Tus Txheej Txheem ntawm Kev Them Nyiaj Yug Me Nyuam
& BadgerCare Plus
1 Hlis Ntuj 2011
- Kev Them Nyiaj Yug Me Nyuam & BadgerCare Plus
- Koom tes thiab Good Cause
- Yog Koj Muaj Lus Nug Ntxiv
- Qhia ntxiv txog nyiaj them yug me nyuam
- Ntaub ntawv (Yuav muab luam tawm ua ib phau me nyuam ntawv, siv Acrobat Reader (Lus Mis Kas), muab los rau hauv koj lub computer dawb xwb)
Kev Them Nyiaj Yug Me Nyuam & BadgerCare Plus
Kev them nyiaj yug me nyuam muaj feem xyuam lis cas nrog rau
BadgerCare Plus?
Coob tus poj niam/txiv neej uas tsis muaj cuab muaj yig, sib cais tsis nyob ua
ke lawm, thiab cov niam txiv sib nrauj lawm es thov BadgerCare Plus cov kev pab
cuam "Standard Plan" yuav raug xa mus rau cov kev pab cuam hauv Child Support.
Cov tsev neeg uas nyob hauv qhov Standard Plan them tus nqi co-pays thiab tus
nqi txhua hlis me ntsis rau ntawv kho mob xwb yog tias tau them. Thaum cov niam
txiv raug xa mus rau hauv kev tau kev pab los ntawm kev them nyiaj yug me nyuam
lawm, lawv yuav tau kev pab tas nrho. Cov niam txiv yuav tau muab kev koom tes
nrog lawv lub koom hauv saib xyuas txog phab kev txiav nyiaj them yug me nyuam. Tej zaum cov niam txiv yuav tau them tus nqi tes me ntsis rau cov kev pab cuam lawv tau txais.
Muaj ntau yam ntxiv txog:
- Cov niam txiv yuav tau muab kev koom tes nrog lawv lub koom hauv saib xyuas txog phab kev txiav nyiaj them yug me nyuam
- Kev pab tswj ntaub ntawv
- Cov Nqi Tes thiab Cov Nqi hauv Kev Them Nyiaj Yug
- BadgerCare Plus
Yog tias niam txiv tsis sib yuav thaum leej niam thov BadgerCare Plus Standard Plan, tsev hais plaub yuav yuam kom leej txiv pab them BadgerCare Plus rov qab rau cov nqi thaum yug tus me nyuam. Nqi yug me nyuam (birth costs) xws li cov nqi mus ntsib kws tshuaj thaum xeeb tus me nyuam mus txog rau thaum yug tus me nyuam. Xav paub ntxiv, thov xyuas nyob hauv
Kuv tsis paub tias kuv puas raug xa mus rau cov kev pab cuam hauv Child
Support. Ua li cas kuv thiaj paub?
Koj tus case worker yuav qhia tsis tau rau koj thaum koj thov BadgerCare Plus thawj zaug. Hu rau koj lub koom haum saib xyuas txog phab kev txiav nyiaj them yug me nyuam ib lub lis piam tom qab koj zwm npe rau BadgerCare Plus cov kev pab cuam.
Feem ntau:
- Tsis muaj txiv los yog poj niam, cov niam txiv sib nrauj, thiab sib cais tsis nyob ua ke uas nyob hauv qhov Standard Plan yuav raug xa mus, thiab
- Tsis muaj txiv los yog poj niam, cov niam txiv sib nrauj, thiab sib cais tsis nyob ua ke uas nyob hauv qhov Benchmark Plan yuav tsis raug xa.
Txawm li cas los, cov cai xa mus rau lwm qhov chaw pab yeej nyuab. Muaj ib qho computer program yuav nrog xyuas kom paub meej. Yog haum, cov niam txiv yuav raug xa mus rau Child Support cov kev pab cuam.
Yuav ua li cas yog kuv nyob rau qhov "Benchmark Plan" hauv BadgerCare Plus?
Yog koj twb tau kev pab cuam tag nrho lawm, koj cov kev pab cuam yuav muaj
mus ntxiv. Yog tsis tau, koj yuav tau thov cov kev pab cuam no nyob rau
ntawm koj lub koom haum saib xyuas txog phab kev txiav nyiaj them yug me nyuam.
Thov saib hauv "Qhia Cov Nqi Tes thiab Cov Nqi hauv Kev Them Nyiaj Yug," rau tej
cov nqi tes uas koj yuav tau them. Cov ntaub ntawv thiab tag nrho cov
txheej txheej txog kev them nyiaj yug me nyuam muaj nyob hauv koj lub koom haum
saib xyuas txog phab kev txiav nyiaj them yug me nyuam thiab hauv online.
Txhua tus niam txiv thiab cov muaj cai saib uas xav tau cov kev pab txog kev them nyiaj yug me nyuam yeej thov tau cov kev pab cuam no.
Muaj ntau yam ntxiv txog
- Nqi Tes thiab Cov Nqi hauv Kev Them Nyiaj Yug
- Niam/Txiv Daim Ntawv Thov Kev Pab Cuam Txog Nyiaj Them Yug Me Nyuam
- Kev pab tswj ntaub ntawv
Koom tes thiab Good Cause
Yog xav tau, koom haum saib xyuas txog phab kev txiav nyiaj them yug me nyuam yuav pab los nrog tsim tsa kom muaj leej txiv raws txoj cai. Tom qab tsim tsa tau leej txiv lawm, lub koom haum saib xyuas txog phab kev txiav nyiaj them yug me nyuam yuav hais kom tsev hais plaub yuam kom them nyiaj yug me nyuam thiab muaj ntawv kho mob. Tej zaum lub tsev hais plaub yuav yuam kom leej niam los yog leej txiv los yog ob leeg tib si muaj ntawv kho mob rau tus me nyuam.
Muaj ntau yam ntxiv txog
- Leej txiv raws txoj cai
- Tsev hais plaub kev txiav txim kom them nyiaj yug me nyuam
- Tsim tsa kom muaj leej txiv raws txoj cai
Koom tes
Kuv yuav ua li cas thiaj li yog koom tes?
Koj yuav tau:
- Qhia rau koom haum saib xyuas txog phab kev txiav nyiaj them yug me nyuam yog lawv nug txog koj tus me nyuam niam los yog txiv.
- Mus ntsib tus neeg ua hauj lwm pab koj hauv kev them nyiaj yug me nyuam (child support worker) raws cov sij hawm teem.
- Mus rau cov rooj sib hais plaub txog koj qhov teeb meem ntawm kev them nyiaj yug me nyuam (child support case).
- Qhia txog cov nyiaj tus niam txiv tod them ncaj qha tuaj rau koj rau tus neeg ua hauj lwm hauv BadgerCare Plus.
Yuav ua li cas yog kuv tsis koom tes?
Yog koj raug xa mus rau kev pab saib xyuas txog phab kev txiav nyiaj them yug me
nyuam es tsis koom tes nrog lub koom haum, BadgerCare Plus cov kev pab koj yuav
tu thaum koj tus me nyuam mos muaj ob hlis. Txawm li cas los, koj cov me nyuam
yeej tseem yuav tau txais BadgerCare Plus cov kev pab.
Tsis koom tes kuj yuav muaj kev cuam tshuam rau lwm yam kev pab cuam uas koj tau txais hauv W-2, Wisconsin Shares (pab zov me nyuam), SSI Caretaker Supplement, thiab Kinship Care.
Yuav ua li cas yog lawv hais tias kuv tsis koom tes, tab sis kuv
ntseeg tias kuv yeej koom tes?
Yog koj tsis pom zoo li Child Support kev txiav txim tias koj tsis muab kev koom
tes, koj yeej hais tau kom lub koom haum saib xyuas txog phab kev txiav nyiaj
them yug me nyuam muab rov los hais dua. Lub koom haum yuav teem ib lub rooj
sib tham nrog rau ib tug neeg uas yuav tshawb nrhiav qhov tseeb (fact finder)
los xyuas. Koj coj tau ib tug neeg sawv cev rau koj (tus phooj ywg, tug txheeb
ze, tug kws lij choj, los yog lwm tus neeg) tuaj rau lub rooj sib tham no. Yog
koj tuaj tsis tau rau lub rooj sib tham no, nug seb hu xov tooj tuaj koom lub
rooj sib tham puas yuav tau. Tus neeg tshawb nrhiav qhov tseeb yuav xa daim
ntawv ceeb toom txog qhov nws tshawb pom. Yog tias tus neeg tshawb nrhiav qhov
tseeb txiav txim tias koj tsis koom tes, daim ntawv ceeb toom mam qhia koj seb
yuav ua li cas.
Hais ntxiv txog
Good Cause (Kev Tsim Nyog)
Yuav ua li cas yog kuv yeej muaj laj thawj tsis muab kev koom tes
nrog kev pab cuam saib xyuas txog phab kev txiav nyiaj them yug me nyuam?
Yog koj ntseeg tias koj los yog koj cov me nyuam yuav muaj teeb meem yog koj
muab kev koom tes, koj yuav tsum nrog koj tus BadgerCare Plus worker tham thiab
ua daim ntawv Good Cause. BadgerCare Plus yuav txiav txim seb puas yuav
muaj Good Cause.
Good Cause yog dab tsis?
Good Cause tshwm sim thaum:
- Koj ntseeg hais tias muab kev koom tes yuav muaj xwm tsheej phem raug rau koj los yog koj cov me nyuam kom mob cev nqaij daim ntawv los yog puas siab, los yog
- Xeeb tau koj tus me nyuam vim tus neeg txheeb ze koj deev koj los yog lwm tus neeg mos koj, los yog
- Twb ua ntawv hauv tsev hais plaub muab tus me nyuam mus rau lwm tus yuav lawm, los yog
- Ib lub koom haum pab neeg tau pab koj li peb lub hlis (3) los yog tsawg dua txiav txim seb koj puas tsim nyog muab koj txoj cai ua niam tshem tawm.
Koj yuav tau muab puav pheej sau qhia txhawb rau koj qhov Good Cause claim. Yog koj muaj teeb meem nrhiav puav pheej, koj tus neeg ua hauj lwm hauv BadgerCare Plus yuav pab tau koj.
Lub koom haum BadgerCare Plus yuav muab koj cov puav pheej los xav, thiab lawv mam li txiav txim seb koj puas yuav koom tes nrog lub koom haum saib xyuas txog phab kev txiav nyiaj them yug me nyuam raws li cov lus hais saud.
Yuav ua li cas yog kuv tsis pom zoo raws li kev txiav txim ntawm Good
Cause?
Yog koj tsis pom zoo raws li kev txiav txim zaum kawg ntawm Good Cause, tej zaum
koj yuav tau thov kom BadgerCare Plus muab kev tshawb nrhiav qhov tseeb ntawm
Good Cause los xyuas.
Tus neeg tshawb nrhiav qhov tseeb yuav xa daim ntawv ceeb toom txog qhov tshawb pom tuaj rau koj. Yog tus neeg tshawb nrhiav qhov tseeb txiav txim tias koj tsis muaj Good Cause, daim ntawv ceeb toom yuav qhia rau koj tias yuav ua li cas.
Kuv txhawj nyob tsam muaj dab tsi tshwm sim yog tias tus niam txiv tod paub kuv nyob qhov twg. Kuv yuav ua li cas?
Yog tias qhia koj qhov chaw nyob, xov tooj, chaw ua hauj lwm, los yog lwm qhov chaw yuav ua rau kom muaj teeb meem rau koj thiab koj cov me nyuam, hais kom koj tus neeg ua hauj lwm hauv kev pab saib xyuas txog phab kev txiav nyiaj them yug me nyuam tsis txhob muab qhia tawm.
Hais ntxiv txog:
Yog Koj Muaj Lus Nug Ntxiv
- Koj lub koom haum BadgerCare Plus yuav teb tau lus nug txog
BadgerCare Plus.
Cov koom haum BadgerCare Plus muaj teev nyob hauv phau phone book hauv county los yog tribal human services department
hauv internet (lus As Kiv )
Hu 1-800-362-3002 los yog 711 (TTY) - Koj lub koom haum child support yuav teb tau lus nug txog child support.
Cov koom haum Child support muaj teev nyob hauv phau phone book hauv "county government" los yog tribal name thiab hauv internet. - Hais ntxiv txog BadgerCare Plus.
rov mus lawm saud
Rov mus rau: Kev Txiav Nyiaj Them Yug Me Nyuam thiab Cov Kev Pab Cuam
Rov mus rau: Lus Qhia rau Cov Niam Txiv
Qhia ntxiv txog nyiaj them yug me nyuam
- Kev pab cuam
- Leej Txiv Raws Txoj Cai
- Cov nqi tes
- Hais kom tau nyiaj them yug
- Them nyiaj yug
- Teev nqi them yug
- Hloov los yog tso kev them nyiaj yug tseg
- Cov Koom Haum Saib Xyuas Txog Phab Kev Txiav nyiaj Them Yug Me Nyuam
- Cov cai thiab lub luag hauj lwm
- Them cov nqi thaum yug tus me nyuam rov qab
- Cov nyiaj them yug uas dhau lawm
- Kev Txiav Nyiaj Them Yug Me Nyuam thiab Cov Kev Pab Cuam
- Kev qhia pab rau cov niam txiv
- Lub luag hauj lwm ntawm cov kev pab cuam
- Cov lus siv rau phab no
rov mus lawm saud
Rov mus rau: Kev Txiav Nyiaj Them Yug Me Nyuam thiab Cov Kev Pab Cuam
Rov mus rau: Lus Qhia rau Cov Niam Txiv
Lus Qhia rau Cov Niam Txiv (Hmoob)