Cov lus nug txog daim Debit Card

Kho Dua Tshiab 10 Hlis Ntuj

Mus saib cov lus tseem ceeb hais txog cov neeg siv Debit Card.

Daim Wisconsin Support Collections debit card yog dab tsis?

rov mus lawm saud

Yuav ua li cas kuv thiaj tau daim Visa debit card?

rov mus lawm saud

Yuav siv daim debit card li cas?

rov mus lawm saud

Kuv puas yuav tau them ib tug nqi tes los siv kuv daim debit card?

rov mus lawm saud

Yog koj muaj lus nug ntxiv - card tus account

rov mus lawm saud

Lwm Cov Lus Nug - Visa Debit Card

rov mus lawm saud

Daim Wisconsin Support Collections debit card yog dab tsis?
Qhov no yog ib daim Visa debit card rau tag nrho cov nyiaj pab them yug me nyuam uas koj tau. Chase Bank mam xa cov Visa debit card tuaj. Wisconsin Child Support Program ua hauj lwm nrog rau Chase los muab txoj kev pab no rau txhua tus neeg uas tau txais cov nyiaj them no (nyiaj them yug me nyuam, nyiaj them rau tsev neeg thiab nyiaj them rau tus poj niam/txiv).

Thaum Wisconsin Support Collections Trust Fund txais tau cov nyiaj them tuaj rau koj lawm, lawv yuav muab coj mus tso cia rau hauv koj daim debit card tus account ces tsis xa ua tshev tuaj rau koj lawm.

Rov mus rau cov lus nug

Nws puas yog ib daim credit card?
Tsis yog, nws zoo ib yam li daim bank card los yog daim check card. Koj siv tau mus yuav khoom tom khw. Tab sis koj tsuas siv tau npaum li tau tso rau hauv koj daim card tus account xwb. Xws li, yog hais tias koj muaj $75 nyob rau hauv koj daim card tus account, koj tsuas yuav tau cov khoom raug tus nqi $75 xwb.

Rov mus rau cov lus nug

Yuav siv daim debit card li cas?

Yuav ua li cas kuv thiaj tau daim Visa debit card?
Yog hais tias koj tsis siv qhov tsov nyiaj ncaj qha (direct deposit (lus Hmoob), koj yuav tau daim Visa debit card thaum lub Trust Fund tau txais thiab lis koj cov ntaub ntawv txog koj cov nyiaj them yug tuaj. Koj tsis tas yuav ua cov ntaub ntawv thov rau daim debit card. Thov saib "Thaum twg kuv mam tau kuv daim Visa debit card?".

Yog hais tias ziag no koj sis qhov tso nyiaj ncaj qha, tiam siv xav pauv mus rau daim debit card saib "Kuv xav pauv los mus rau daim debit card."

Rov mus rau cov lus nug

Kuv cov credit tsis zoo. Yuav ua li cas yog hais tias lawv twb tsis kam muab daim credit los yog debit card rau kuv yav dhau los?
Yog koj tau txais cov nyiaj them yug no koj yuav tau ib daim Visa debit card. Yuav tsis muaj kev cuam tshuam ntawm koj cov credit los.

Rov mus rau cov lus nug

Kuv puas yuav thov tau ib daim card rau lwm tus hauv kuv tsev neeg?
Peb tsis xav kom muaj ntau dua ib daim card rau ib tug account twg. Tiam sis, nyob rau ntawm tej tug no nws kuj tau ib daim card ntxiv rau tus txheeb ze hauv tsev los yog tus zov thiab tus tu nws. Thov hu mus nug rau Chase ntawm tus xov tooj (1-866-817-0761) txog daim card thib ob. Thaum koj txais tau daim card thib ob lawm, koj yuav tau muab daim card thib ob ntawd qhib kom siv tau.

Rov mus rau cov lus nug

Kuv muaj ntau rooj plaub nyob rau ntau lub nroog. Puas yuav xa tau cov nyiaj ntawm ib rooj plaub tuaj mus rau hauv daim debit card ces cov nyiaj ntawm lwm rooj plaub mam them ncaj qha tuaj mus rau qhov direct deposit?
Tsis tau, tag nrho koj cov nyiaj them tuaj yuav tsum tso mus rau hauv daim debit card tshwj yog koj tau ua ntawv kom xa nyiaj mus rau qhov direct deposit.

Rov mus rau cov lus nug

Thaum twg kuv mam tau kuv daim Visa debit card?
Koj yuav tau ib daim card tom qab muaj nyiaj them tuaj rau koj. Yog hais tias tsis muaj nyiaj them tuaj, koj yuav tsis tau ib daig card.

Tom qab lub Trust Fund tau txais koj qhov nyiaj them yug me nyuam rau tom ntej lawm, koj yuav tau txais ib tsab ntawv li 2 rau 3 hnub cov hnub ua hauj lwm. Tsab ntawv ntawd yuav qhia koj hais tias koj daim card yuav tuaj. Koj yuav txais koj daim card 4 mus rau 6 hnub ua hauj lwm tom qab koj txais tsab ntawv no.

Koj yuav qhib siv koj daim card no sai li sai tau thaum koj txais tau lawm. Thaum koj qhib koj daim card lawm, koj siv tau lawm. (Yuav muaj ntawv qhia txog koj yuav qhib siv koj daim card li cas nrog koj daim card tuaj ua ke.)

Tom qab koj tau txais koj daim card lawm, cov nyiaj yug them tuaj tom ntej yuav muab los tso rau hauv koj tus account 2 hnub ua hauj lwm tom qab lub Trust Fund txais tau cov nyiaj them yug lawm. Saib " Yuav siv sij hawm ntev li cas cov nyiaj them thiaj yuav tuaj txog rau hauv kuv daim debit card?".

Rov mus rau cov lus nug

Kuv tau txais ib tsab ntawv hais tias kuv daim card yuav tuaj. Kuv yeej tsis tau txais daim card li. Kuv yuav ua li cas?
Tsab ntawv thiab daim card yog muab xa mus rau qhov chaw nyob uas lub koom haum saib xyuas txog phab kev txiav nyiaj yug me nyuam muaj nyob hauv lawv cov ntaub ntawv. Qhov chaw xa ntawv yuav muab tsab ntawv xa mus rau qhov chaw nyob tshiab. Cov debit card yuav tsis muab mus rau qhov chaw nyob tshiab. Koj yuav tsum hu Chase tus xov tooj hu dawb (1-866-817-0761), thiab hais kom lawv muab dua ib daim card rau koj. Pauv koj qhov chaw nyob nrog Chase kuj yuav pauv koj qhov chaw nyob muaj nyob rau tom lub koom haum saib xyuas txog phab kev txiav nyiaj yug me nyuam.

Rov mus rau cov lus nug

Kuv nyob tawm teb chaws As Mes Li Kas sab nraud. Kuv puas yuav muaj feem tau ib daim debit card?
Yog hais tias koj nyob rau teb chaws As Mes Li Kas cov av (xws li Puerto Rico, Guam, los yog cov Virgin Islands) los yog Canada, koj yuav tau ib daim debit card yog hais tias koj tsis siv qhov tso nyiaj ncaj qha. LOS SIS Yog hais tias ziag no koj siv qhov tso nyiaj ncaj qha lawm, koj xav hloov mus rau daim debit card. Saib "Kuv xav pauv los mus rau daim debit card."

Chase tus xov tooj pab cuam cov neeg (1-866-817-0761), yuav siv tsis tau tawm teb chaws yog hais tias koj nyob txawv lwm qhov lawm. Koj yuav qhib siv tsis tau koj daim card los siv.

Yog hais tias koj nyob rau Puerto Rico, Guam, cov Virgin Islands, los yog Canada, koj yuav siv tau JP Morgan tus xov tooj hu dawb los qhib koj daim card siv. Cov xov tooj uas yog hu hauv teb chaws As Mes Li Kas cov av thiab Canada siv cov xov tooj hu kev deb hauv teb chaws tau, tsis yog xov tooj kev deb lawm teb chaws.

Thaum koj txais tau lawm thiab qhib tau koj daim debit card lawm, koj siv tau koj daim card nyob rau lwm lub teb chaws tau – qhov twg los tau tsuas yog lawv txais Visa.

Rov mus rau cov lus nug

Kuv siv direct deposit. Kuv xav pauv los mus rau daim debit card. Kuv yuav ua li cas?
Yuav txiav tsis siv qhov tso nyiaj ncaj qha thiab xav tau daim debit card, hu mus rau lub Trust Fund, cov hnub ua hauj lwm, 8:00 sawv ntxov - 5:00 tav su (CST) ntawm:

1-800-991-5530 (Ib Cheeb Tsam Tawm Milwaukee Sab Nraud)
1-877-209-5209 (TDD)

Thaum tau txais koj cov nyiaj them yug tom ntej lawm, yuav xa ib daig debit card tuaj rau koj. Cov nyiaj yuav them tuaj tom ntej no mus yuav mus rau hauv koj daim debit card tus account. Saib "Thaum twg kuv mam tau kuv daim Visa debit card?" kom paub cov sij hawm.

Rov mus rau cov lus nug

Yuav siv daim debit card li cas?

Kuv yuav ua li cas thiaj yuav pib siv tau kuv daim debit card?
Tom qab txais tau kom daim card lawm, koj yuav tau hu mus rau Chase Bank (ntawm lawv tus xov tooj hu dawb 866-817-0761 mus xaiv koj tus PIN nab npawb thiab mus qhib koj daim card kom ua hauj lwm. Txawm hais tias lub Trust Fund tso tau nyiaj mus rau hauv koj daim card tus account lawm los koj yuav siv tsis tau koj daim card mus txog rau thaum koj hu mus qhib kom nws ua hauj lawm. Qhov nov yog pab tiv thaiv rau koj yog hais tias koj cov ntaub ntawv ploj lawm los yog muaj neeg nyiag.

Koj yuav txais cov ntaub ntawv qhia koj qhib koj daim card kom ua hauj lwm. Tus xov tooj hu mus qhib kom koj daim card ua hauj lwm muaj nyob rau koj daim card sab nraud.

Rov mus rau cov lus nug

Yuav siv daim debit card li cas?
Thaum cov nyiaj them yug me nyuam tuaj txog lawm, cov nyiaj ntawd muab tso mus rau hauv koj tus account. Koj yuav siv tau koj daim debit card ntawd rau ntawm tej chaw uas kam txais cov Visa debit card. Cov chaw nov ces xws li khw muag khoom noj, chaw txhab roj, thiab khw noj mov. Koj yuav siv tau koj daim debit card yuav khoom hauv xov tooj thiab hauv Internet.

Siv koj daim debit card mus rho nyiaj ntsuab ntawm cov ATMs. Ib txhia khw kuj kam ntxiv nyiaj rov qab thaum koj yuav khoom. Cov nyiaj koj siv yuav khoom thiab ntxiv rov qab yuav muab txiav tawm hauv koj tus account.

Rov mus rau cov lus nug

Kuv puas yuav tsum muaj ib tug PIN (Personal Identification Number) nab npawb thiaj siv tau kuv daim debit card?
Koj tsis tas muaj tus PIN nab npawb thiaj yuav tau khoom yog hais tias lub khw yuav kom koj kos npe rau daim nqi yuav khoom (receipt). Ib txhia khw yuav kom koj yuav tsum muaj tus PIN nab npawb ces tsis yuav kom koj kos npe. Koj yuav tau muaj tus PIN nab npawb thiaj mus rho tau nyiaj tom cov ATM. Koj yuav tau hu mus rau JP Morgan mus xaiv koj tus PIN nab npawb tom qab koj tau txais koj daim card lawm.

Koj yuav txais cov txheej txheem qhia koj siv daim card nrog rau koj daim card.

Rov mus rau cov lus nug

Puas yuav siv tau nyiaj tshaj uas muaj nyob hauv daim debit card no?
Yav tas los mas koj tsuas siv tau txij li koj muaj nyiaj nyob hauv koj tus account xwb. Yog hais tias koj them khoom tshaj los yog rho nyiaj ntau dua qhov koj muaj nyiaj txaus nyob hauv koj tus account, koj yuav siv tsis tau. (Saib cov lus qhia txog cov nqi tes yuav raug them yog siv tsis tau.) Yog hais tias cov khoom yuav raug nqi ntau dua muaj nyiaj txaus them es ho siv tau daim card them rau lawm, qhov nyiaj uas siv tshaj ntawd yuav muab txiav tawm ntawv cov nyiaj them yug me nyuam uas yuav lav rau tom ntej.

Yuav kom tsis txhob rho nyiaj ntaus tshaj qhov muaj lawm,

  • Xyuas seb koj muaj nyiaj li cas thiab siv tus account pes tsawg zaus lawm ua ntej koj siv daim card

    • Hu tus xov tooj ntawm koj daim card sab nraud (1-866- 817-0761) uas yog hu dawb 24 teev txhua hnub
    • Mus saib dawb ntawm lub Chase ATM (lus As Kiv) thaum twg los tau kom paub hais tias tshuav nyiaj npaum li cas.
  • Tsis txhob siv koj card them ntawm lub taub txhab roj. Mus them hauv lub tsev ntawm lub chaw txhab roj. Ib cov chaw txhab roj yuav tuav (mus txog li $75) ntawm koj cov nyiaj thaum twg koj siv daim debit card txhab roj.

Yog hais tias koj txhob txwm siv tshaj cov nyiaj koj muaj nyob hauv koj tus account lawm, Chase yuav hu tuaj rau koj los yog muab koj tus account kaw.

Rov mus rau cov lus nug

Kuv puas yuav siv tau kuv daim debit card nrog rau nyiaj ntsuab them tej yam uas yauv ntau dua qhov kuv muaj nyob hauv kuv tsu account lawm?
Nws zoo tib yam li cov gift cards, koj daim debit card yuav tsis ua hauj lwm yog hais tias cov khoom koj yuav raug tus nqi ntau dua qhov koj muaj nyob ntawm daim card. Yog koj paub tias tshuav nyiaj npaum li cas, koj hais kom tus ntaus nyiaj muab faib ua ob qho them los yog “split-pay” – koj yuav tau hais qhia rau tus ntaus nyiaj seb yuav muab pes tsawg rau daim debit card them, ces koj mam muab nyiaj ntsuab los yog sau tshev them qhov seem. Piv txwv hais tias, koj paub tias koj daim card tshuav $20. Koj cov khoom noj raug $25. Tej zaum lub khw yuav kam rau kom siv qhov $20 hauv koj daim card nrog rau koj daim $5 nyiaj ntsuab pab them.

Thov nco ntsoov: Nyob rau tau lub khw, tus neeg ntaus nyiaj yuav mus saib tsis tau seb koj tshuav nyiaj npaum li cas hauv koj daim card. Koj daim card tsuas yuav qhia tau hais tias siv tau los tsis tau xwb. (Saib cov lus qhia txog cov nqi tes yuav raug them yog siv tsis tau.)

Rov mus rau cov lus nug

Kuv nyuam qhuav txais tau kuv daim Visa debit card. Tiam sis kuv yuav tau sau tshev los yog yuav money order them nqi tsev. Kuv tus tswv tsev tsis kam txais Visa. Kuv yuav ua li cas?

Koj siv tau koj daim debit card mus rho nyiaj ntsuab hauv cov txhab tso nyiaj los yog ntawm lub ATM. (Mus saib txog ATM cov nqi tes thiab txhab tso nyiaj cov nqi tes.) Tej lub khw yuav kam ntxiv nyiaj rov qab yog hais tias koj yuav khoom es siv koj daim Visa Debit card. Tas ces koj mam muab qhov nyiaj ntsuab mus yuav daim money order los yog daim bank check.Yog hais tias koj sau koj tshev them nqi, tej zaum koj kuj hais kom xa koj cov nyiaj them yug tuaj ncaj qha rau tom koj tus checking account.

Koj kuj mus yuav tau daim money order ntawm lub tsev xa ntawv uas nyob ib cheeb tsam ntawm koj nyob post office (lus As Kiv).

Chase kuj xa tau tshev tuaj rau koj them nqi tsev thiab lwm yam nuj nqis uas yog rho koj cov nyiaj hauv koj tus debit card account. Lawv tus nqi tes rau qhov no yog $12.50. Daim tshev no yuav sau tuaj rau koj npe. Koj mam kos npe thiab mua sau them tauj rau koj tus tswv tsev (uas yog tus neeg thib peb lawm). Koj yuav tau nug koj tus tswv tsev seb nws puas kam txais daim tshev uas sau them rau lwm tus es mam ho muab sau tauj los them nws.

Kom tau kev piv cov nqi tes ntawm cov kev hais los no, nias ntawm no. Nws yog nyob ntawm koj seb koj xav hais tias qhov twg zoo dua rau koj.

Rov mus rau cov lus nug

Kuv puas yuav tau them ib tug nqi tes los siv kuv daim debit card?

Qhov Ua Tus nqi
Siv koj daim debit card yuav khoom tom khw los yog hauv internet Tsis muaj nqi tes
Mus rho nyiaj ntsuab ntau tshaj ib zaug hauv ib lub hlis tom cov txhab tso nyiaj Tsis muaj nqi tes rau thawj zaug rho hauv ib lub hlis twg.
Txhua zaus tom qab ntawd yuav muaj tus qni tes $5.00 nyob hauv lub hlis ntawd.
Ntxiv rau lwm tus nqi tes ua lub txhab tso nyiaj kom them.
Mus rho nyiaj ntsuab ntawm cov Chase ATM (lus As Kiv) los yog AllPoint ATM (lus As Kiv). Tsis muaj nqi tes
Mus rho cov nyiaj them tuaj yug me nyuam ntawm lwm lub ATM ntau dua ib zaug hauv ib lub hlis twg $1.50
Ntxiv rau lwm yam nqi tes uas tus tswv ntawm lub ATM yuav kom them
Siv lub Chase ATM (lus As Kiv) mus saib seb tshuav nyiaj li cas. Tsis Muaj Nqi Tes
Siv lwm lub ATM mus saib seb koj tshuav nyiaj npaum li cas $0.50
Ntxiv rau lwm yam nqi tes uas tus tswv ntawm lub ATM yuav kom them
Siv daim card uas tsis muaj nyiaj txaus mus txog li peb zaug los yog ntau tshaj hauv ib lub hlis twg Tsis muaj nqi rau thawj 2 zaug uas rho tsis tau nyiaj hauv ib lub hlis twg.
$1.00 nqi tes rau txhua zaus twg uas rho tsis tau hauv lub hlis ntawd
Hais kom muab ntawv teev koj cov nyiaj xa tuaj qhia koj $0.75 ib lub hlis twg
Xa dua daim card tshiab tuaj vim ua poob lawm ntau tshaj ib zaug $5.00
Xa ua tshev tuaj $12.50
Tus nqi tes uas tsis siv txog tus account li** $ 1.50 hauv ib lub hlis twg

** Yuav muaj ib tug nqi tes rau tus debit card account yog hais tias tsis siv tus account ntawd mus txog li ntawm 360 hnub lawm. Qhov txhais hais tias tsis siv lawm yog xws li tsis tso nyiaj rau, tsis hro nyiaj, thiab tsis siv yuav khoom mus ib lub sij hawm li 360 hnub.

Koj yuav zam dhau tej kev pauv no yog hais tias koj!

Rov mus rau cov lus nug

Yog koj muaj lus nug ntxiv - card tus account

Yuav siv sij hawm ntev li cas cov nyiaj them thiaj yuav tuaj txog rau hauv kuv daim debit card?
Nws yuav siv thaj tsam li ob hnub rau cov nyiaj tuaj txog koj tus account tom qab lub Trust Fund txais tau koj cov nyiaj lawm.

Thov ceeb toom: Cov nyiaj them tuaj yuav tsis tau tso rau hauv daim card tus account nyob rau cov hnub cim (holidays) los yog vas xaum vas thiv.

Rov mus rau cov lus nug

Ua li cas kuv thiaj paub hais tias muaj pes tsawg nyob hauv kuv tus debit card account?
Nws muaj 3 txoj kev rau koj yuav mus saib seb koj tshuav nyiaj npaum li cas (saib dawb):

  1. Mus saib koj tus account hauv internet ntawm www.myaccount.chase.com (lus As Kiv)
  2. Hu mus rau Chase ntawm tus xov tooj hu dawb 1-866-817-0761. (Tus xov tooj no yog tus nyob sab nraum koj daim card sab nraud.)
  3. Mus saib seb koj tshuav nyiaj li cas ntawm lub Chase ATM (lus As Kiv) uas tsis raug them nqi tes.

Thov tsis txhob rawm hu tus xov tooj no mus txog rau thaum koj txais tau koj daim card lawm. Chase yuav teb tsis tau koj cov lus nug mus txog rau thaum koj txais tau koj daim card lawm. Koj yuav zwm npe tsis tau mus siv www.myaccount.chase.com (lus As Kiv) mus txog rau thaum koj twb qhib koj daim card kom ua hauj lwm lawm thiab xaiv ib tus PIN nab npawb.

Rov mus rau cov lus nug

Kuv puas yuav ntxiv tau nyiaj rau hauv kuv daim card tus account?
Tsis tau, tsuas yog cov nyiaj them tuaj xwb thiaj tso tau rau hauv koj daim card tus account.

Rov mus rau cov lus nug

Yuav ua li cas yog hais tias kuv tsis tau cov nyiaj them ntxiv lawm?
Koj yeej tseem siv tau koj daim card mus siv cov nyiaj uas tseem tshuav nyob hauv koj daim card tus account.

Rov mus rau cov lus nug

Ua lub koom haum saib xyuas txog phab kev txiav nyiaj yug me nyuam puas mus saib tau kuv daim card tus account?
Tsis tau. Cov koom haum saib xyuas txog phab kev txiav nyiaj yug me nyuam tsuas paub tau hais tias cov nyiaj them tuaj rau koj rooj plaub yog li cas xwb (raws li lawv paub lawm). Lawv yuav tshawb xyuas tsis tau txog koj kev siv nyiaj los yog seb tshuav li cas hauv daim debit card.

Rov mus rau cov lus nug

Muaj qhia dab tsi thiab muaj dab tsi nyob hauv www.myaccount.chase.com?
Tsam no koj mus saib tau qhov qhia siv hauv www.myaccount.chase.com. Nias ntawm no mus saib (lus As Kiv), ces nias ntawm tus xub (>>) saum toj cov phab kom pom txhuas yam.

Rov mus rau cov lus nug

Yuav ua li cas kuv thiaj paub hais tias tau txais nyiaj them yug tuaj lawm?
Koj yuav hu tau mus nug ntawm KIDS Information Line txog koj cov nyiaj them tuaj yog hais tias lub Trust Fund twb txais tau thiab muab lis tas lawm ntawm cov xov tooj:

1-800-991-5530 (Tawm Cheeb Tsam Milwaukee Sab Nraud)
1-877-209-5209 (TDD)

Thaum koj tau koj daim card lawm, koj mus saib tau seb thaum twg koj cov nyiaj them tuaj twb muab mus tso rau hauv koj daim card tus account lawm (thaj tsam li 2 hnub ua hauj lwm tom qab lub Trust Fund lis koj cov nyiaj them yug tuaj):

  • Saib hauv internet ntawm www.myaccount.chase.com(lus As Kiv)
  • Hu xov tooj mus nug ntawm 1-866-817-0761. (Tus xov tooj no muaj nyob rau hauv daim card sab nraum qab.)

Rov mus rau cov lus nug

Kuv tseem tshuav nqi them rau Chase nyob rau lwm tus account. Lawv puas yuav nrho tau nyiaj ntawm kuv tus debit card account?
Tsis tau.

Rov mus rau cov lus nug

Lwm Cov Lus Nug - Visa Debit Card

Kuv yuav hu leeg twg yog kuv muaj lus nug txog kuv daim debit card?
Koj hu tau mus rau Chase ntawm 866-817-0761 (hu dawb), 24 teev/hnub. Tus xov tooj no yuav muaj nyob rau koj daim card sab nraud.

Thov tsis txhob hu tus xov tooj no ua ntej koj tau koj daim card. Chase yuav teb tsis tau koj cov lus nug txog koj daim debit card mus txog rau thaum koj twb tau txais koj daim card lawm.

Rov mus rau cov lus nug

Yuav ua li cas yog kuv daim card poob lawm los yog muaj neeg nyiag lawm?
Koj yuav tau hu mus rau Chase ntawm lawv tus xov tooj hu dawb (1-866-817-0761) mus hais qhia hais tias daim card poob lawm los yog muaj neeg nyiag lawm nyob hauv 60 hnub. Lawv mam xa dua daim tshiab tuaj rau koj.

Koj yuav tsis raug them rau tej xwm txheej kev tub sab thiab tej khoom uas tau yuav uas tshwm sim nyob rau ntawm koj daim card yog hais tias koj ceeb toom hais tias koj daim card xiam lawm nyob hauv 60 hnub, thiab yog hais tias koj tsis tau muab koj daim card rau lwm tus siv los yog qhia tus PIN nab npawb rau lwm tus nrog koj paub.

Cov debit card account uas muab siv dag yuav raug muab kaw kiag mus li. Qhov no tsuas tshwm sim tom qab Chase tau sab laj nrog lub Bureau of Child Support.

Koj yuav tsis muaj feem xyuam rau ntawm tej kev dag/yuav khoom uas yog siv koj daim card yog hais tias koj ceeb toom sai mus qhia hais tias koj daim card ploj lawm, thiab yog hais tias koj tsis tau pub lwm tus nrog koj siv koj daim card los yog tus PIN nab npawb li.

Rov mus rau cov lus nug

Lwm tus neeg puas yuav siv tau kuv daim card yog hais tias kuv kam?
Koj yuav tsum tsis txob pub lwm tus neeg siv koj daim card li. Koj yuav tsum tsis txhob qhia koj tus PIN nab npawb rau leej twg kiag li. Yog hais tias koj ua li no, tej zaum koj yuav tsis muaj kev tiv thaiv rau koj daim card yog hais tias nws ploj los yog muaj neeg nyiag lawm. Saib "Yuav ua li cas yog kuv daim card poob lawm los yog muaj neeg nyiag lawm?".

Rov mus rau cov lus nug

Kuv yuav zwm npe li cas thiaj tau qhov tso nyiaj ncaj qha tom qab kuv tau kuv daim debit card?
Yog hais tias koj xav pauv mus rau qhov tso nyiaj ncaj qha, koj yuav tau ua daim ntawv Direct Deposit (lus Hmoob) thiab muab xa mus rau qhov chaw nyob uas teev nyob rau ntawm daim ntawv. Cov nyiaj them tuaj tom ntej yuav muab tso mus rau hauv koj tus account hauv txhab cia nyiaj. Cov nyiaj seem hauv koj tus debit card account yuav tsis muab tshem mus tso rau hauv koj tus account hauv lub txhab cia nyiaj. Muab koj daim card los siv tej nyiaj seem nyob hauv koj daim card tus account.

Rov mus rau cov lus nug

Yog kuv tsiv tsev tom qab kuv txais kuv daim debit card lawm, kuv yuav hais mus rau leej twg?
Qhov yooj yim tshaj ces hu rau Chase tus xov tooj hu dawb (1-866-817-0761), mus qhia koj qhov chaw nyob tshiab rau lawv. Pauv koj qhov chaw nyob nrog rau Chase kuj yuav pauv koj qhov chaw nyob rau tom lub koom haum saib xyuas txog phab kev txiav nyiaj yug me nyuam thiab.

Yog koj hu mus pauv koj qhov chaw nyob tom lub koom haum saib xyuas txog phab kev txiav nyiaj yug me nyuam, koj tseem yuav tsum hum us rau Chase.

Nco ntsoom, kev cai lij choj hauv lub xeev yuav kom koj kho koj qhov chaw nyob nrog lub koom haum saib xyuas txog phab kev txiav nyiaj yug me nyuam hauv koj zos tsis pub dhau 10 hnub.

Rov mus rau cov lus nug

Yuav ua li cas kuv thiaj pauv tau kuv lub npe ntawm daim debit card?
Koj yuav tsum hu mus rau lub koom haum saib xyuas txog phab kev txiav nyiaj yug me nyuam hauv koj zos yog hais tias koj pauv koj lub npe los yog xav kho lwm yam (tshwj koj qhov chaw nyob, saib "Yog kuv tsiv tsev tom qab kuv txais kuv daim debit card lawm"). Koj lub npe pauv yuav muab xa mus rau Chase. Koj yuav tau txais ib daim card tshiab uas sau koj lub npe tshiab. Yuav tsis muaj nqi tes rau daim card tshiab no.

Rov mus rau cov lus nug
Rov mus rau Lus Qhia rau Cov Niam Txiv


Updated October 25, 2011

Lus Qhia rau Cov Niam Txiv (Hmoob)


The Department of Children and Families, protecting children, strengthening families, building communities.