Kev Qhia Them Cov Nqi Yug Me Nyuam Rov Qab

Kho Dua Tshiab Kaum 3 Hlis Ntuj 2011


BadgerCare Plus thiab cov nqi yug me nyuam

BadgerCare Plus pab ntawv kho mob rau txhua tus me nyuam thiab cov tsev neeg uas muaj feem tau kev pab. Thaum ib leej niam/txiv uas tsis muaj poj niam los tsis muaj txiv, niam txiv sib cais, thiab sib nrauj lawm thov txog BadgerCare Plus kev pab, yuav muab ib txhia niam txiv cov npe xa mus rau lub koom haum saib xyuas txog phab kev txiav nyiaj them yug me nyuam kom tau txais lawv cov kev pab thiab.

Yog leej niam thiab leej txiv tsis tau sib yuav thaum lub sij hawm leej niam ua ntawv thov BadgerCare Plus es leej niam lub npe raug xa mus rau lub koom haum saib xyuas txog phab kev txiav nyiaj them nyiaj yug me nyuam lawm, tej zaum lub tsev hais plaub yuav yuam kom leej txiv them cov nqi yug tus me nyuam rov qab. Cov nqi yug me nyuam muaj xws li cov nqi thaum tus me nyuam tseem xeeb nyob hauv plab es leej niam mus kuaj, nrog rau cov nqi thaum yug tus me nyuam. Yog tsev neeg twg cov npe tsis raug xa mus rau lub koom haum saib xyuas txog phab kev them nyiaj them yug me nyuam, leej txiv yuav tsis tau them cov nqi yug tus me nyuam rov qab rau BadgerCare Plus.

Yog muab tsev neeg twg lub npe mus rau lub koom hauv saib xyuas txog phab kev txiav nyiaj them yug me nyuam lawm, tej zaum leej txiv uas tsis tau ua ntawv sib yuav nrog tus niam yuav tsis raug them cov nqi ntawd rov qab yog hais tias:

  • Nkawv twb muaj ib tug me nyuam ua ntej lawm, thiab
  • Nkawv yeej hais qhia rau BadgerCare Plus paub hais tais leej txiv yeej nrog nyob hauv lub tsev ua ntej yug tus me nyuam (twb yeej muab leej txiv lub nyiaj hli los laij ua ke nrog tsev neeg cov nyiaj lawm thaum ua ntawv thov BadgerCare Plus).

Xav paub ntau ntxiv: BadgerCare Plus thiab Child Support (Kev Txiav Nyiaj Them Yug Me Nyuam)

[rov mus lawm saud]


Kev teev cov nqi yug me nyuam uas yuav them rov qab

Raws li tseem fwv cov cai, cov koom haum saib xyuas txog phab kev txiav nyiaj them yug me nyuam yuav hais kom lub tsev hais plaub teev tus nqi kom qis zog:

  1. Tsib feem pua (5%) ntawm leej txiv lub nyiaj hli mus li 36-lub hlis (3 xyoos).

  2. Nruab nrab ntawm cov nqi neeg feem coob them

    LOS YOG

    ib nrab ntawm cov nqi them mus txog rau tus nqi cov neeg feem coob them.

Leej txiv lub nyiaj hli yog nws cov nyiaj tau ua ntej txiav se tawm LOS YOG lub nyiaj hli nws "muaj peev xwm mus khwv tau los." Tej zaum lub tsev hais plaub kuj yuav xyuas txog leej txiv tej nyiaj txiag tas nrho. Cov yiaj ua ntej txiav se tawm nrog rau txhua yam nyiaj nws khwv tau los.

Xav paub ntau ntxiv: "nyiaj uas khwv tau los"

Leej txiv rab peev xwm khwv tau nyiaj yog xyuas los ntawm nws:

  • kev khwv tau yav tas
  • kev noj qab haus huv thiab nyob zoo
  • kev kawm ntawv, kawm hauj lwm, thiab kev ua hauj lwm lub sij hawm no
  • puas muaj hauj lwm qhib nyob cheeb tsam nws nyob
  • keeb kwm kev tu me nyuam thiab cov sij hawm me nyuam nrog nws nyob (Piv txwv tias, leej txiv yog tus tau cai saib xyuas thiab tu nws tus me nyuam uas nws yeem tsis mus ua hauj lwm sab nraud li.)

Tseem ceeb tsim nyog paub:
Raws li lub xeev txoj cai, tej zaum lub tsev hais plaub yuav siv lwm txoj kev los laij cov nqi yug me nyuam. Saib "Puas yuav muab kuv cov nyiaj ua se tau los coj mus them cov nqi yug me nyuam?"

[rov mus lawm saud]


Child support laij cov nqi yug me nyuam li cas

Piv Txwv 1 – raws li tus nqi nruab nrab ntawm cov nqi neeg feem coob them rau cov nqi yug me nyuam
  • Leej txiv lub nyiaj hli yog $1,500.
    Cov nyiaj tau hauv 36 lub hlis yog $54,000 ($1,500 x 36).
    5% ntawm leej txiv cov nyiaj tau hauv 36 lub hli los yog $2,700 ($54,000 x 0.05)

  • Ib nrab ntawm tus nqi neeg feem coob them yog $2,900

Lub koom haum saib xyuas txog phab kev txiav nyiaj them yug me nyuam yuav hais kom lub tsev hais plaub teev tus nqi yug me nyuam ua $2,700 (tus nqi qis tshaj).

Piv Txwv 2 – raws li cov nqi yug me nyuam
  • Leej txiv lub nyiaj hli yog $2,000.
    Cov nyiaj tau huav 36 lub hli los yog $72,000 ($2,000 x 36).
    5% ntawm leej txiv cov nyiaj tau hauv 36 lub hli los yog $3,600 ($72,000 x 0.05).

  • Ib nrab ntawm cov nqi yug me nyuam yog $4,000
  • Tus nqi nruab nrab ntawm cov nqi sawv daws them yog $3,500

Lub koom haum saib xyuas txog phab kev txiav nyiaj them yug me nyuam yuav hais kom lub tsev hais plaub teev tus nqi ntawd ua $3,500 (tus nqi qis tshaj).

[rov mus lawm saud]


Cov neeg raug them uas tau nyiaj tsawg tsawg

Yog lub tsev hais plaub siv cov txheej txheem hauv qhov Percentage Guidelines los teev tus nqi them yug me nyuam rau cov neeg uas raug them es tau nyiaj tsawg tsawg (Cov neeg them nyiaj yug me nyuam uas khwv tau nyiaj tshawg), lub koom haum saib xyuas txog phab kev txiav nyiaj them yug me nyuam yuav hais kom lub tsev hais plaub siv tus nqi qis dua 5% ntawm leej txiv lub nyiaj hli. 

Piv Txwv 3
  • Leej txiv lub nyiaj hli yog $775.
    Cov nyiaj tau los ntawm 36 lub hlis yog $27,900 ($775 x 36 hli).
    Tus txheej txheem rau cov neeg txom nyem uas tau nyiaj ($775/hlis) yog 3.53%.

Lub koom haum saib xyuas txog phab kev txiav nyiaj them yug me nyuam yuav hais kom lub tsev hais plaub teev cov nqi yug me nyuam ua $985 (0.0353 x $27,900).

Piv Txwv 4
  • Leej txiv lub nyiaj hli yog $1,000.
    Cov nyiaj tau los ntawm 36 lub hlis yog $36,000 ($1,000 x 36 hli).
    Tus txheej txheem rau cov neeg txom nyem uas tau nyiaj ($1,000/hlis) yog 4.11%.

Lub koom haum saib xyuas txog phab kev txiav nyiaj them yug me nyuam yuav hais kom lub tsev hais plaub teev cov nqi yug me nyuam rau thaj tsam $1,480 (0.0411 x $36,000).

[rov mus lawm saud]


Cov lus uas cov txiv nug txog

Puas yuav muab kuv cov nyiaj ua se tau los coj mus them cov nqi yug me nyuam?
Muab, yog hais tias lub tsev hais plaub teev cov nqi raws li koj cov nyiaj khwv tau los, los yog raws li koj muaj peev xwm mus khwv tau. Cov nyiaj ua se tau rov qab los yuav raug muab coj mus rau kev them yug me nyuam thiab lwm cov nqi xws li thaum yug tus me nyuam. Qhov nov hu ua kev cuam tshuam nyiaj ua se tau los, los yog "tax intercept." Saib Qhia Txog Cov Nqi Uas Dhau Lawm kom paub ntxiv txog kev cuam tshuam nyiaj ua se tau rov qab los.

Tseem fwv cov cai txwv tsis pub muab cov nyiaj ua se tau ntawm tseem fwv los mus them rau cov nqi thaum yug tus me nyuam yog hais tias lub tsev hais plaub teev tus nqi ntawd siab tshaj 5% ntawm koj lub nyiaj hli, los yog raws li koj yuav muaj peev xwm mus khwv tau. Nco ntsoov hais tias Wisconsin txoj cai pub rau lub tsev hais plaub siv lwm txoj kev los laij cov nqi uas thaum yug tus me nyuam. Koj yuav tshuav tus nqi uas lub tsev hais plaub teev rau koj them.

Ua li cas thiaj tsis kom leej niam nrog them cov nqi yug tus me nyuam?
Raws li tseem fwv txoj cai, cov niam txiv uas tau BadgerCare Plus yuav tsis raug them cov nqi mus cuag kws kho mob rau lawv tus kheej, los yog cov me nyuam uas nrog lawv nyob. Yog li ntawd lub koom haum saib xyuas txog phab kev txiav nyiaj them yug me nyuam thiaj yuav hais kom lub tsev hais plaub muab ib nrab, tsis yog tas nrho, ntawm tus nqi los yog tus nqi nruab nrab ntawm cov nqi thaum yug tus me nyuam los laij teev cov nqi uas yuav raug them rov qab.

Puas yog kuv yuav tsum them cov nqi yug me nyuam rov qab tsis pub dhau 36 lub hlis (3 xyoos)?
Tsis yog, tsis yog li txoj cai. Lub sij hawm 36-hli yog siv hauv kev teev cov nqi thaum yug tus me nyuam uas koj yuav tau them rov qab. Lub tsev hais plaub mam teev tus nqi yuav them txhua hli. Tus nqi nov yog hu ua "periodic payment," los yog maj mam them raws sij hawm teev kom them.

Yog kuv yuav leej niam ua ntej yug tus me nyuam, kuv puas yuav raug them cov nqi yug tus me nyuam rov qab?
Txawm hais tias koj thiab leej niam neb sib yuav ua ntej los yog tom qab yug tus me nyuam, tej zaum lub tsev hais plaub kuj yuav hais kom koj them cov nqi yug me nyuam rov qab. Txawm li cas los, ib txhia tsev hais plaub kuj tsis hais kom them cov nqi yug me nyuam rov qab yog hais tias leej niam thiab leej txiv ho sib yuav lawm.

Yog muab kuv cov nqi them yug me nyuam laij raws li kev sib pab tu me nyuam los yog siv cov txheej txheem laij raws tsev neeg, los yog siv qhov serial family formulas, puas muaj lwm txoj kev laij tus nqi yug tus me nyuam?
Tsis muaj. Tus txheej txheem yuav teev tus nqi kom qis dua tsuas yog siv los laij cov nqi rau cov neeg txom nyem uas raug yug me nyuam xwb.

Puas muaj paj yuav tsub rau cov nqi yug me nyuam mos uas tsis tau them?
Tsis muaj.

Ua yog leej niam daim ntawv kho mob los yog kuv daim ntawv kho mob twb them cov nqi yug me nyuam lawm ne?
Cov nqi yug me nyuam yuav muab txo raws li daim ntawv kho mob tau them lawm. Leej niam los yog leej txiv uas muaj ntawv kho mob yuav tsum muaj pov thawj hais tais daim ntawv kho mob yeej them ib co, los yog tas nrho cov nqi lawm. Yog daim ntawv kho mob tsis them cov nqi yug tus me nyuam, lub tsev hais plaub yuav txiav txim kom koj them cov nqi uas tseem tshuav ntawd.

Piv txwv tias: Cov nqi yug yog $1,500. Daim ntawv kho mob them $1,000. Lub tsev hais plaub yuav hais kom koj them qhov seem uas yog $500 ($1,500 - $1,000 = $500).

Thov nco ntsoov: Niam txiv yuav tsum nug mus rau qhov chaw muab daim ntawv kho mob seb lub caij zwm npe yog thaum twg thiaj paub ntxiv cov niam uas cev tsis tab seeb thiab cov me nyuam mos yug tshiab.

[rov mus lawm saud]


Xav paub ntxiv lod?

  • Kev pab cuam BadgerCare Plus yuav teb koj cov lus nug txog BadgerCare Plus.
    Hu 1-800-362-3002 (711 TTY)
  • Cov koom haum BadgerCare Plus kuj yuav teb tau cov lus nug txog BadgerCare Plus. Cov koom haum nov muaj teev nyob hauv koj phau ntawv teev xov tooj nyob hauv cov kev pab cuam hauv nroog los yog tribal human services thiab hauv internet.
  • Koj lub koom haum saib xyuas txog phab kev txiav nyiaj them yug me nyuam yuav teb tau cov lus nug txog ntawm kev them nyiaj yug me nyuam. Cov koom haum saib xyuas txog phab keb txiav nyiaj them yug me nyuam muaj teev nyob hauv koj phau ntawv teev xov tooj hauv "county government" los yog pab tribal lub npe thiab hauv internet.

[rov mus lawm saud]
Rov mus rau: Lus Qhia rau Cov Niam Txiv


Qhia ntxiv txog nyiaj them yug me nyuam

rov mus lawm saud
Rov mus rau ntawm: Xov Qhia Rau Cov Ua Niam Ua Txi


Updated October 25, 2011

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.