Poob Hauj thiab Them Nyiaj Yug Me Nyuam
Kaum Ib Hli Ntuj 2008
- Qhov Koj Yuav Tsum Paub
- Kev Pab Cuam Ntawm Poob Hauj Lwm
- Rov Saib Kev Txiav Txim Rau Koj Them Yug Me Nyuam
- Daim Payment Coupon
- Lus Qhia Ntxiv
- Ntaub ntawv (Yuav muab luam tawm ua ib phau me nyuam ntawv, siv Acrobat Reader (Lus Mis Kas), muab los rau hauv koj lub computer dawb xwb)
Qhov Koj Yuav Tsum Paub
- Raws li kev cai lij choj, koj yuav tsum hais qhia rau lub koom haum saib xyuas txog phab kev txiav nyiaj them yug me nyuam tsis pub dhau 10 hnub yog koj poob hauj, yog koj cov nyiaj txo los yog nce lawm, yog koj tau hauj lwm tshiab, los yog koj hloov hauj lwm. Qhov nov yuav tsis pauv koj tus nqi uas tsev hais plaub tau teev kom koj them.
- Koj yeej yuav tsum them nyiaj yug me nyuam tom qab koj poob hauj lwm. (Tsuas yog lub tsev hais plaub thiaj yuav hloov tau qhov kev txiav txim no xwb.)
- Yog koj poob hauj lwm ntev tshaj 6 mus rau 8 lub lis piam, koj mus hais kom lub tsev hais plaub rov muab koj tus nqi kho dua. Lawv yuav tsis cia li kho rau koj. (Saib Rov Saib Kev Txiav Txim Rau Koj Them Yug Me Nyuam hauv qab.)
- Yog yav tas los yeej txiav nyiaj tawm hauv koj daim tshev mus them yug me nyuam, ziag no los kuj yuav txiav nyiaj tawm ntawm koj daim tshev poob hauj lwm Kev Pab Cuam Ntawm Poob Hauj Lwm thiab. (Saib Kev Pab Cuam Ntawm Poob Hauj Lwm hauv qab.)
Kev Pab Cuam Ntawm Poob Hauj Lwm
Tej zaum koj lub caij nyoog them nyiaj yug me nyuam twb yuav dhau ua ntej koj mam txais koj thawj daig nyiaj poob hauj lwm. Nws yog koj lub luag hauj lwm nrhiav nyiaj them mus yug me nyuam. Muab daim coupon (ntaub ntawv) uas nrog daim ntawv no xa nrog qhov nyiaj ntawd ua ke mus.
Tej zaum koj tus nqi them yug yuav ntau dua qhov txiav tawm ntawm koj cov nyiaj poob hauj lwm. Koj muab daim coupon nov xa nrog cov nyiaj mus them qhov seem.
Lub xeev txoj cai pub txiav txog li ntawm 50% ntawm koj daim nyiaj poob hauj lwm mus rau kev them yug. Yog hais tias kev txiav nyiaj no poob mus rau kis nyiaj poob hauj lwm (them ntau tshaj lawm los yog raug nplua) uas txo koj cov nyiaj poob hauj lwm, 50 % ntawm qhov seem yuav muab txiav tawm. Piv txwv tias: koj cov nyiaj poob hauj lwm yog $300 hauv ib lub lis piam twg, tiam sis $50 yog txiav mus rau qhov tau them tshaj lawm. Qhov nyiaj poob hauj lwm uas seem yog $250 ($300 - $50). Mus txog li ntawm $125 (ib nrab ntawm qhov seem) yuav muab txiav mus rau kev them yug. Yog koj tshuav nqi $150 hauv ib lub lis piam twg mus rau kev them yug, tseem yog koj lub luag hauj lwm them qhov $25 uas seem ntawd.
Rov Saib Kev Txiav Txim Rau Koj Them Yug Me Nyuam
Thaum koj poob hauj lwm mus ib lub sij hawm ntev, koj hais tau kom lub tsev hais plaub rov muab kev txiav txim rau koj rov los xyuas dua seb paus pauv tau. (Tsuas yog lub tsev hais plaub thiaj hloo tau kev txiav txim.) Koj yuav mus hais raws li no:
- Sau ntawv mus rau lub koom haum saib xyuas txog phab kev txiav nyiaj them yug me nyuam kom rov muab los xyuas dua
yog hais tias lub koom haum ntawd yog qhov chaw tuav koj cov ntaub ntawv. Thaum thov mus txog lawd, cov koom haum saib xyuas txog phab kev txiav nyiaj them yug me nyuam yuav muab koj cov ntaub ntawv hauv tsev hais plaub los saib ib zaug twg hauv peb lub xyoos, los yog thaum twg muaj tej yam pauv
loj heev.
- "Koj mam ua koj" (pro se) ntawv thov lub tsev hais plaub kom tau kev rov muab los xyuas txog dua. Kev mus tshawb tsev hais plaub cov ntawv thov kom tsev hais plaub pub rov sib hais dua muaj nyob hauv
internet (Lus Mis Kas)
- Ntiav kws lij choj mus hais tsev hais plaub kom muab rov los xyuas dua.
Hais ntxiv txog - pauv kev raug them nyiaj yug me nyuam.
Daim Payment Coupon
Muab daim coupon (ntaub ntawv) uas nrog daim ntawv no xa nrog qhov nyiaj ntawd ua ke mus. Txiav daim Payment Coupon hauv qab raws txoj kab, teb cov lus kom tiav raws li yuav tsum teb, ces muab xa mus rau Wisconsin Support Collections Trust Fund ntawm:
Wisconsin Support Collections Trust Fund (WI SCTF)
Box 74200
Milwaukee, WI 53274-0200
Muab daim tshev los yog daim money order xa nrog daim coupon mus them cov nqi yug me nyuam uas dhau lawm los yog tus nqi uas Unemployment (nyiaj poob hauj lwm) tsis txiav tawm mus them. Koj kuj siv tau daim coupon no rau thaum koj tau hauj lwm tshiab, es yuav ncua sij hawm ntawm koj qhov chaw ua hauj lwm tshiab ua ntej lawv txiav nyiaj tawm.
Koj kuj mus luam daim coupon no tau hauv internet ntawm Child Support Online Services lub website (Lus Mis Kas) los yog siv cov coupon uas xa ua ke nrog koj daim statement tuaj txhua lub hlis (Cov Ntawv Teev Qhia Txhua Hli). Yog hais tias koj tsis tau koj cov statement txhua lub hlis, nug mus rau koj lub koom haum saib xyuas txog phab kev txiav nyiaj them yug me nyuam.
Yog koj muaj lus nug seb yuav siv cov coupon no li cas, thov hu rau Wisconsin Support Collections Trust Fund, Monday txog Friday, 8:00 a.m. – 5:00 p.m. (central time), ntawm:
(800) 991-5530 xov tooj hu dawb
(877) 209-5209 TDD
Lus Qhia Ntxiv
- Kev Qhia Txog Them Nyiaj Yug Me Nyuam
- Kev Pab Cuam Ntawm Poob Hauj Lwm
- Job Centers (Cov chaw nrhiav hauj lwm)
(888) 258-9966 (hu dawb)
www.wisconsinjobcenter.org/directory/map/mapdefault.htm - Cov nyiaj them yug uas dhau lawm
Rov mus rau: Lus Qhia rau Cov Niam Txiv
Lus Qhia rau Cov Niam Txiv (Hmoob)