xav nyiaj them mus txhua lub hlis yog hais tias lawv xa nyiaj ncaj qha mus rau tom lub Trust Fund los yog hais tias lawv tsis tau them tas nrho tus nqi kom txwm txwm hauv ib lub hlis twg. Lwm cov niam txiv ua raug them nyiaj yug mus hais tau kom lub koom haum saib xyuas txog phab kev txiav nyiaj them yug me nyuam xa cov ntawv teev txog cov nyiaj them hauv txhua lub hlis tuaj rau lawv los.

Cov Ntawv Teev Txog Cov Debit Card Thiab Qhia Txog Kev Saib Hauv Internet
Yog hais tias koj siv daim Wisconsin Support Collections VISA Debit Card:

  • Koj yuav tau txais daim ntawv teev qhia hais tais koj muaj li cas txhua lub hlis.
  • Mus saib koj tus account tau hauv internet ntawm www.myaccount.chase.com (lus mis kas).
  • Mus saib seb koj tshuav nyiaj li cas xws li:
    • hu tsu xov tooj 866-817-0761 (Tus xov tooj no nyob rau nraum koj daim card sab nraud.)
    • mus saib ntawm lub ATM machine

Ntawv Ceeb Toom Txog Kev Sau Nyiaj Them Yug Me Nyuam
Lub hlis tom qab txais tau cov nyiaj them tuaj lawm, tsev neeg uas tau los yog tau txais kev pab cuam nyiaj ntsuab uas tsuas tau ib qho ntawm cov nyiaj them yug yuav tau txais ib tsab ntawv ceeb toom. Tsab ntawv ceeb toom yuav hais qhia rau tsev neeg txog tus nqi them tas nrho tuaj, tus nqi xa tuaj rau lawv, thiab tus nqi siv los mus them rau lawv cov kev pab cuam.

rov mus lawm saud


Cov kev Pab Cuam Uas Tsis Muaj

Kev pab cuam txog them nyiaj yug me nyuam tsis muaj pab txog kev tau me nyuam thiab saib xyuas me nyuam. Kev them nyiaj yug me nyuam tsis muaj cai los yog lub luag hauj lwm los mus soj qab taug lw txog kev txiav txim tau me nyuam thiab saib xyuas me nyuam. Tsuas yog lub tsev hais plaub xwb thiaj muaj cai thiab lub luag hauj lwm xyuas txog tej no. “Custody” yog tau cai los muab kev txiav txim raws kev cai lij choj rau ib tus me nyuam. “Placement” yog hais txog ntawm qhov chaw tus me nyuam nyob thiab mus saib tau. Mus muab tau cov ntaub ntawv yuav ua hais kom lub tsev hais plaub yuam kom ua raws li kev txiav txim txog kev muaj cai tau me nyuam thiab muab chaw rau me nyuam nyob hauv internet (lus mis kas).

Tus kws lij choj rau phab kev saib xyuas txog kev txiav nyiaj them yug me nyuam yuav xyuas txog tej teeb meem cuam tshuam txog kev cai lij choj kom yuav tsum muaj thiab yuam them nyiaj yug me nyuam. Tiam sis, Child Support Services yuav tsis muaj cai muaj tswv yim raws kev cai lij choj rau tus niam txiv twg li. Nco ntsoom hais tias nws yog ib qho tseem ceeb heev uas tus kws lij choj hauv phab kev xyuas txog kev them nyiaj yug me nyuam uas tuaj hauv lub tsev hais plaub tuaj sawv cev rau lub xeev. Tus kws lij choj ntawd tsis sawv cev rau tus niam los tus lxiv li. Yuav tsis muaj kev raug zoo phooj ywg ntawm tus kws lij choj thiab tus niam txiv li.

rov mus lawm saud


Muaj Lus Qhia Ntxiv thiab Tob Dua Txog Cov Kev Pab Cuam

rov mus lawm saud

Rov mus rau: Xov Qhia Rau Cov Ua Niam Ua Txiv


Updated July 11, 2008