Pab koj tus me nyuam rhais ib kauj ruam ua ntej hauv lub neej - tso Leej Txiv lub npe nyob hauv daim ntawv yug

Ib 3 Hlis Ntuj 10 2011

• Ntaub ntawv (Yuav muab luam tawm ua ib phau me nyuam ntawv, siv Acrobat Reader (Lus Mis Kas), muab los rau hauv koj lub computer dawb xwb)

Nws yooj yim npaum li suav 1, 2, 3 . .

1 -

Tom qab tus me nyuam yug lawm, leej txiv thiab leej niam uas tsis tau ua ntawv sib yuav muaj cai kos tau rau daim ntawv uas yuav pab ceev kom leej txiv lub npe muab tso rau daim ntawv pov thawj yug tus me nyuam thiab muab nws ua leej txiv raws cai.

Daim ntawv no hu ua Zoo Siab Hlo Lees Tias Yog Leej Txiv (Voluntary Paternity Acknowledgment).

Koj muab tau daim voluntary paternity acknowledgment (zoo siab hlo lees tias yog leej txiv) tom lub tsev kho mob thaum koj yug koj tus me nyuam. Koj kuj muab tau daim ntawv tom qhov chaw saib xyuas kev them nyiaj yug me nyuam nyob hauv koj lub zos, tus Midwife uas pab tus niam thaum yug me nyuam los yog tom qhov chaw teev ntawv (register of deeds) feem coob hauv tuam nroog. Leej niam thiab leej txiv ob leeg tib si yuav tsum muaj hnub nyoog 18 xyoos los yog 18 xyoos rov saud thiaj siv tau daim ntawv no.

2 -

Koj yuav tau muab daim Voluntary Paternity Acknowledgment (Zoo Siab Hlo Lees Tias Yog Leej Txiv)coj mus ntaus thwj lees paub. Kos daim ntawv tim ntsej tim muag ntawm ib tug Neeg Pov Thawj (Notary Public). Nug cov neeg ua hauj lwm tom tsev kho mob seb koj puas siv tau lawv tus Neeg Pov Thawj. Cov tsev khaws nyiaj thiab chaw saib xyuas kev them nyiaj yug me nyuam feem coob yeej muaj Cov Neeg Pov Thawj.

3 -

Yog koj kos daim Zoo Siab Hlo Lees Tias Yog Leej Txiv tom lub tsev kho mob, lub tsev kho mob cov neeg ua hauj lwm mam pab xa daim ntawv mus.  Koj xav xa koj tus kheej los tau.  Muaj tej co tsev kho mob thiab cov koom haum saib xyuas txog phab kev txiav nyiaj them yug me nyuam kuj yuav pab cov niam txiv them tus nqi no thiab.

Qhov no yuav pab tau koj tus me nyuam li cas?

Txawm tias leej txiv yuav yog hluas los laus, muaj los pluag, nws tsuas yog tib leej txiv yug uas tus me nyuam muaj xwb.

• Nws yog ib qho tseem ceeb rau tus me nyuam tau paub tias leej twg yog nws niam thiab nws txiv
  
  
• Nws pub cai rau tus me nyuam:
  
  
  • txais tau leej txiv cov nyiaj laus thiab nyiaj qub tub rog, yog tias muaj dab tsi tshwm sim
  • muab tau leej txiv tsev neeg tej keeb kwm noj qab haus huv (uas yog tus me nyuam tus kws kho mob yuav tau mus tshawb). Qhov no tseem ceeb vim tej mob ntshav qab zib thiab mob ntshav tawg (sickle cell) yog mob raws caj ceg.
  • zwm thiab/los yog koom tau rau hauv pawg neeg (rau cov Native Americans)
    
    
• Leej niam thiab leej txiv ob leeg tib sis muaj lub luag hauj lwm tu tus me nyuam
  
  
• Koj tus me nyuam tej zaum yuav nkag tau rau hauv leej txiv cov ntawv kho mob

Xyuas daim ntawv Zoo Siab Hlo Lees Tias Yog Leej Txiv (Voluntary Paternity Acknowledgment) kom paub txog koj cov cai thiab lub luag hauj lwm.  

Yog xav paub xwm los yog kev pab cuam, hu rau lub chaw saib xyuas kev them nyiaj yug men yuam hauv koj lub zos.

Xav paub ntau ntxiv: Leej Txiv Raws Txoj Cai
Rov mus rau: Lus Qhia rau Cov Niam Txiv

Lus Qhia rau Cov Niam Txiv (Hmoob)