Kev Yuam Txiav Nyiaj Them Yug Me Nyuam thiab Cov Nqi Them

Tus Txheej Txheem Qhia Txog Kev Teev Tus Nqi Them Yug Me Nyuam

Pab them rau kev kho mob

Ntxiv rau cov nyiaj them yug me nyuam, tsev hais plaub yuav tsum txiav hais tias yog ib tug niam txiv cov nyiaj khwv tau los ntau ntshaj 150% ntawm tseem fwv tus txheej txheem teev kev txom nyem yuav tau pab nrog them nqi kho mob. Cov raug them nyiaj yug me nyuam uas khwv tau nyiaj tsawg tshaj 150% ntawm tseem fwv tus txheej txheem teev kev txom nyem.

Ib leej niam txiv los yog ob leeg tib si kuj yuav raug muab cov me nyuam ntxiv rau daim ntawm kho mob tom chaw ua hauj lwm

  • yog hias tias tus nqi ntxiv cov me nyuam rau tus policy uas yeej muaj lawm (los yog tus nqi sib txawv ntawm tus nqi them rau ib leeg thiab them rau tsev neeg) uas yuav tsis ntau tshaj 5% ntawm tus niam txiv ntawd lub nyiaj hli
  • los yog lwm tus nqi lub tsev hais plaub tau teev.

Tus nqi them rau kev kho mob yog xyuas los ntawm niam txiv rab peev xwm them taus. Yog hais tias niam txiv raug them siab tshaj 5%, los yog chaw kho mob nyob deb dua 30 mais los yog 30 nas this kev ntawm qhov chaw tus me nyuam nyob, los yog daim ntawv kho mob tsis them rau tej yam kev kho, tsev hais plaub yuav yuam kom leej niam los leej txiv nrhiav lwm yam los them rau tej kev kho mob. Xws li, tsev hais plaub yuav yuam niam txiv kom:

  • Ua hli them rau cov kev kho mob uas daim ntawv kho mob tsis them rau
  • Pab nrog leej niam los yog leej them ib qho rau daim ntawv kho mob los yog BadgerCare Plus rau cov me nyuam

    • Yuav kom nrog them rau daim ntawv kho mob, tej zaum lub tsev hais plaub yuav tau kho tus nqi them nyiaj yug me nyuam. Tej zaum zaum tus nqi them nyiaj yug ntawd kuj yuav ntau dua los yog tsawg dua. (Qhov nyiaj them rau ntawv kho mob yuav tsis muab xa mus rau qhov chaw muab ntawv kho mob los yog kev pab cuam hauv BadgerCare Plus.)

Piv Txwv 1:

  • Nyob hauv Tus Txheej Txheem Feem Pua, Niam Txiv A them $500/hli nyiaj yug me nyuam
  • Niam Txiv A kuj raug them ntawv kho mob rau tus me nyuam thiab
  • Tiam sis, Niam Txiv B yog tus muaj ntawv kho mob uas raug tus nqi $100/hli
  • Lub tsev hais plaub kuj yuav kom tus Niam Txiv A them $100 ntxiv pab rau cov nqi kho mob:
    $500 + $100 = $600/hli

Piv Txwv 2:

  • Nyob hauv Tus Txheej Txheem Feem Pua, Niam Txiv A them $500/hli nyiaj yug me nyuam
  • Niam Txiv B raug them ntawv kho mob rau cov me nyuam
  • Tiam sis, Niam Txiv A yog tus muaj ntawv kho mob uas raug tus nqi $100/hli
  • Lub tsev hais plaub kuj yuav txo qhov nyiaj them yug me nyuam $100 los mus them rau qhov ntawv kho mob uas tus Niam Txiv A them:
    $500 - $100 = $400/hli

Piv Txwv 3:

  • Nyob hauv Tus Txheej Txheem Feem Pua, Niam Txiv A them $500/hli nyiaj yug me nyuam
  • Niam thiab txiv ob leeg raug them ntawv kho mob sib npaug zos rau cov me nyuam
  • Niam Txiv A yog tus muaj ntawv kho mob uas raug tus nqi $100/hli
  • Lub tsev hais plaub kuj yuav txo qhov nyiaj them yug me nyuam los mus them rau Niam Txiv B qhov nqi them rau daim ntawv kho mob uas Niam Txiv A them:
    $500 - $50 = $450/month

Cov nqi thaum yug tus me nyuam

Yog hais tias leej niam thiab leej txiv yeej tsis yog txij yog nkawm thaum leej niam ua ntawv thov BadgerCare Plus es leej niam raug xa mus rau tom qhov chaw ua hauj lwm saib xyuas txog phab kev txiav nyiaj them yug me nyuam, lub tsev hais plaub kuj yuav yuam kom leej txiv them cov nqi thaum yug tus me nyuam rov qab. Cov nqi thaum yug tus me nyuam muaj xws li cov nqi tshuaj ntsuam thaum tseem suab tus me nyuam hauv plab, nrog rau cov nqi thaum yug tus me nyuam. Yog xav paub ntau ntxiv, thov mus xyuas hauv Kev Qhia Txog Kev Them Cov Nqi Thaum Yug Tus Me Nyuam Rov Qab. Tus nqi yuav them rov qab yuav yog xyuas los ntawm leej txiv cov nyiaj khwv tau los thiab seb nws muaj peev xwm them tau npaum li cas.

Rov mus rau Tsev Hais Plaub Kev Txiav Txim Kom Them Nyiaj Yug Me Nyuam


Updated July 30, 2010

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.