Qhia txog Leej Txiv Raws Txoj Cai
Kho Dua Tshiab Tsib 3 Hlis Ntuj 4 2011
- Paternity yog dab tsi?
- Yog vim li cas thiaj tseem ceeb tsim kom muaj leej txiv?
- Yuav tsim kom tau leej txiv raws li txoj cai li cas?
- Yuav ua li cas yog hais tias tus txiv neej los yog leej niam tsis paub tseeb hais tias leej txiv yog tus twg tiag?
- Genetic tests ua tau dab tsi?
- Leej twg yog tus them kev tshuaj ntsuam genetic tests no?
- Yog tus txiv neej ntseeg hais tias nws yog leej txiv, nws yuav ua li cas?
- Thaum twg thiaj tsim tau kom muaj leej txiv?
- Leej txiv yuav ua tau li cas yog hais tias leej niam los yog nws tsev neeg tsis pub leej txiv tuaj xyuas tus me nyuam?
- Ua li tus txiv neej los yog leej niam puas yuav tsum muaj kws lij choj?
- Leej txiv puas yuav tau them child support?
- Yuav ua li cas yog leej txiv tseem kawm ntawv?
- Yuav ua li cas yog leej txiv tsis muaj hauj lwm ua los yog khwv tsis tau nyiaj ntau?
- Leej txiv puas yuav raug mus kaw?
- Leej txiv puas yuav muaj cai tau nws tus me nyuam?
- Ua li paternity muaj kev tshuam li cas nrog rau W-2, child care, thiab BadgerCare Plus?
- Yog leej txiv hawv ua phem rau leej niam, los yog nws ntshai hais qhia tias leej txiv yog tus twg ne?
- Cov Lus Siv Hauv Txoj Cai (Legal Terms)
- Qhia ntxiv txog nyiaj them yug me nyuam
- Leej Txiv Raws Txoj Cai
- Ntaub ntawv - Yuav muab luam tawm ua ib phau me nyuam ntawv, siv Acrobat Reader (Lus Mis Kas), muab los rau hauv koj lub computer dawb xwb.
Paternity yog dab tsi?
"Paternity" txhais hais tias “leej txiv raws txoj cai” (legal
fatherhood). Nws yog ib txoj kev hais tau tias tus me nyuam txiv yog leej
txiv raws txoj cai. Tus txheej txheem teev kom tau leej txiv yog hu ua
"paternity establishment." Tsim kom muaj leej txiv yuav pub leej txiv lub
npe teev rau hauv tus me nyuam cov ntawv yug. Nws kuj muab ib cov cai rau
leej txiv thiab tus me nyuam.
Yog vim li cas thiaj tseem ceeb tsim kom muaj leej txiv?
Ib tug me nyuam muaj cai muaj niam thiab muaj txiv, txawm hais tias nws niam thiab nws txiv tsis yog niam txiv. Thaum muab leej txiv lub npe teev rau hauv tus me nyuam cov ntaub ntawv yug, tus me nyuam muaj ib cov cai phib xej. Cov cai no kuj yuav yog:
- Child support (them nyiaj yug me nyuam)
- Health insurance (ntawv kho mob)
- Tribal enrollment rights (kev zwm npe rau hauv pab pawg neeg- uas yog rau cov me nyuam Native American)
- Inheritance rights (muaj cai tau leej txiv tej kauv tes kauv taw)
- Leej txiv cov nyiaj Social Security yog leej txiv tas sim neej los yog cia li xiam hoob qhab lawm
- Muaj cai paub txog leej txiv tsev neeg cov keeb kwm kev mob nkeeg (los ntawm tus me nyuam tus kws kho mob los). Qhov nov tseem ceeb heev vim hais tias tej yam mob xws li ntshav qab zib (diabetes) thiab noob ntsha tawg (sickle cell) muaj raws caj ces.
Txawm hais tias tus me nyuam niam thiab txiv yeej npaj sib yuav los yog yeej nyob ua ke, kev tsim kom muaj leej txiv yuav muab tau cov cai nov rau tus me nyuam. Tsuas yog thaum muab leej txiv lub npe teev rau hauv tus me nyuam cov ntaub ntawv yug lawm thiaj yuav paub meej hais tias nws niam thiab nws txiv yug nws yog leej twg tiag.
Thaum tsim tau leej txiv raws txoj cai lawm, leej txiv muaj ib cov cai.
- Leej txiv cov cai yuav tau muab los xam ua ntej yuav muab tus me nyuam tso mus rau kev adoption.
- Leej txiv muaj cai hais kom lub tsev hais plaub muab cai rau nws tu tus me nyuam (muab kev txiav txim txog ntawm tus me nyuam) thiab mus saib nws tus me nyuam (muab chaw rau tus me nyuam nyob).
- Leej txiv muaj cai npaj ib tsab ntawv qhia rau tsev hais plaub seb nws yuav tu nws tus me nyuam zoo li cas.
Yuav tsim kom tau leej txiv raws li txoj cai li cas?
Nyob hauv Wisconsin, muaj 3 txoj kev los tsim tsa leej txiv raws txoj cai.
- Zoo Siab Hlo Lees Tias Yog Leej Txiv (Voluntary Paternity Acknowledgment)
Yog tias leej niam thiab tus txiv neej muaj 18 los yog laus dua thiab paub tseeb tias tus txiv neej yog leej txiv, qhov yooj yim tshaj los mus tsim tsa leej txiv raws txoj cai ces yog ua daim ntawv Zoo Siab Hlo Lees Tias Yog Leej Txiv. Leej niam thiab leej txiv yuav tau kos npe rau daim ntawv Zoo Siab Hlo Lees Tias Yog Leej Txiv tom qab tus me nyuam yug lawm. Ua daim ntawv no kom tiav thiab xa mus rau Vital Records kom tsim tsa tau leej txiv raws txoj cai. (Qhov chaw nyob ntawm Vital Records muaj nyob rau ntawm daim ntawv.) Leej txiv lub npe yuav muab ntxiv rau ntawm daim ntawv yug (birth certificate).
Yog leej niam los yog leej txiv xav koj tshuaj ntsuam roj ntshav, leej niam/txiv yuav tsum tsis txhob kos npe rau daim ntawv mus txog rau thaum paub seb qhov kev tshuaj ntsuam mus zoo li cas lawm. Leej niam/txiv kuj nug tau kom lawv lub koom haum saib xyuas txog phab kev txiav nyiaj them yug me nyuam pab muab kev tshuaj ntsuam roj ntshav rau lawv ua ntej kos npe rau daim ntawv Zoo Siab Hlo Lees Tias Yog Leej Txiv. Cov koom haum saib xyuas txog phab kev txiav nyiaj them yug me nyuam muaj kev pab nrog tshuaj ntsuam uas tsis yuav tus nqi kim. Saib phab 5 kom paub txog cov nqi tes ntawm kev tshuaj ntsuam.
Leej niam thiab leej txiv yuav kos npe tau rau daim ntawv Zoo Siab Hlo Lees Tias Yog Leej Txiv thiab muab ntaus thwj nyob hauv tsev kho mob thaum yug tus me nyuam. Txhua lub tsev kho mob nyob hauv Wisconsin muaj daim ntawv no. Muaj coob tus kws pab cov poj niam thaum daws cev yug me nyuam (midwives) puav leej muaj daim ntawv no.
Daim ntawv Zoo Siab Hlo Lees Tias Yog Leej Txiv (Voluntary Paternity Acknowledgment) kuj muaj nyob ntawm cov koom haum saib xyuas txog phab kev txiav nyiaj them yug me nyuam thiab. Cov koom hauv saib xyuas txog phab kev txiav nyiaj them yug me nyuam kuj yuav pab tau niam/txiv txog daim ntawv no. Cov xov tooj ntawm cov koom haum saib xyuas txog phab kev txiav nyiaj them yug me nyuam muaj teev nyob rau ntawm phau ntawv teev xov tooj “County Government” (Hauv Lub Nroog ) los yog ntawm pab pawg neeg lub npe thiab hauv internet ntawm childsupport.wisconsin.gov.
Daim ntawv Zoo Siab Hlo Lees Tias Yog Leej Txiv kuj muaj nyob rau hauv qhov chaw ua hauj lwm khaws ntaub ntawv register of deeds thiab hauv qhov chaw ua hauj lwm Vital Records Office nyob rau Madison.
Yuav siv tsis tau daim ntawv Zoo Siab Hlo Lees Tias Yog Leej Txiv yog tias thaum tus niam xeeb tus me nyuam los yog thaum yug tus me nyuam es leej niam yuav lwm tus txiv neej lawm.
Thov nco ntsoov: Yog tias leej niam/txiv tsis tau muaj 18 xyoo es tsim tsa kom muaj leej txiv raws txoj cai uas siv daim ntawv no ua ntej Lub 1 Hlis Ntuj tim 1, 2007, twb txais daim ntawv no los siv lawm. Tsim tsa tau leej txiv raws txoj cai rau tus me nyuam lawm. Txij Lub 1 Hli Ntuj tim 1, 2007, leej niam thiab leej txiv yuav tsum muaj 18 xyoo los yog laus dua thiaj siv tau daim ntawv Zoo Siab Hlo Lees Tias Yog Leej Txiv no.
- Court Ruling (Tsev Hais Plaub Kev Txiav Txim)
Yog hais tias teev ib tug txiv neej ua leej txiv tiam sis nws tsis txaus siab, yuav tau teem ib lub rooj sib hais hauv tsev hais plaub. Lub tsev hais plaub mam li txiav txim seb nws puas yog leej txiv. Tus txiv neej thiab leej niam yuav tau txais kev ceeb toom txog rooj plaub sib hais, thiab ob leeg tib si yuav tau tuaj.
Nyob rau thaum sib hais, yuav piav tus txiv neej cov cai thiab lub luag hauj lwm rau nws. Yog hais tias nws xav tau kev tshuaj ntsuam genetic testing, nws yuav tsum hais kom lub tsev hais plaub muab cov kev tshuaj ntsuam no rau nws.
Txawm hais tias yog tus txiv neej ntawd tsis tuaj raws sij hawm thiab rau ntawm qhov chaw teem ntawd, lub tsev hais plaub muaj cai txiav txim hais tias nws yog leej txiv thiab yuav teev nws lub npe ua leej txiv. Qhov no yog "default judgment." Txoj kev txiav txim hais tias tus txiv neej ntawd yog leej txiv yuav pib txij hnub txiav txim ntawd. Thaum txiav txim lawd, lub tsev hais plaub yuav hais kom nws them child support.
- Acknowledgment of Marital Child (Legitimation) (Kev Lees Hais Tias Tus Me
Nyuam yog Ib Niam Txiv Yug)
Yog hais tias leej niam thiab leej txiv ho sib yuav tom qab yug tus me nyuam lawm, leej niam thiab leej txiv yuav kos npe rau daim ntawv Acknowledgment of Marital Child (Legitimation) kom tsim muaj leej txiv. Leej niam thiab leej txiv mus muaj tau daim ntawv no ntawm lub koom haum child support hauv nkawv lub nroog thiab ntawm lub xeev lub hoob kas Vital Records Office. Leej niam thiab leej txiv ob leeg yuav tsum tau kos npe rau daim ntawv no ntawm ib tus neeg pov thawj (notary) es muab xa mus rau lub xeev lub hoob kas Office of Vital Records. (Qhov chaw nyob yuav xa daim ntawv mus rau Vital Records muaj nyob hauv daim ntawv ntawd lawm.) Daim ntawv Acknowledgment of Marital Child yuav muab cai rau tus me nyuam thiab nws niam nws txiv ib yam nkaus li tias yeej yog niam txiv ua ntej mam yug tus me nyuam.
Yuav ua li cas yog hais tias tus txiv neej los yog leej niam tsis paub
tseeb hais tias leej txiv yog tus twg tiag?
Yog hais tias tus txiv neej los yog leej niam tsis paub tseeb, nkawd yuav tsum tsis txhob kos npe rau daim ntawv Voluntary Paternity Acknowledgment. Thaum muab daim ntawv no zwm cia lawm, nws zoo ib yam li kev txiav txim los ntawm lub tsev hais plaub los. Thaum ntawd yuav xam tau hais tais tus txiv neej ntawd yog leej txiv raws txoj cai, ces lub tsev hais plaub muaj cai txiav txim kom tus txiv neej ntawd them child support.
Yog hais tias tsis tau pib ua ntaub ntawv dab tsi li, tus txiv neej ntawd los yog leej niam yuav tsum nug mus rau lub koom haum child support hauv nkawv lub nroog kom maub kev tshuaj ntsuam genetic tests. Cov koom haum child support muaj kev tshuaj ntsuam genetic testing yam li pheej yig. (Saib hauv Qhia Cov Nqi Tes thiab Cov Nqi hauv Kev Them Nyiaj Yug.)
Yog hais tias twb pib ua ntaub ntawv lawm, tus txiv neej thiab leej niam yuav tsum tuaj mus sib hais raws li teem sij hawm. Raws li kev cai leg ntaub ntawv, lub koom haum child support los yog lub tsev hais plaub yuav hais kom mus muab kev tshuaj ntsuam genetic tests. Yog hais tias kev tshuaj ntsuam pom tau hais tias tus txiv neej ntawd tsis yog leej txiv, yuav muab rooj plaub no tso tseg. Yog kev tshuaj ntsuam pom tau hais tias 99% los yog siab dua qhia tau hais tias qhov ntau mas tus txiv neej ntawd yog leej txiv lawm, ces nws yog leej txiv raws li kev cai lij choj hauv Wisconsin.
Genetic tests ua tau dab tsi?Hauv kev tshuaj ntsuam Genetic (DNA) tests muaj ob qho yuav ua tau, xws li "buccal swab" uas yog so hauv qhov ncauj los yog tso ntshav. Ntau qhov chaw siv txoj kev so hauv lub qhov ncauj mus tshuaj ntsuam dua li tso ntshav. Kev tshuaj ntsuam ntawm so hauv lub qhov ncauj yog muab tus pas rwb mus so hauv lub qhov ncauj kom tau ib co noob ncaij hauv. Nyob rau ntawm ob txoj kev tshuaj ntsuam no yog kev mus muab noob ncaij los yog noob ntshav ntawm tus txiv neej, leej niam, thiab tus me nyuam. Qhov tsuam tau los ntawm kev tshuaj ntsuam no yuav qhia tau hais tias tej zaum tus txiv neej yog leej txiv.
Lub tsev hais plaub siv kev ntsuam no los txiav txim txog ntawm leej txiv thaum tus txiv neej los yog leej niam tsis paub tseeb los yog tsis txaus siab txog ntawm tus me nyuam txiv. Yog kev ntsuam pom tau hais tias 99% los yog siab dua qhia tau hais tias qhov ntau mas tus txiv neej ntawd yog leej txiv lawm, ces nws yog leej txiv raws li kev cai lij choj hauv Wisconsin. Tus txiv neej ntawd muaj cai tawm tsam hauv tsev hais plaub txog ntawm kev ntsuam tau.
Leej twg yog tus them kev tshuaj ntsuam genetic tests no?
Lub koom haum child support yuav them rau kev tshuaj ntsuam kom txog rau
thaum tsim tau leej txiv. Yog hais tias kev ntsuam tau pom hais tias tus txiv
neej yog leej txiv, nws thiab/los yog leej niam yuav raug them rau kev tshuaj
ntsuam no. Yog hais tias kev ntsuam tau pom hais tias tus txiv neej tsis yog
leej txiv, nws yuav tsis raug them rau cov kev ntsuam no.
Qhia Cov Nqi Tes thiab Cov Nqi hauv Kev Them Nyiaj Yug
Yog tus txiv neej ntseeg hais tias nws yog leej txiv, nws yuav ua li cas?
Txawm hais tias tus txiv neej yeej npaj siab pab nws tus me nyuam thiab leej
niam, nws yog ib qho tseem ceeb heev uas yuav tau teev kom muaj leej txiv raws
li txoj cai. Yog leej niam tsis txaus siab, tus txiv neej muaj cai mus hais kom
tsev hais plaub tsim kom muaj leej txiv. Lub koom haum child support nyob ntawm
tus txiv neej lub nroog yuav pab tau txog qhov nov. Kev tsim tsa kom muaj leej
txiv yog kev tiv thaiv leej txiv thiab tus me nyuam cov cai. (Saib
kom paub ntxiv txog cov cai nov.) Ib leej txiv yuav tsa tau kev sib ncawg
nrog nws cov me nyuam txawm hais tias nws tsis raug zoo nrog leej niam. Tej zaum
yuav muaj kev kawm txog niam txiv kev cob qhia me nyuam thiab muaj kev sib
txhawb rau cov txiv nyob ib cheem tsam ntawd.
Thaum twg thiaj tsim tau kom muaj leej txiv?
Yuav tsim kom muaj leej txiv thaum twg los tau tom qab yug tus me nyuam lawm.
Tiam sis, yuav tsum mus hais hauv lub tsev hais plaub ua ntej tus me nyuam puv
19 xyoos. Yuav kom paub meej hais tias tus me nyuam thiab leej niam leej txiv
muaj cai, yuav tau tsim kom muaj leej txiv sai li sai tau. (Saib
kom paub ntxiv txog cov cai nov.)
Leej txiv yuav ua tau li cas yog hais tias leej niam los yog nws tsev neeg
tsis pub leej txiv tuaj xyuas tus me nyuam?
Yog tus txiv neej ntseeg hais tias nws yog tus me nyuam txiv, nws yeej muaj
cai thiab lub luag hauj lwm los tsim kom muaj leej txiv. Qhov no yeej muaj tseeb
txawm hais tias leej niam thiab nws tsev neeg tsis pub leej txiv tuaj xyuas. Tej
zaum lub koom haum child support yuav pab tau tus txiv neej ntawd taug cov
txheej txheem kev tsim kom muaj leej txiv, los yog nws mam ntiav ib tug kws lij
choj.
Ua li tus txiv neej los yog leej niam puas yuav tsum muaj kws lij choj?
Lub koom haum child support tus kws lij choj yuav foob mus rau lub tsev hais plaub kom tsim muaj leej txiv, tiam sis yuav sawv cev tsis tau rau leej niam los leej txiv li.
Yog ib tug txiv neej raug teev hais tias tej zaum nws yog leej txiv, tej zaum nws yuav tau muaj kws lij choj pab sawv cev rau nws. Yog hais tias nws tsis tau muaj 18 xyoo thiab raug teev hais tias tej zaum yog leej txiv, lub tsev hais plaub yuav taw ib tug kws lij choj los sawv nws cev tshwj nws ho muaj nws ib tug kws lij choj lawm. Yog nws muaj 18 xyoo los yog laus dua, nws mam ntiav ib tug kws loj choj.
Leej txiv puas yuav tau them child support?
Yog pom tau hais tias tus txiv neej ntawd yog leej txiv, nws yuav raug them
child support.
Kev Qhia Txog Them Nyiaj Yug Me Nyuam.
Yuav ua li cas yog leej txiv tseem kawm ntawv?
Yog leej txiv tseem kawm ntawv es yuav pab tsis tau leej niam yug tus me nyuam, tej zaum lub tsev hais plaub yuav tsis tau teev tus nqi them yug mus txog rau thaum nws kawm tiav thiab ua hauj lwm. Yog hais tias leej txiv tsis tau muaj 18 xyoo, tej zaum lub tsev hais plaub yuav txiav txim kom nws niam thiab nws txiv pab nrog them nyiaj yug. Leej niam thiab leej txiv yuav tau nrog nkawd tus child support worker tham txog qhov no.
Yuav ua li cas yog leej txiv tsis muaj hauj lwm ua los yog khwv tsis tau nyiaj ntau?
Lub tsev hais plaub yuav muab kev ncaj ncees thaum teev tus nqi them child support kom txhua tus tau nyiaj txaus siv. Tej zaum lub tsev hais plaub yuav txiav txim kom leej txiv mus nrhiav hauj lwm ua yog hais tias nws tsis ua hauj lwm tiam sis yeej muaj peev xwm ua taus hauj lwm. Tej zaum lub tsev hais plaub yuav txiav txim kom leej txiv mus kawm hauv
Children First Program kom pab nws khwv kom tau nyiaj txaus them child support. Muaj tej kev pab cuam pub dawb pab leej txiv kom tau hauj lwm ua los yog tau hauj lwm zoo zog ua.
Hais ntxiv txog: Tus Txheej Txheem Qhia Txog Kev Teev Tus Nqi Them Yug Me Nyuam
Leej txiv puas yuav raug mus kaw?
Yog leej txiv txhob txwm tsis kam them child support raws li tsev hais plaub tau
txiav txim, nws kuj yuav raug txim hais tias txhob txwm yuam cai rau tsev hais
plaub los yog raug lub txim hais tias tsis them nyiaj yug.
Leej txiv puas yuav muaj cai tau nws tus me nyuam?
Nyob hauv Wisconsin txoj cai lij choj, thaum tus me nyuam niam thiab txiv
tsis yog niam txiv, leej niam tib leeg thiaj muaj cai tau tus me nyuam xwb (muab
kev txiav txim txog ntawm tus me nyuam) mus txog rau thaum lub tsev hais plaub
txiav txim lwm yam. Tsis yog hais tias leej txiv yauv tsum muaj cai tau tus me
nyuam thiaj mus saib tau nws tus me nyuam.
Yog leej txiv thiab leej niam tsis txaus siab txog ntawm kev tau cai tau tus me nyuam, leej txiv yuav hais tau kom lub tsev hais plaub muab cai rau ob leeg tau tus me nyuam sib npaug.
Yog leej txiv thiab leej niam tsis txaus siab txog ntawv kev saib xyuas tus me nyuam (qhov chaw rau tus me nyuam nyob), leej txiv yuav hais tau kom lub tsev hais plaub muab kev txiav txim txog ntawm qhov chaw me nyuam yuav nyob.
Yuav kom tau tsev hais plaub kev txiav txim, leej niam thiab leej txiv yuav tau npaj ib tsab ntawv hu ua “Parenting Plan.” Lub tsev hais plaub mam li txiav txim seb tsab twg yog tsab zoo tshaj rau tus me nyuam. Yuav muab kev cai tau tus me nyuam thiab kev muab chaw rau tus me nyuam nyob los sib hais hauv chav muab kev pab cuam rau tsev neeg hauv tsev hais plaub. Leej niam thiab leej txiv yuas tsum hu mus rau nkawd lub chav muab kev pab cuam rau tsev neeg hauv tsev hais plaub tus commissioner lub hoob kas kom tau kev pab cuam txog kev sib tham (counseling services).
- Family court commissioners (Lus Mis Kas)
Ua li paternity muaj kev tshuam li cas nrog rau W-2,
Wisconsin Shares (pab zov me nyuam), thiab
BadgerCare Plus?
Yog tus me nyuam los yog leej niam tau kev pab cuam los ntawm W-2 thiab leej
txiv raug them child support, tej zaum leej txiv yuav koom tes tau rau hauv W-2
qhov Noncustodial Parent Program (kev pab cuam rau leej niam/txiv uas tsis tau
cai tau tus me nyuam). Qhov kev pab cuam no yuav pab leej txiv nrhiav hauj lwm.
Child care (kev pab zov me nyuam) yog ib qho kev pab cuam hauv W-2.
Yog leej txiv muab kev koom tes nrog kev pab cuam hauv W-2, nws kuj yuav tsum tau koom tes nrog lub koom haum child support thiab. Yog nws tshuav nqi uas dhau lawm hauv child support, nws thiab nws lub koom haum child support yuav tau muaj kev pom zoo rau ib txoj kev npaj them.
Thaum tus me nyuam los yog leej niam tau kev pab cuam los ntawm W-2, WI Shares (pab zov me nyuam), los yog SSI Caretaker Supplement, lub xeev yuav tsum hais kom lub nroog los yog (county) pab pawg neeg (tribe) tsim kom muaj leej txiv. Leej niam yuav tau koom tes nrog lub koom haum child support. Qhov nov kuj muaj tseeb rau ntau tsev neeg nyob hauv kev pab cuam BadgerCare Plus program.
Yog hais tias BadgerCare Plus tau them cov nqi thaum yug tus me nyuam lawm, lub tsev hais plaub yuav txiav txim kom leej txiv them ib co nqi thaum yug tus me nyuam rov qab. Raws li tseem fwv txoj cai lij choj, leej niam yog tus tsim nyog tau kev pab cuam BadgerCare Plus lawm mas nws yuav tsis raug them cov nqi tshuaj ntsuam ntawm nws tus kheej thiab nws cov me nyuam uas nrog nws nyob rov qab.
Yuav kom paub ntau ntxiv, thov mus saib hauv qhov qhia (muaj nyob rau ntawm koj lub koom haum saib xyuas txog phab kev txiav nyiaj them yug me nyuam thiab hauv internet ntawm childsupport.wisconsin.gov (Hmoob) txog:
- Kev Qhia Koj Mus Rau Kev Pab Hauv W-2, Kev Pab Nyiaj Ntsuab, & Nyiaj Them Yug Me Nyuam
- Tus Txheej Txheem ntawm Kev Them Nyiaj Yug Me Nyuam & BadgerCare Plus
- Kev Qhia Them Cov Nqi Yug Me Nyuam Rov Qab
Hais ntxiv txog, Kev Txiav Nyiaj Them Yug Me Nyuam thiab Cov Kev Pab Cuam
Yog leej txiv hawv ua phem rau leej niam, los yog nws ntshai hais qhia tias leej txiv yog tus twg ne?
Leej niam yuav tsum hu mus rau tub ceev xwm yog muaj neeg hawv ua phem rau nws los yog nws tus me nyuam. Nws yuav hais tau kom tub ceev xwm muab kev tiv thaiv txwv tsis pub tus neeg tau hawv nws tuaj ze nws.
Muaj ntau yam ntxiv txog W-2, WI Shares (pab zov me nyuam), thiab BadgerCare Plus
Yog leej niam tau kev pab cuam hauv W-2, Wisconsin Shares (pab zov me nyuam), BadgerCare Plus, los yog SSI Caretaker Supplement es nws los yog nws tus me nyuam raug hawv yuav ua phem rau, nws muaj qhov “good cause” tsis muab tus me nyuam txiv lub npe. Leej niam yuav tau ua ib co ntawv thiab muab pov thawj qhia hais tias nws los yog nws tus me nyuam muaj teeb meem nyob tsis nyab xeeb lawm. Lub koom haum W-2/Economic Support Agency yuav tshawb xyuas qhov teeb meem no. Yog lub koom haum tus worker pom zoo hais tias leej niam thiab tus me nyuam muaj teeb meem nyob tsis nyab xeeb lawm, leej niam yuav tsis plam cov kev pab cuam yog nws tsis kam qhia leej txiv lub npe rau lub koom haum child support.
Yog leej niam xav tsim kom muaj leej txiv thiab xav tau nyiaj them yug me nyuam, nws yuav tau txais kev tiv thaiv hu ua “privacy protection.” Privacy protection yuav tiv thaiv nws qhov chaw nyob, tus xov tooj, chaw ua hauj lwm, los yog lwm yam yuav qhia tau txog ntawm nws tus kheej.
Yuav kom paub ntau ntxiv, thov saib hauv qhov qhia (muaj nyob rau ntawm koj lub koom haum saib xyuas txog phab kev txiav nyiaj them yug me nyuam thiab hauv internet ntawm childsupport.wisconsin.gov (Hmoob) txog:
- Kev Qhia Koj Mus Rau Kev Pab Hauv W-2, Kev Pab Nyiaj Ntsuab, & Nyiaj Them Yug Me Nyuam
- Tus Txheej Txheem ntawm Kev Them Nyiaj Yug Me Nyuam & BadgerCare Plus
- Kev Qhia Them Cov Nqi Yug Me Nyuam Rov Qab
- Kev Tiv Thaiv Txog Tej Yam Feem Nraim (Privacy Protection)
Cov Lus Siv Raws Txoj Cai (Legal Terms)
Alleged father: Tus txiv neej uas raug leej niam teev npe tias yog tus me nyuam txiv LOS YOG tus txiv neej uas nws ntsheeg tias nws yog leej txiv es ua cov ntaub ntawv tsim tsa kom raws txoj cai. Lub koom haum saib xyuas txog phab kev txiav nyiaj them yug me nyuam yuav pab tau leej niam thiab/los yog tus txiv neej hais txog cov ntaub ntawv tsim tsa kom muaj leej txiv raws txoj cai.
BadgerCare Plus: Daim ntawv kho mob rau me nyuam thiab tsev neeg.
Biological father: Leej txiv uas yug tus me nyuam. Tus txiv neej uas ua kom tus poj niam xeeb tus me nyuam.
Children First program: Ib txoj kev pab cuam nrog nrhiav hauj lwm, qhia ua hauj lwm, qhia ntawv, los yog muaj xyaum hauj lwm rau cov niam txiv uas raug them nyiaj yug me nyuam. Tsev hais plaub yuav tsum tau xa leej niam/txiv mus rau hauv qhov Children First Program. Tsis yog txhua lub nroog thiab pab pawg neeg muaj qhov kev pab cuam Children First program no.
Conceptive period: Lub sij hawm uas xeeb tus me nyuam. Raws li kev xeeb me nyuam, lub sij hawm yog 60 hnub, thaj tsam li 240 mus rau 300 hnub ua ntej yug tus me nyuam.
Custody: Txoj cai uas tsev hais plaub muab rau leej niam los yog leej txiv los yog ob leeg tib si kom muab kev txiav txim rau tus me nyuam. Leej niam los yog leej txiv xwb (sole cusdody) los yog ob leeg tib si (joint custody) yuav tau muab kev txiav txim rau tus me nyuam.
Guardian: Ib tus neeg uas tsis yog leej niam los leej txiv uas tau kev txiav txim raws txoj cai los saib xyuas tus me nyuam. Me nyuam feem coob tsis muaj tus legal guardian. Qhov no tsuas yog tshwm sim thaum tsev hais plaub muab kev txiav txim thiab muab cai rau lwm tus neeg uas tsis yog leej niam/txiv kom nws nrog xyuas tus me nyuam xwb.
Marital Presumption: Lub sij hawm tus me nyuam xeeb los yog yug es leej niam muaj tus txiv, txoj cai xav tias nws tus txiv yog leej txiv raws txoj cai. Tsuas yog tsev hais plaub thiaj txiav txim tau xwb.
Periods of Physical Placement: Lub sij hawm tus me nyuam nyob nrog leej niam/txiv.
Primary Physical Placement: Qhov chaw tus me nyuam nyob ntau dua.
Petitioner: Tus neeg uas ua cov ntaub ntawv foob.
Respondent: Tus neeg uas raug foob.
W-2: Lub xeev ib txoj kev pab cuam nrog niam/txiv nrhiav hauj lwm. W-2 pab rau kev zov me nyuam, kev caij tseb mus los (transportation), qhia ua hauj lwm, thiab kev kawm ntawv. Yuav kom paub cov lus siv hauv child support ntxiv, mus saib hauv “Qhia Cov Lus Siv Hauv Kev Them Nyiaj Yug Me Nyuam,” muaj nyob rau ntawm koj lub koom haum saib xyuas txog phab kev txiav nyiaj them yug me nyuam thiab hauv internet ntawm childsupport.wisconsin.gov.
Yuav kom paub cov lus siv hauv child support ntxiv, mus saib hauv Qhia Cov Lus Siv Hauv Kev Them Nyiaj Yug Me Nyuam.
rov mus lawm saud
Leej Txiv Raws Txoj Cai
Rov mus rau: Lus Qhia rau Cov Niam Txiv
Qhia ntxiv txog nyiaj them yug me nyuam
- Kev pab cuam
- Leej Txiv Raws Txoj Cai
- Cov nqi tes
- Hais kom tau nyiaj them yug
- Them nyiaj yug
- Teev nqi them yug
- Hloov los yog tso kev them nyiaj yug tseg
- Cov Koom Haum Saib Xyuas Txog Phab Kev Txiav nyiaj Them Yug Me Nyuam
- Cov cai thiab lub luag hauj lwm
- Them cov nqi thaum yug tus me nyuam rov qab
- Cov niam txiv uas nyob lwm lub xeev los yog lwm lub teb chaws
- Cov nyiaj them yug uas dhau lawm
- Kev Txiav Nyiaj Them Yug Me Nyuam thiab Cov Kev Pab Cuam
- Kev qhia pab rau cov niam txiv
- Lub luag hauj lwm ntawm cov kev pab cuam
- Cov lus siv rau phab no
rov mus lawm saud
Leej Txiv Raws Txoj Cai
Rov mus rau: Lus Qhia rau Cov Niam Txiv
Lus Qhia rau Cov Niam Txiv (Hmoob)