Them Nyiaj Yug Me Nyuam - Thaum cov niam txiv nyob rau lwm lub xeev, teb chaws, los yog nyob rau hauv tej pab pawg neeg thaj av
Child Support - When parents live in other states, countries, or on tribal lands (Hmong)
Kho dua tshiab Plaub Hlis Ntu 2008
- Thaum Niam thiab Txiv Nyob Txawv Xeev
- Cov Kev Pab Cuam Txog Phab Kev Txiav Nyiaj Yug Me Nyuam Nyob Hauv Tej Pab Pawg Neeg
- Cov Nqi Tes Ntawm Ib Lub Xeev Rau Ib Lub Xeev
- Cov Kev Pab Cuam
- Yog Hais Tias Leej Niam/Txiv Nyob Rau Lwm Lub Teb Chaws
- Kuv yuav hu leej twg pab?
- Ntaub ntawv (Yuav muab luam tawm ua ib phau me nyuam ntawv, siv Adobe(r) Acrobat (Lus Mis Kas), muab los rau hauv koj lub computer dawb xwb)
Thaum Niam thiab Txiv Nyob Txawv Xeev
Ib lub “xeev” yog:
- ib lub ntawm 50 lub xeev
- Washington DC
- Asmeslikas cov av xws li Guam, Puerto Rico los yog Virgin Islands
Cov kev pab cuam txog phab kev txiav nyiaj yug me nyuam nyob rau txhua lub xeev kuj zoo sib xws. Tiam sis, tej zaum ib co cai thiab kev lis cov hauj lwm txog phab kev txiav nyiaj yug me nyuam yuav txawv me ntsis.
Feem ntau, cov niam/txiv tsis tas yuav tsum tuaj lwm lub xeev tuaj mus hais rooj plaub. Cov niam/txiv yuav tsum nug mus rau cov koom haum saib xyuas txog phab kev txiav nyiaj yug me nyuam ntawm lawv nyob txog kev hais rooj plaub uas yog siv xov tooj.
Cov niam/txiv yuav tsum paub hais tias Wisconsin txoj kev pab cuam Child Support Program:
- xam hais tias niam thiab txiv ob leeg tib si muaj lub luag hauj lwm yug
nkawv cov me nyuam
- yuav muab kev pab rau cov niam/txiv uas raug Wisconsin cov tsev hais
plaub yuam kom them nyiaj yug me nyuam txawm hais tias lawv nyob rau lwm lub
xeev
- yuav muab kev pab rau cov niam txiv uas nyob hauv Wisconsin es raug lwm
lub xeev cov tsev hais plaub yuam kom them nyiaj yug me nyuam
- tsis muaj cai txog tej teeb meem hais txog kev tau cai saib xyuas me
nyuam los yog mus xyuas me nyuam
Cov kev pab cuam txog phab kev txiav nyiaj yug me nyuam nyob txhua lub xeev muaj kev koom tes ua ke los muab kev pab rau cov me nyuam.
- Txhua lub xeev yuav hwm lwm lub xeev txoj kev txiav txim rau kev them
nyiaj yug me nyuam.
- Thaum leej niam thiab leej txiv nyias nyob nyias lub xeev, ntau zaus
qhov no muab xam hais tias yog "1-state cases" tsis yog "interstate cases."
Cov xeev muaj cov cai uas tso cai rau lwm lub xeev los mus soj qab ntsuam
xyuas lawv cov kev yuam kom them nyiaj yug me nyuam uas tsis muaj kev cuam
tshuam los ntawm lwm lub xeev. Piv txwv li - yog hais tias leej niam/txiv
uas raug them nyiaj yug me nyuam nyob rau lwm lub xeev, tej zaum Wisconsin
yuav kom tus niam/txiv uas raug them nyiaj yug ntawd qhov chaw ua huaj lwm
txiav cov nyiaj them yug me nyuam.
- Thaum yuav tau thov kev pab lawm, ib lub xeev yuav thov kom lwm lub xeev
pab. Qhov no yog kev leg hauj lwm ntawm ob lub xeev hu ua "2-state" process
los yog hu ua "interstate case." Tus cai Uniform Interstate Family Support
Act (UIFSA) tswj cov rooj plaub ib lub xeev pab ib lub xeev (interstate)
nyob rau Asmeslikas teb.
- Yog ib rooj plaub muaj kev txiav txim yuam los ntawm ntau tshaj ib lub
xeev los, lub koom haum saib xyuas txog phab kev txiav nyiaj yug me nyuam
yuav tau los muab kev ntsuav seb txoj kev txiav txim twg thiaj yuav yeej.
- Lub koom haum saib xyuas txog phab kev txiav nyiaj yug me nyuam yuav tau
los nrog ntsuam xyuas thaum lwm lub xeev xav tau kev pab. Cov niam txiv tsis
tas nug mus rau lwm lub xeev txoj kev pab cuam txog phab kev txiav nyiaj yug
me nyuam. Lawv lub koom haum saib xyuas txog phab kev txiav nyiaj yug me
nyuam yuav nrog xyuas qhov nov rau cov niam/txiv.
- Lub koom haum saib xyuas txog phab kev txiav nyiaj yug me nyuam nyob
ntawm leej niam/txiv zos mam li muab kev soj ntsuam nrog rau lub xeev tod
txog rooj plaub ntawd.
- Cov niam txiv yuav tsum muab kom tag tej yam lawv paub txog tus niam/txiv tod thiab qhov tseeb hais qhia. Cov niam txiv yuav tsum hais qhia rau lub koom haum saib xyuas txog phab kev txiav nyiaj yug me nyuam yog hais tias lawv paub txog tej yam yuav pab tau, xws li tus niam/txiv tod nyob qhov twg los yog ua hauj lwm qhov twg. Lawv lub koom haum saib xyuas txog phab kev txiav nyiaj yug me nyuam thiaj yuav xa tau tej yam paub txog no mus rau lwm lub xeev.
Cov Kev Pab Cuam Txog Phab Kev Txiav Nyiaj Yug Me Nyuam Nyob Hauv Tej Pab Pawg Neeg
Cov tej pab pawg neeg yog ib co neeg uas lawv muaj lawv tus cai kav lawv. Lub Xeev thiab Pab Pawg Neeg cov kev pab cuam txog phab kev txiav nyiaj yug me nyuam muaj kev koom tes ua hauj lwm ua ke muab kev pab rau cov me nyuam.
Lub Xeev thiab Pab Pawg Neeg cov kev pab cuam txog phab kev txiav nyiaj yug me nyuam kuj zoo sib xws. Tiam sis, ib cov cai txog phab kev txiav nyiaj yug me nyuam thiab kev lis cov hauj lwm kuj yuav txawv me ntsis.
- Cov koom haum saib xyuas txog phab kev txiav nyiaj yug me nyuam nyob
hauv tej pab pawg neeg cov tes dej num yuav ua raws li lawv cov cai thiab
hauv lawv cov tsev hais plaub. Cov kev pab cuam txog phab kev txiav nyiaj
yug me nyuam yuav sib txawv los ntawm lawv kab lig kev cai coj hauv lawv.
- Tsis zoo li lwm lub xeev, cov Pab Pawg neeg cov koom haum saib xyuas
txog phab kev txiav nyiaj yug me nyuam lis lawv cov hauj lwm raws li tus cai
Full Faith and Credit to Child Support Orders Act, tsis yog raws li tus cai
Uniform Interstate Family Support Act (UIFSA)
- Tej co kev pab cuam txog
phab kev txiav nyiaj yug me nyuam hauv cov Pab Pawg Neeg siv lawv lub xeev
cov kev lis hauj lwm. Ib txhia tsis siv.
- Tej Pab Pawg Neeg kuj txais lawv lub xeev cov kev txiav txim, ib txhia tsis txais.
Cov Nqi Tes Ntawm Ib Lub Xeev Rau Ib Lub Xeev
Tej lub xeev yuav nqi tes rau kev nrog soj qab kom muaj kev taug uas tuaj rau hauv lawv lub xeev. Cov nqi tes no kuj sib txawv. Tej lub xeev yuav nqi tes ntawm cov niam/txiv ua tau txais cov nyiaj yug me nyuam. Tej lub xeev yuav nqi tes ntawm cov niam/txiv uas raug them nyiaj yug me nyuam. Ib co xeev tsis yuav nqi tes. Yog hais tias lub xeev tod yuav nqi tes, lawv muab cov nqi tes rho tawm hauv cov nyiaj them yug ua ntej xa cov nyiaj tuaj rau Wisconsin.
Cov Kev Pab Cuam
Cov kev pab cuam feem ntau muaj nyob hauv zos. Cov niam txiv mus thov cov kev pab cuam txog phab kev txiav nyiaj yug me nyuam los ntawm lub koom haum saib xyuas txog phab kev txiav nyiaj yug me nyuam hauv zos txawm hais tias tus niam/txiv tod yuav nyob qhov twg los xij, los yog lawv qhov kev txiav txim los qhov twg los. Txoj kev pab cuam txog phab kev txiav nyiaj yug me nyuam yuav pab:
- Nrhiav tus niam/txiv uas khiav lawm
- Tsim tsa kom muaj leej txiv raws cai (leej txiv raws cai)
- Hais kom tsev hais plaub teev tus nqi yug me nyiam
- Rov muab txoj kev txiav txim los xyuas dua seb yuav nce tus nqi yug los yauv txo
- Mus thov kom muab tus nqi yug pauv yog hais tias nrhiav pom tsim nyog
muaj kev pauv (nce kom siab zog los yog txo kom nqis zog)
- Taug qab kom yuav tsum them nyiaj yug me nyuam thiab kev kho mob raws li
kev txiav txim
- Teb koj cov lus nug thiab muab kev qhia
- Muaj neeg txhais lus thiab txhais cov ntaub ntawv qhia txog phab kev
txiav nyiaj yug me nyuam uas tsis raug nqi rau koj them
- Cov kev pab cuam Wisconsin Child Support Program muaj:
- Qhia ib nqe zuj zus txog kev them thiab qhov seem txog ntawm kev them
nyiaj yug me nyuam online ntawm Child Support
Online Payments (Lus Mis Kas)
- Tus nqi them ob zaug tom qab ntawm:
(414) 615-2400 Cheeb Tsam Hauv Milwaukee
(800) 991-5530 tawm Cheeb Tsam Milwaukee sab nrad
(877) 209-5209 TDD - Keeb kwm ntawm tus account
- Kev tiv thaiv txog ntawm tus kheej yog hais tias muaj kev tso tus niam/txiv qhov chaw nyob, tus xov tooj, chaw ua hauj lwm los yog lwm yam hais txog nws tus kheej uas yuav ua tau teeb meem rau tus niam/txiv ntawd (Privacy Protection).
Yog Hais Tias Leej Niam/Txiv Nyob Rau Lwm Lub Teb Chaws
Yog hais tias leej niam/txiv nyob rau hauv cov tub rog thiab raug mus nyob rau lwm lub teb chaws, qhov nyiaj them yug me nyuam yuav tau xyuas raws li leej niam/txiv ntawd nyob rau lwm lub xeev. Txawm li cas los, tej zaum Service Members' Civil Relief Act yuav ncua tej kev lis tej hauj lwm no rau cov tub rog uas tseem tab tom nyob tom tshav rog.
Tsoom Fwv Asmeslikas thiab lub xeev Wisconsin muaj kev cog lus pom zoo txog kev them nyiaj yug me nyuam nrog rau lwm lub teb chaws kom muaj kev sib hwm txog nyias lub teb chaws kev txiav txim hauv tsev hais plaub.
Thov nco tseg: Yog hais tias qhov tsim tsa ua ib leej txiv kom raws cai tau tshwm sim nyob rau lwm lub teb chaws, tej zaum Wisconsin yuav tsis lees paub txog qhov kev tsim tsa ua leej txiv no.
Kev pom zoo nrog rau lwm lub teb chaws
Txhua lub xeev yuav ua hauj lwm nrog rau ib lub teb chaw nyob rau ntawm cov kev pom zoo nrog rau tsoom fwv lub hoob kas Office of Child Support Enforcement. Cov teb chaws ntawd yog:
- Australia
- Canadian Cov Xeev los yog Cov Ciaj Ciam Teb Chaws:
- Alberta
- British Columbia
- Manitoba
- New Brunswick
- Northwest Territories
- Nunavut
- Newfoundland/Labrador
- Nova Scotia
- Ontario
- Czech Republic
- Finland
- Ireland
- Netherlands
- Norway
- Poland
- Portugal
- Slovak Republic
- Switzerland
- United Kingdom
Wisconsin kuj muaj kev pom zoo nrog rau:
- Australia
- Austria
- Bermuda
- Canadian Cov Xeev los yog Cov Ciaj Ciam Teb Chaws:
- Alberta
- British Columbia
- Manitoba
- Newfoundland
- Nova Scotia
- Ontario
- Prince Edward Island
- Saskatchewan
- Yukon Territory
- Northwest Territories
- Czechoslovakia
- England
- Fiji Islands
- France
- Germany
- Hungary
- Jamaica
- Mariana Islands
- Mexico
- New Zealand
- Northern Ireland
- Norway
- Poland
- Scotland
- South Africa
- Sweden
Wisconsin ib lub koom haum saib xyuas txog phab kev txiav nyiaj yug me nyuam los yog ib lub teb chaws muaj cai thov kom Wisconsin txoj kev pab cuam Child Support Program nrog cog ib txoj kev pom zoo nrog rau lwm lub teb chaws.
Kuv yuav hu leej twg pab?
Lub Koom Haum Saib Xyuas Kev Txiav Nyiaj Them Yug Me Nyuam (Wisconsin)
Tsoom Fwv lub hoob kas Office of Child Support Enforcement lub website (Lus Mis Kas) muaj ntaub ntawv qhia txog txhua lub xeev thiab Pab Pawg Neeg cov kev pab cuam txog kev them nyiaj yug me nyuam.
-
http://www.acf.hhs.gov/programs/cse/extinf.html
-
http://ocse.acf.hhs.gov/ext/irg/sps/selectastate.cfm
- http://ocse.acf.hhs.gov/int/directories/index.cfm?fuseaction=main.tribalivd
Rov mus rau ntawm: Xov Qhia Rau Cov Ua Niam Ua Txi