Kev Qhia Koj Mus Rau Kev Pab Hauv W-2, Kev Pab Nyiaj Ntsuab, thiab Nyiaj Them Yug Me Nyuam
Kev Koom thiab Good Cause
Kev toom tes nrog rau lub koom haum saib xyuas txog phab kev txiav nyiaj them yug me nyuam
Kuv yuav muab kev koom tes li cas?
Koj yuav tau:
- Qhia rau lub koom haum saib xyuas txog phab kev txiav nyiaj them yug me nyuam txog tus/cov me nyuam txiv.
- Nco ntsoov mus cuag tus neeg ua hauj lwm rau koj ntawm lub koom haum saib xyuas txog phab kev txiav nyiaj them yug me nyuam.
- Mus koom rooj sib hais txog koj cov nyiaj them yug me nyuam.
- Hais qhia rau tus neeg ua hauj lwm rau koj ntawm W-2, Caretaker Supplement, los yog Kinship Care yog hais tias tus niam/txiv uas raug them nyiaj yug me nyuam them nyiaj ncaj qha tuaj rau koj.
- Nrog koj cov me nyuam mus rau cov sij hawm teem mus tshuaj ntsuam nrhiav leej txiv.
- Them nyiaj yug me nyuam raws li tsev hais plaub tau txiav txim los yog raws li tau teev nyob rau hauv txoj kev npaj them. Thov mus saib Kev Qhia Txog Koj Cov Nqi Them Yug Me Nyuam Uas Poob Qab Lawm.
- Koj thiab txhua tus neeg nyob hauv koj tsev neeg uas tau txais kev pab cuam ntawm W-2 yuav tsum muab kev koom tes nrog rau cov kev pab cuam hauv Child Support.
- Yog muaj ib tug hauv koj tsev neeg uas tau txais kev pab cuam ntawm W-2 es tsis kam koom tes, koj tsev neeg yuav tsis tau cov kev pab cuam ntawm W-2 lawm (nyiaj ntsuab, kev pab nrhiav hauj lwm, kev kawm ua hauj lwm, los yog, kev pab zov me nyuam).
- Koj yuav rov qab tau kev pab cuam hauv W-2 sai li sai tau yog hais tias koj los yog lwm tus hauv koj tsev neeg koom tes nrog rau lub koom haum saib xyuas txog phab kev txiav nyiaj them yug me nyuam. Thov hu rau lub koom haum saib xyuas txog phab kev txiav nyiaj them yug me nyuam kom paub seb koj yuav ua li cas. Yog hais tias ib tug neeg hauv koj tsev neeg raug txiav tawm peb (3) zaug, koj yuav tsis tau txais kev pab cuam ntawm W-2 txog rau lub sij hawm txhua tus neeg hauv koj tsev neeg muab kev koom tes, los yog mus rau ib lub sij hawm mus li rau (6) lub hlis, seb qhov twg yog qhov tom qab.
- Tus neeg ua ntawv thov kev pab cuam ntawm Kinship Care los yog SSI Caretaker yuav tsum muab kev koom tes nrog cov kev pab cuam hauv Child Support.
- Yog hais tias tus neeg ua ntawv thov kev pab cuam tsis muab koom tes, nws yuav tsis tau nyiaj ntsuab ntawm Kinship Care los yog SSI Caretaker Supplement txog thaum nws muab kev koom tes.
Thov Nco Ntsoov: Kev koom tes nrog W-2 (xws li mus koom kev kawm ua hauj lwm los yog mus ua hauj lwm) nws muaj nws. Thov nug koj lub koom haum W-2 txog kev koom tes rau cov kev pab cuam ntawm W-2.
Yuav ua li cas yog lawv hais tias kuv tsis koom tes, tab sis kuv ntseeg tau
tias kuv yeej koom tes?
Yog hais tias koj tsis pom zoo raws li Child Support
qhov kev txiav txim hais tias koj tsis koom tes, koj yeej hais tau kom lub koom
haum saib xyaus txog pab kev them nyiaj yug me nyuam muab rov muab los hais dua.
Lub koom haum saib xyuas txog phab kev txiav nyiaj them yug me nyuam yuav teem
caij nrog rau tus "fact finder" los mus xyuas txog qhov teeb meem no. Koj yeej
coj tau ib tug neeg sawv cev rau koj (tus phoom ywg, tus txheeb ze, kws lij choj,
thiab lwm tus neeg) tuaj rau lub rooj sib hais no. Yog hais tias koj mus koom
tsis tau lub rooj sib hais no, nug seb koj puas koom tau nyob rau hauv xov tooj.
Cov neeg ua hauj lwm nrhiav qhov tseeb (fact finder) yuav xa ntawv tuaj qhia
txog qhov lawv tshawb pom. Yog hais tias cov neeg ua hauj lwm nrhiav qhov tseeb
pom hais tias koj yeej tsis koom tes, yuav muaj ib daim ntawv xa tuaj qhia rau
koj seb koj yuav ua li cas thiaj yuav mus hais tau lawv txoj kev txiav txim
ntawm qhov lawv tshawb pom.
Good Cause
Yog hais tias kuv yeej muaj cai txaus es kuv thiaj tsis muab kev koom tes nrog rau phab kev txiav nyiaj them yug me nyuam ne? Yog koj ntseeg hais tias kev koom tes nrog rau lub koom haum saib xyuas txog phab kev txiav nyiaj them yug me nyuam yuav tsis zoo rau koj los yog koj cov me nyuam , nrog koj lub koom haum W-2, Caretaker Supplement, los yog tus ua hauj lwm rau Kinship Care tham, thiab ua daim ntawv Good Cause claim. Koom haum W-2, Caretaker Supplement, los yog Kinship Care yuav txiav txim seb qhov koj hais hauv daim ntawv Good Cause puas muaj tseeb.
Good Cause Yog Dab Tsi?
Muaj Good Cause tshwm sim thaum:
- Muab kev koom tes nrog rau lub koom haum saib xyuas txog phab kev txhiav nyiaj them yug me nyuam yuav muaj kev phem raug rau koj los yog koj tus me nyuam cev nqaij daim tawv los yog kev puas siab puas ntsws, los yog
- Koj tus me nyuam xeeb los ntawm ib tug neeg txheeb ze koj deev koj los yog raug quab yuam, los yog
- Ua ntaub ntawv hauv tsev hais plaub muab tus me nyuam mus rau lwm tus neeg coj mus tus lawm, los yog
- Koj tau txais kev pab cuam ntawm ib lub koom haum mus li peb (3) lub hlis los yog tsawg dua txog ntawm kev txiav txim seb koj txoj cai ua niam ua txiv puas yuav tu.
Koj yuav tau muab ntaub ntawv pov thawj los txhawb rau koj qhov Good Cause claim. Yog hais tias koj muab tsis tau pov thawj, koj lub koom haum W-2, Caretaker Supplement, los yog tus ua hauj lwm hauv Kinship Care yuav pab tau koj.
Lub koom haum W-2, Caretaker Supplement, los yog Kinship Care yuav xyuas koj cov pov thawj, thiab txiav txim seb koj yuav koom tes nrog rau lub koom haum saib xyuas txog phab kev txiav nyiaj them yug me nyuam los tsis koom.
Yuav ua li cas yog kuv tsis pom zoo rau lawv txoj kev txiav txim rau kuv qhov
Good Cause?
Yog koj tsis pom zoo rau qhov kev txiav tim zaum kawg txog ntawm qhov Good
Cause, koj yeej hais tau kom koj lub koom haum W-2, Caretaker Supplement, los
yog Kinship Care nrhiav neeg tuaj tshawb qhov tseeb.
Cov neeg ua hauj lwm nrhiav qhov tseeb txog Good Cause yuav xa ib tsab ntawv ceeb toom txog cov lawv tshawb pom. Yog cov neeg ua hauj lwm nrhiav qhov tseeb pom hais tias koj tsis muaj Good Cause, tsab ntawv ceeb toom yuav qhia koj seb mus hais kom muab qhov kev txiav txim rov los hais dua li cas.
Kuv txhawj tsam muaj tej yam tshwm sim yog tus niam txiv tod paub kuv nyob qhov
twg. Kuv yuav ua li cas?
Yog hais tias muab koj qhov chaw nyob, xov tooj, chaw ua hauj lwm, los yog lwm
qhov chaw nyob tso tawm yuav ua rau kom muaj teeb meem rau koj los yog koj cov
me nyuam, hais kom tus neeg ua hauj lwm hauv lub koom haum saib xyuas txog phab
kev txiav nyiaj them yug me nyuam tsis txhob muab tso tawm.
Rov qab mus
Kev Qhia Koj Mus Rau Kev Pab Hauv W-2, Kev Pab Nyiaj Ntsuab, thiab Nyiaj Them Yug Me Nyuam
Lus Qhia rau Cov Niam Txiv (Hmoob)