Kev Qhia Txog Koj Cov Nqi Them Yug Me Nyuam Uas Poob Qab Lawm
Kev tuav khoom tseem ceeb tseg hauv kev them nyiaj yug me nyuam (Child support liens)
Kev cai lij choj ntawm tseem fwv thiab lub xeev muab kev rau cov koom haum siab xyuas txog phab kev txiav nyiaj them yug me nyuam siv rau kev ua ntaub ntawv foob ("administrative enforcement"). Administrative enforcement tso cai rau lub koom haum saib xyuas txog phab kev txiav nyiaj them yug me nyuam ua cov hauj lwm no yam li tsis tas mus sib hais hauv tsev hais plaub. Nyob hauv Wisconsin, cov kev foob no yog nyob ntawm kev tuav khoom tseem ceeb tseg hauv kev them nyiaj yug me nyuam.
Qhov child support lien yog kev tuav ib qho khoom tseem ceeb (xws li daiv av los yog tsheb) mus txog rau thaum them tas cov nqi them yug me nyuam uas poob qab lawm tsis them ntawd. Muab tau cov kev tuav khoom tseem ceeb no los siv yam li tsis tas mus sib hais hauv tsev hais plaub. Yuav tsum muab cov kev tuav khoom tseem ceeb no them kom tas (txaus siab lawm) los yog tso tseg lawm mas tus nniam/txiv ntawd mam muab tau qhov khoom ntawd muag tau. Nyob rau ntau rooj plaub, kev tuav khoom tseem ceeb no yeej yuav tsum tshwm sim xwb thaum twg cov nyiaj them yug poob qab mus txog li ntawm $500 los yog ntau tshaj. Cov nqi them yug uas poob qab ntawm kev tuav khoom tseem ceeb tseg hauv kev them nyiaj yug me nyuam no yuav tsis hais txog cov nqi thaum yug tus me nyuam es tsis tau them, cov nqi tes, los yog cov paj.
Child Support Lien Docket (lus As Kiv) yog ib daim ntawv teev cov niam txiv uas muaj kev tuav khoom tseem ceeb no tseg hauv kev them nyiaj yug me nyuam nyob hauv cov npe teev hauv Wisconsin lub computer. Kev teev npe nov kuj muaj cov niam/txiv uas tshuav nqi cov npe thiab tus nqi uas lawv tshuav. Lub Department of Children and Families yuav ceev daim Child Support Lien Docket. Daim Lien Docket yog ib daim ntawv teev npe uas pub rau pej xeem sawv daws mus saib tau uas yog mus saib nyob rau ntawm cov chaw ua hauj lwm ceev ntaub ntawv.
Cov niam txiv yuav mus nrhiav li cas thiaj paub hais tias teev lawv npe rau
hauv daim Child Support Lien Docket?
Thaum tus niam/txiv twg muaj npe teev nyob rau ntawm qhov Child Support Lien
Docket, yuav xa ib tsab ntawv ceeb toom "Notice of Lien and Credit Bureau
Reporting" mus rau tus niam/txiv ntawd. Tsab ntawv ceeb toom yuav qhia rau
tus niam/txiv ntawd txog tus nqi ntawm kev tuav qhov khoom tseg thiab qhia hnub
muab nws lub npe teev. Tsab ntawv ceeb toom kuj yuav piav tus niam/txiv
ntawd cov cai thiab cov txheej txheem nws yuav mus tawm tsam tus nqi no.
Yuav muab tsab ntawv ceeb toom no xa mus rau tus niam/txiv ntawd qhov chaw nyob
uas teev nyob hauv cov ntaub ntawv hauv lub koom haum saib xyuas txog phab kev
txiav nyiaj them yug me nyuam. Cov niam txiv mus kho lawv cov chaw nyob
hauv online ntawm Child Support Online
Services (lus As Kiv ) los
yog hu mus rau lub koom haum
child support hauv lawv zos tau.
Yuav ua li cas thaum niam/txiv muaj npe teev rau ntawm daim Child Support
Lien Docket?
Thaum tus niam/txiv muaj npe teev nyob rau ntawm daim Child Support Lien
Docket:
- Yuav muaj tsab ntawv tuav tus niam/txiv ntawd vaj tse (lub tsev, daim av) thiab cov khoom muaj title (tsheb me, truck).
- Lub koom haum saib xyuas txog phab kev txiav nyiaj them yug me nyuam yuav muab daim ntawm tuav khoom tseg no xa mus rau cov credit bureaus. Qhov no yuav muaj kev cuam tshuam rau ntawm tus niam/txiv ntawd kev txais nyiaj los siv.
- Cov koom haum hauv lub xeev yuav tsis kam muab nyiaj pab thiab qiv rau tus niam/txiv ntawd. Cov nyiaj pab thiab qiv no muaj xws li nyiaj qis kawm ntawv thiab nyiaj pab them nqi kawm ntaqwv qib siab, nrog rau cov nyiaj yuav qiv hauv Wisconsin Housing and Economic Development Authority (WHEDA) los mus yuav tsev. Yog tus niam/txiv ntawd kam thiab them raws li cov sij hawm them, tej zaum tus niam/txiv ntawd yuav txais tau cov nyiaj pab thiab cov nyiaj qiv no. Saib kev npaj them nqi.
Tej zaum lub koom haum saib xyuas txog phab kev txiav nyiaj them yug me nyuam kuj yuav ua tej yam li nram no rau cov niam/txiv uas muaj npe teev hauv daim Lien Docket:
- Muab kev cuam tshuam ib teg nyiaj loj ntawm cov nyiaj laus uas them tawm, xws li cov nyiaj laus ntawm cov neeg ua hauj lwm rau lub xeev Wisconsin thiab lub zos Milwaukee thiab lub nroog Milwaukee County. (Yuav tsis muab kev cuam tshuam cov nyiaj uas nyob nyob mam xa tawm hauv cov nyiaj laus uas pej xeem tso.)
- Muab kev cuam tshuam cov nyiaj uas yog sib hais los yog sib foob tau los, xws li cov nyiaj sib foob los ntawm kev raug mob.
- Muab lais xees tshem los yog txwv tsis muab lais xees rau kev ua hauj lwm (professional, occupational) tsav tsheb,thiab ua si (yos hav zoov thiab nuv ntses) thaum cov nqi tuav khoom tseg los ntawm kev tsis them nyiaj yug me nyuam nce mus txog sib npaug los yog tshaj peb lub hlis them nyiaj yug lawm.
- Txeeb cov account hauv txhab rau nyiaj xws li checking, savings, IRAs, thiab cov mutual funds thaum tus nqi tuav khoom tseg siab sib npaug los yog ntau tshaj $1,000 los yog peb lubhlis ntawm cov nyiaj them yug, seb qhov twg ntau dua.
- Txeeb tej yam loj xws li av thiab cov khoom muaj title xws li tsheb thaum tus nqi tuav khoom tseg siab sib npaug los yog ntau tshaj rau lub hlis ntawm cov nyiaj them yug lawm.
Ua ntej tej no yuav tshwm sim, lub koom haum saib xyuas txog phab kev txiav nyiaj them yug me nyuam yuav xa ntawv ceeb toom mus rau tus niam/txiv ntawd ntawm qhov chaw nyob uas muaj teev hauv cov ntaub ntawv ntawm lub koom haum saib xyuas txog phab kev txiav nyiaj them yug me nyuam. Tsab ntawv ceeb toom yuav qhia rau tus niam/txiv ntawd txog nws txoj cai mus sib hais. Kev sib hais no tsuas yog xyuas seb tus nqi tshuav tsis them yug me nyuam puas tseeb xwb. Kev sib hais no yuav tsis hais txog kev sib foob li cas. Tsab ntawv ceeb toom no kuj yuav qhia rau tus niam/txiv ntawd txog tej yam yuav zam tau yog nws pom zoo thiab siv txoj kev npaj them. Cov niam txiv yuav tsum hu mus rau lub koom haum saib xyuas txog phab kev txiav nyiaj them yug me nyuam mus teev daim hom phiaj them nqi (saib kev npaj them nqi).
Rov mus rau Kev Qhia Txog Koj Cov Nqi Them Yug Me Nyuam Uas Poob Qab Lawm
Lus Qhia rau Cov Niam Txiv (Hmoob)